| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 48

  1. #1

    الصورة الرمزية SEATLOVER

    رقم العضوية : 4001

    تاريخ التسجيل : 07Jan2008

    المشاركات : 2,074

    الحالة : SEATLOVER غير متواجد حالياً

    Lightbulb ظاهرة تسليع السيارات ..... (لمن يبحثون عن شراء سيارة مٌعمرة) - Facebook Twitter whatsapp انشر الموضوع فى :

    hasad">

    بسم الله الرحمن الرحيم
    السلام عليكم ورحمة الله وبركاتة

    ظاهرة تسليع السيارات ............... (لمن يبحثون عن شراء سيارة مٌعمرة)
    خاص بنايل موتورز فقط
    طبعاً عايز تعرف يعنى اية الكلمة دى (تسليع ) ؟
    الحقيقة انا اخترت الكلمة دى لانها انسب كلمة مستحدثة تصف مضمون اللى هاقولة ..ومش عارف يمكن يكون لى السبق فى استخدامها فى مجال السيارات ولا لأ

    خاص بنايل موتورز فقط
    على العموم يعنى اية تسليع ؟
    كلنا ويمكن اللى من جيلنا طلع ولقى والدة عندة عربية بيحبها وبيحافظ عليها ويمكن كانت من عُمر اخواتة اللى اكبر منة كمان ... لية دة مش بيحصل دلوقتى ؟ ! ويمكن العربية اللى انت هاتجيبها ..اخوك اللى مسافر برة وراجع على الصيف مش هايلحق يشوفها معاك !

    خاص بنايل موتورز فقط
    عارف لية ؟

    عشان بقى فية تسليع للسيارة ..
    خاص بنايل موتورز فقط
    تسليع جاية من سلعة ...وتسليع ذى (عولمة ..حوسبة ..حداثة ...) يعنى بتفيد دخول ظاهرة السلعة إلى عالم السيارات
    وجعل السيارة (مفعول بة ) وليس (فاعل ) ..

    - يعنى العربية مابقتش كيان خاص بطبيعة مميزة او منتج مُعمر ...لا اصبحت سلعة تجارية وتحتوى على كل صفات السلعة من ميزات وسلبيات
    خاص بنايل موتورز فقط
    -يعنى وداعاً للعربية المُعمرة ..وداعاً للجودة وقوة التحمل و داعاً للتميز والرقى فى الخامات و المواصفات
    واهلاً بسيارات الزبادى و عربيات كرتون الالبان ومحركات وميكانيكا الغسالات

    تسليع السيارات ... يعنى السيارة فى طريقها ان تكون سيارة كلينكس تنتهى بانتهاء الغرض منها لا اكثر ولا اقل
    خاص بنايل موتورز فقط
    -يعنى ممكن تجيب عربية وتلاجة فى نفس الوقت ... العربية تغير كمبرسور تكييف و التلاجة لسة شغالة ذى الفل
    هو دة الزمن وهى دى الاحوال .

    خاص بنايل موتورز فقط
    طب لما بقت العربية سلعة ... دة يفرق فى اية ؟
    خاص بنايل موتورز فقط
    سلبيات ظاهرة تسليع السيارات :
    1- ارتفاع الثمن مقابل القيمة
    2- تحميل العديد من تكاليف العوامل التجارية من (تسويق و اعلانات وتكالبف دعاية... ) على كل مكونات السيارة
    3- تقليل العمر الافتراضى للمكونات الرئيسية و الفرعية و بالتالى العمر الافتراضى الاجمالى للعربية

    خاص بنايل موتورز فقط
    4- تقليل عامل الامان و الاطمئنان(وليس عوامل الامان فى الحوادث) وظهور احد المشاكل فجاءة وبدون سابق انذار
    5- الانشغال و تضييع الوقت فى مشاكل و عيوب تظهر مع الوقت تافهة وليست ذات قيمة
    6- تدييق الخناق على الفنيين و محاولة حصار اى عملية صيانة فى العربية داخل توكيلها فقط

    خاص بنايل موتورز فقط
    7- اللعب بالشكل على حساب المضمون
    8- اللعب بالكماليات على حساب الاداء
    9- اللعب بالندرة فى قطع الغيار على حساب التوافر و السعر
    10- إعادة التدوير سواء فى التصنيع او الاستهلاك
    11- استنذاف الالف و الالف الاموال من المستهلكين و المشترين بصورة بطيئة و غير محسوسة
    12- الانشغال بالفنيات الخصصة و الموجهة بصورة تجارية و بالاحصنة ...على حساب عُمر الحصان

    خاص بنايل موتورز فقط

    ايجابيات ظاهرة تسليع السيارات :
    1- سهولة الحصول على سيارة حلوة بسعر حلو
    2- صرعة الشكل الجديد و النيو لوك ... الى محبى التغيير واقتناء كل ماهو جديد

    خاص بنايل موتورز فقط
    3- انتعاش سوق المستعمل و تغذيتة بسيارات جديدة كل فترة
    4- زيادة معدل الارباح بشكل خيالى مما يؤدى الى اضفاء المزيد من الرفاهية و الكماليات فى السيارت المستقبلية


    عشان تعرف اكتر عن التسليع و امتى بداء و تميز اى فترة كان فيها الظاهرة ..اليك الاتى ...
    خاص بنايل موتورز فقط
    بداية ظاهرة التسليع .. ومين الشركات اللى تبنت الفكرة و طبقتها :
    الحقيقة ظاهرة التسليع بدأت منذ منتصف التسعينات وتنمو بمعدل متزايد جداً حتى وقتنا هذا

    خاص بنايل موتورز فقط
    فترة منتصف التسعينات :
    - الشركات الصغيرة / (جودة /سعر) مقبول
    بدأت فى عمل سيارات ذات جودة مقبولة و بسعر معقول .
    - الشركات الكبيرة / (جودة عالية /سعر معقول)

    خاص بنايل موتورز فقط
    اندهشت لفترة و حاولت التغيير من سياستها قليلاً والتى كانت تعتمد على جودة رائعة و سعر خيالى .. و لكن تعودها على الجودة ما زال يسيطر عليها ..فأخرجت سيارات ذات جودة عالية و بسعر عادل و بإعادة تدوير متزنة ... وهذة الفترة و خصوصاً فى سيارات الشركات الكبيرة كانت من افضل الفترات على الاطلاق فى وجود سيارات منصفة ومُرضية لكل من الطرفين المشترى و المنتج

    خاص بنايل موتورز فقط
    فترة اواخر التسعينات :
    خاص بنايل موتورز فقط
    - الشركات الصغيرة / (جودة اعلى من المعتاد لها /سعر معقول)
    اغلبيتها لم تستطع الصمود طويلاً امام معادلة الشركات الكبيرة الموفقة جداً فى هذة الفترة إلا الشركات المتميزة منها و التى كانت تعبر فى وقتها على انها تلعب دور الحصان الاسود فى سباقها مع الشركات الاخرى العملاقة وتميزت سياراتها فى تلك الفترة بالافضل سعراً و مضموناً

    خاص بنايل موتورز فقط
    - الشركات الكبيرة / (جودة عالية جداً /بسعر عادل جداً)
    بلغت ذروة هذة المرحلة فى السيارت الجيدة التى تنتمى لشركات كبيرة فى

    اواخر التسعينات
    خاص بنايل موتورز فقط
    فترة اوائل الالفينات :
    - الشركات الصغيرة / (جودة اعلى من المعتاد لها / سعر عالى عن المعتاد)
    الحصان الاسود من هذة الشركات بداء يعتلى الذروة و حقق افضل مبيعات و اكتسب مصداقية المشترين و اصبح ينافس بقوة الشركات الكبيرة فى سياستها سيارة عالية الجودة بسعر عادل

    خاص بنايل موتورز فقط
    - الشركات الكبيرة / (جودة طبيعية / سعر مرتفع قليلاً)
    استمرت فى زيادة فكرة التسليع و المنافسة مع الشركات الصغيرة و التى تلعب على احد اوتارها الرئيسية و هى الجودة ..استمرت اكثر فى تبنى و احتراف عملية التسليع و انتجت سيارات ذات جودة عادلة بسعر عادل و دخول عناصر رئيسية فى عملية التسليع مثل سرعة اعادة التدوير لبعض الاجزاء و باقى عوامل التسليع السابقة

    خاص بنايل موتورز فقط
    الفترة الحالية :
    - الشركات الصغيرة / (جودة عالية / بسعر عالى )
    لم تعد صغيرة بل اصبحت تُعامل الند بالند مع الكبار و اصبحت سياراتها ذات جودة عالية و سعر عالى .. مع الاستذة فى لعب دور التسليع صح كما تفعلها الشركات الكبيرة فى فترة اوائل الالفينات
    - الشركات الكبيرة / (جودة مختلفة و متنوعة لكل موديل / بسعر متنوع فى الارتفاع )

    خاص بنايل موتورز فقط
    لعبت المعادلة بطريقة مختلفة و ذكية جداً ..حيث اصبح كل موديل داخل نفس الشركة لة سياستة الخاصة و نسبة تسليعة الخاصة بة . وبشكل اجمالى طغى عنصر التسليع على جميع فئات الماركة الواحدة بس باشكال مختلفة و متنوعة ..كما سيتم شرحها لاحقاً

    خاص بنايل موتورز فقط
    ومن خلال التحليل اللى فات تقدر تعرف لو عايز عربية مستعملة ذات جودة عالية و معمرة ممكن تدور عليها فى اى فترة ولو مش عايز عربية وقتية و فكرك فى اعادة بيعها هياخد فترة طويلة ممكن تبعد عن اى فترة
    خاص بنايل موتورز فقط
    - يعنى العربيات المعمرة من الشركات الكبيرة تدور عليها فى اواخر التسعينات و اوائل الالفينات .
    - و العربيات الاقتصادية بأطول وقت ممكن بأحسن جودة ممكنة على السعر بالنسبة للعربيات من الشركات الصغيرة هاتلاقيها فى فترة منتصف التسعينات و اواخر التسعينات .

    خاص بنايل موتورز فقط
    ملحوظة هامة فى بحثك عن سيارة معُمرة :
    كل شركة سيارات فى العالم و خصوصاً الشركات الكبيرة كانت دائماً تبحث عن انتاج موديل يحقق لها الثبات فى السوق و يعطة مصداقية للمشترى من هذة الماركة و تحاول ان تحقق لة اكبر المزايا بأقل الاسعار

    عليك ان تعرف جيداً ..ما هذة الموديلات و كانت سنة كام ... وعشان اسهلها عليك
    خاص بنايل موتورز فقط
    هذة الموديلات لها صفات خاصة يمكنك تميزها و معرفتها بسهولة
    1- اكثر موديل حقق مبيعات فى السوق من هذة الشركة
    2- موديل ماسك سعرة فى السوق و علية طلب
    3- قطع غيارة متوفرة و اللى بيفهم فية كتير
    4- شكل و تصميم متزن و ثابت واستمر فترة معقولة دون تغيير
    5- لم ينزل باشكال و اللوان متعددة فى الكماليات
    6- يوجد بة عيب واحد ظاهر و معروف فقط وليس اكثر (واطية من الارض-استهلاك بنزين –ضيق من جوة – الشكل مش ظريف من جانب معين -....)

    خاص بنايل موتورز فقط

    ازاى الشركات بتسلع العربية ..واية هى طرق التسليع المختلفة :

    -1- نظرية التأثير و الترويج للعوامل الفنية الوهمية او على اقل تقدير التى لا تفيد كل نمط المشترين
    خاص بنايل موتورز فقط
    - توجية عقلية المشترى نحو عد و حساب عدد الاحصنة.......مع ان الفعال منها على rpm عالى جداً
    - استهلاك الوقود..... مع ان الفروق اصبحت بسيطة جداً لوجود التكنولوجى العالى فى مختلف الفئات
    - الارتفاع ....... مع ان كل الموضوع لا يزيد عن سنتيمتر واحد
    -المساحة الداخلية .....مع ان الابعاد هى ابعاد قياسية و الرحابة و الوسع ما هى الى نتيجة نمط فرش و سمك كراسى

    خاص بنايل موتورز فقط
    -2- نظرية سرعة الاستهلاك و اعادة التدوير
    - الاجزاء الخارجية ذات شكل براق .. ولكنها سهلة الكسر و غير معمرة و سرعان ما تؤول للتغير فى وقت قصير

    خاص بنايل موتورز فقط
    - تقليل الفترات و الاعمار الافتراضية للاجزاء الداخلة فى عمليات الصيانة الدورية
    - اعتماد خامات داخلية تتأثر بالعوامل المختلفة من استعمال او حرارة او اتربة

    خاص بنايل موتورز فقط
    - اى استعمال عنيف او مفاجى الى اى من الاكسسوارات او الاجزاء نذير بكسرها و تغييرها بجديد

    خاص بنايل موتورز فقط
    -3- نظرية سعر اجمالى للسيارة محسوب من تغيير قطع الغيار (سعر سيارة مناسب/قطع غيار غالية )
    - سعر السيارة المنخفض غير معبر ابداً عن سعر قطع غيارها المرتفعة خاص بنايل موتورز فقط
    - اى قطعة غيار ثمنها مبالغ جداً فية بالنسبة لقيمة السيارة وقت الشراء

    خاص بنايل موتورز فقط
    -4- نظرية حصر اعمال الصيانة داخل التوكيلات فقط
    - وضع تكنولوجيا معقدة بدون داعى
    - عدم توافر قطع الغيار خارج التوكيل
    - عمل فخ لاى فنى يمكن ان يقع فية حتى يكون التوكيل هو الوحيد المتحكم و الادرى بسيارتة

    خاص بنايل موتورز فقط
    -5- نظرية كل موديل ولة نظامة
    - شراء موديل ينتمى لماركة مشهورة ليس بالضرورة ان يتمتع بكل المميزات اامعروفة لتلك الماركة
    - لاتجعل الاسم والعلامة محل سيطرة على تفكيرك تعامل مع العربية مجردة من اسمها و العلامة التى فى منتصفها

    خاص بنايل موتورز فقط
    -6- نظرية التصنيع النامى خارج بلد الشركة العريق
    - كل الشركات الكبيرة استغلت اسماءها و اسم بلادها و اتجهت بالتصنيع الى دول نامية اخرى لتحقق اقل سعر للتكلفة ..... ولكن عليك ان تعرف انك فى النهاية تنتمى الى هذة البلد محل التصنيع بسيارتك وليس للماركة بشكل مباشر

    خاص بنايل موتورز فقط
    - معايير الجودة فى هذة الحالة تبدلت لتصبح بعد ان كانت مفروضة على الشركة لوجودها فى بلد المنشاء العريقة ..لتتحول الشركة نفسها لمراقبة انتاجها الذى يتم فى بلد النامية
    وبالتالى ... لا جودة فعالة لمن يراقب نفسة !

    خاص بنايل موتورز فقط
    -7- نظرية اللعب على الجزء بدل الكل
    - كل تغيير قطعة واحدة ذات عمر محدود يعادل عشر قطع ذات عمر طويل
    - صعوبة معرفة هذة النظرية من قبل المشترى و بالتالى غموضها سر نجاحها

    خاص بنايل موتورز فقط
    -8- نظرية اعلانات سيارات التيك واى
    - دعاية كتير –اعلانات كتير-كلام كتير-عربيات بتنط وتطير ..... بالتأكيد تساوى منتج استهلاكى
    -استخدام جمل او كلمات او تعبيرات بعينها بكثرة تساوى اضمحلال بقية العوامل فى السيارة
    -التركيز على جانب فنى واحد تساوى محاولة اغفال المشترى عن كل العوامل الاخرى

    التسليع و التسعير (ظاهرة التسليع فى العربية و علاقتها بسعر السيارة )
    خاص بنايل موتورز فقط

    إذا كنت قد كونت فكرة عامة عن ظاهرة التسليع و استوعبتها جيداً وانطباعك عنها انها ظاهرة سيئة و يجب الابتعاد عنها...
    خاص بنايل موتورز فقط
    فانت بحاجة الى معرفة اين توجد بصفة غالبة فى الفئات السعرية الحالية و اين تخف و تنحصر ..واين تتلاشى
    خاص بنايل موتورز فقط

    تحت حاجز المائة الف
    للاسف انت محاصر من كل انواع التسليع وبكل الانواع و على شتى الطرق و لكن بنسب متفاوتة على حسب
    - من 40 الى 60 الف ...... نسبة تسليع منخفضة نسبياً
    - من 60 الى 80 الف ...... نسبة تسليع عالية جداً فى السيدان و منخفضة فى الهاتش باك (نسبياً ايضاً بالنسبة لحاجز ال مائة الف بشكل عام )

    خاص بنايل موتورز فقط
    - من 80 الى 100 الف ...... نسبة تسليع عالية فى السيدان و منخفضة جداً فى الهاتش باك (نسبياً ايضاً بالنسبة لحاجز ال مائة الف بشكل عام )

    خاص بنايل موتورز فقط
    فوق حاجز المائة الف
    تأخذ نسبة التسليع فى الانحصار تدريجياً و لكن تتنوع و تختلف و تتطور لطرق ذكية اكثر بكثير من الموجودة تحت الحاجز
    - من 100 الى 120 الف ...... نسبة تسليع واضحة جداً
    - من 120 الى 140 الف ...... نسبة تسليع اقل وضوحاً و بطرق متطورة ً

    خاص بنايل موتورز فقط
    - من 140 الى 170 الف ...... تنحصر نسبة التسليع فى بعض عوامل محدودة ً
    - من 170 الى 200 الف ...... الاعتماد على عامل واحد او اتنين فى عملية التسليع


    فوق حاجز ال 200 الف
    تأخذ نسبة التسليع فى الرجوع للخلف تاركة مبداء (السعر / الجودة ) من جديد و لكن هذة المرة على حسب فئة السيارة نفسها
    هاتش باك / نسبة تسليع تكاد تكون معدومة
    سيدان / نسبة تسليع منخفضة
    سيدان فارهة / نسبة تسليع معقولة جداً
    جيب / نسبة تسليع الاعلى فى هذة الفئة

    خاص بنايل موتورز فقط

    وبكدة نبقى عرفنا و استوعبنا كويس اوى ازاى بدأت الظاهرة و اهدافها و مميزاتها وسلبياتها الكتير و الاهم من دة كلة يعنى اية ( تسليع ) الكلمة الجديدة فى طرحها و سماعها ...بينما هى قديمة جداً فى وجودها و تأثيرها ..
    خاص بنايل موتورز فقط

    وعرفنا ازاى تحولت السيارة من صناعة مُعمرة طويلة الاجل و تمتد الى اجيال متلاحقة الى مجرد سلعة للبيع والاستهلاك و سرعة التدوير فى مختلف اجزاءاها
    خاص بنايل موتورز فقط

    ودة كان بداية مهمة جداً لمن يبحثون عن شراء سيارة مُعمرة لا تمتد بالضرورة منهم لاولادهم كما كان الحال زمان و لكن على اقل تقدير تستمر معهم حتى تتغير الظروف و يغير المالك ما يمتلكة وليس العكس
    خاص بنايل موتورز فقط
    وكتير منا هايقولى طب ما دة موجود فى كل العربيات و ظاهرة (التسليع ) بقت فى كل السيارات على اختلاف انواعها و فئاتها ...

    طيب نجيب اية بقى عشان نتفادى التسليع و نجيب عربية مٌعمرة تستحمل و تعيش ؟
    خاص بنايل موتورز فقط
    الحقيقة دة كلام فى معظمة سليم و ظاهرة التسليع لم تترك سيارة الان إلا و طالتها ..
    ولكن هناك بعض الثغرات و يوجد بالفعل العديد من الموديلات على اختلاف الماركات تتمتع بنسبة تسليع منخفضة جداً و خصوصاً اللى بيفكر فى المستعمل لان الاختيارات امامة كتير جداً و متقاربة فى الاسعار ..وبالنسبة للزيرو عليك ان تكون حذر و تعرف اين توجد ظاهرة التسليع بشكل كبير ذى ما قولنا و تحاول على الاقل تجنبها بقدر الامكان

    خاص بنايل موتورز فقط

    التفاصيل و ازاى وامتى يكون فى تسليع ولا لآ و تعرفة ازاى وتختار العربية المٌعمرة و اللى مفهاش تسليع ازاى
    دة اللى إن شاء الله هانكملة المرة اللى جاية إذا كان فى العمر بقية
    ونتكلم فى موضوع
    (( ازاى تشترى عربية مُعمرة بدون تسليع ))

    خاص بنايل موتورز فقط


    سعدت بكم وارجو ان اكون قد افدتكم
    والسلام عليكم ورحمة الله وبركاتة

    خاص بنايل موتورز فقط
    هذا الموضوع هو مجرد خواطر فى ظاهرة قديمة وجوداً جديدة التسمية


  2. #2

    الصورة الرمزية Nile_Storm

    رقم العضوية : 3233

    تاريخ التسجيل : 16Nov2007

    المشاركات : 4,415

    النوع : ذكر

    الاقامة : El Haram

    السيارة: FSO Polonez 1990

    السيارة[2]: Hyundai Verna 2008 LS

    الحالة : Nile_Storm غير متواجد حالياً

    افتراضي -

    ايه المقال الجامد ده
    بجد لازم تجمع مقالاتك دي
    و تسميه دليل المبتدئين لشراء سياره بابسط الطرق
    و تشوف حد يطبع الحاجات الجامده دي


    بس لفظ تسليع ده صعب شويه :)
    بحس اني اتلسعت :)


  3. #3

    الصورة الرمزية elpasha009

    رقم العضوية : 1093

    تاريخ التسجيل : 21Jun2007

    المشاركات : 555

    النوع : ذكر

    الاقامة : Japan-Egypt

    السيارة: لا يوجد

    السيارة[2]: Toyota Prius

    دراجة بخارية: لا يوجد

    الحالة : elpasha009 غير متواجد حالياً

    افتراضي -

    Seatlover أنت لازم يتعملك رانك مخصوص ويبقى مثلا (فنان نايل موتورز):) أو (تيربو نايل موتورز)
    بجد إنت فنان في كل مقالاتك وجزاك الله خيرا.


  4. #4

    الصورة الرمزية محمد المصرى

    رقم العضوية : 75

    تاريخ التسجيل : 22Apr2007

    المشاركات : 591

    النوع : ذكر

    الاقامة : New Cairo

    السيارة: Toyota

    السيارة[2]: Octavia a5

    دراجة بخارية: لا

    الحالة : محمد المصرى غير متواجد حالياً

    افتراضي -

    من النهاردة انا هاسميك توفيق الحكيم للسيارات

    ومفروض تاخد جايزة نوبل للسيارات

    بجد مواضيك جميلة وفيها تعب جامد


    وممكن برده تنافس انيس منصور فى مقالاته

    شوف الى يعجبك فيهم

    محمد المصرى


  5. #5

    الصورة الرمزية Chicco

    رقم العضوية : 1375

    تاريخ التسجيل : 08Jul2007

    المشاركات : 2,957

    الحالة : Chicco غير متواجد حالياً

    افتراضي -

    من أحلى المقالات اللي قريتها مؤخرا (دي و تحليل دكتور أحمد سمير للسوق المصري ) تحليل محترف و يليق بمنتدى سيارات متخصص
    في إنتظار الجزء القادم و يا ريت أمثلة كمان
    بس إنت جبت "تسليع " ديه ازاي يا باشمهندس :)


  6. #6

    الصورة الرمزية NaderNabil

    رقم العضوية : 45

    تاريخ التسجيل : 18Apr2007

    المشاركات : 5,565

    النوع : ذكر

    الاقامة : المعادي..أخر الشارع

    السيارة: Logan A/T-Yaris HB HL

    السيارة[2]: Astra J Cosmo

    دراجة بخارية: NO

    الحالة : NaderNabil غير متواجد حالياً

    افتراضي -

    يا جدعان مرجع.....عمال أقول كده و محدش مصدقني :)

    ربنا يباركلك يا م\عمرو....

    عايز أضيف حاجة علي موضوع الجودة اللي بتقل في شركات السيارات...

    مرسيدس بنفسها قالت ان زمن السيارات اللي كنا بنعملها اللي ممكن تعيش بعمر الانسان و تفضل بحالتها انتهي....دلوقتي الاتجاه ان العربية تقعد 5 سنين متوسط و يتم تغيرها باخري جديدة....لأن ايه الفايدة للشركة لو الزبون اشتري عربية و فضل نايم عليها عمره كله؟؟ مش هانستنفع كده:)


  7. #7

    الصورة الرمزية Ahmed Anwer

    رقم العضوية : 794

    تاريخ التسجيل : 27May2007

    المشاركات : 3,700

    النوع : ذكر

    الاقامة : Cairo

    السيارة: هيونداي فيرنا أوتوماتيك 2007

    السيارة[2]: رينو فلوينس

    دراجة بخارية: No

    الحالة : Ahmed Anwer غير متواجد حالياً

    افتراضي -

    تسلم ايديك ،،

    رغم اني مش مستوعب اوي ،،

    بس موضوع التسليع ده مش كله سلبيات

    لو علي قد فهمي انه يديك عربية مناسبة و بسعر قليل

    و اللي ابتدوه اليابانين في اوائل السبعينات ،،

    و اثبتوا للعالم ان مش شرط السيارة تكون غالية عشان تكون كويسة و معمرة ،،

    و دلوقتي كله بيجري وراهم عشان يحاول يحصلهم ،،

    و لازم الموضة و لازم الإفتكاسات ،، عربية تدورها بزرار ،، سنسورات للكاوتش ،، سنسورات لكل

    حاجة ، مخارج كهربا و الكترونيات بالهبل ، و عربية تركن نفسها كمان و شاشات بلازما و نظام توجيه

    ما هو لازم يعملك حاجات جديدة ،، عشان تغير عربيتك ،، و تبقي بتلهث عشان حاجات جديدة نزلت

    و اللي كان مبنشوفهوش غير في المرسيدس اصبحت تقتنيه في عربيات ب 50 الف

    خلاص زمن عربية العمر،، و اخلي العربية اورثها لابني بعد كده ،، انتهي ،،،

    و حاجة تانية سمعتها من واحد دماغه حلوه اوي في العربيات ،،،،

    انتا فاكر العربيات القديمة اللي ماشية في مصر دي عربيات حلوة و متكلفة ؟؟؟

    دي عبقرية الشعب المصري اللي بيعرف يستغل اي حاجة حتي اخر نفس ،،

    و نفسي تقولي علي موديل اترمي في الزبالة كله شغال ،،،


  8. #8

    الصورة الرمزية SEATLOVER

    رقم العضوية : 4001

    تاريخ التسجيل : 07Jan2008

    المشاركات : 2,074

    الحالة : SEATLOVER غير متواجد حالياً

    افتراضي -

    الف شكر يا جماعة وربنا يخليكوا دايماً بكلامكم الجميل اللى بيشجه الواحد على الاستمرار و بيحسسة ان فى ناس لسة عايزة تقرا و تفهم قبل ما تنفذ

    ياريت يا جماعة نفكر الاول و نوجة تفكيرنا و نغذية بكل اللى نقدر نفهمة من معلومات قبل ما نحط ايدنا فى جيبنا عشان نتطلع فلوس العربية

    اقتباس المشاركة الأصلية كتبت بواسطة Nile_Storm مشاهدة المشاركة
    بس لفظ تسليع ده صعب شويه :)
    بحس اني اتلسعت :)
    يصراحة يا Nile_Storm كلمة (تسليع ) دى افتكاسة منى ... بس قعدت ادور على المسمى المناسب للى بيحصل فى العربيات من سنين ملقاتش انسب من الكلمة دى

    وهى ذى (عولمة -وامركة -وحوسبة -...) وكدة يعنى .. يعنى بتفيد دخول الشىء على الشىء الاخر و إكسابة صفة و صبغة لم تكن فية ... وظهورة بمظهر وعوامل جديدة تكتشفها ببطىء و بصعوبة ...ومن غير ماتحس
    اقتباس المشاركة الأصلية كتبت بواسطة elpasha009 مشاهدة المشاركة
    Seatlover أنت لازم يتعملك رانك مخصوص ويبقى مثلا (فنان نايل موتورز):) أو (تيربو نايل موتورز)
    بجد إنت فنان في كل مقالاتك وجزاك الله خيرا.
    تسلم يا elpasha وربنا يخليك .. انا عارف انك متابع و متطلع جداً ودة لا يقل اهمية عن اى موضوع مهم ... فوجود مثلك هو سبب وجود اى موضوع قوى
    اقتباس المشاركة الأصلية كتبت بواسطة MOHAMED ELMASRY مشاهدة المشاركة
    من النهاردة انا هاسميك توفيق الحكيم للسيارات ومفروض تاخد جايزة نوبل للسيارات ,بجد مواضيك جميلة وفيها تعب جامد ,وممكن برده تنافس انيس منصور فى مقالاته,
    شوف الى يعجبك فيهم
    :) ربنا يخليك يا محمد ..بس بلاش والنبى الاتنين دوول مش باحبهم ولا بطيقهم
    لو مصمم تسمينى ... يبقى سمينى (حسنين هيكل ) الراجل دة بموت فية
    وجايزة نوبل اية يا راجل ..ربنا يكرمك ... احنا بنحاول نفُك الطلاسم و الالغاز اللى بيرموها علينا بعربياتهم و احنا قاعدين نتفرج
    اقتباس المشاركة الأصلية كتبت بواسطة Chicco مشاهدة المشاركة
    من أحلى المقالات اللي قريتها مؤخرا (دي و تحليل دكتور أحمد سمير للسوق المصري ) تحليل محترف و يليق بمنتدى سيارات متخصص
    في إنتظار الجزء القادم و يا ريت أمثلة كمان
    بس إنت جبت "تسليع " ديه ازاي يا باشمهندس :)
    Chicco حبيب قلبى (صمام امان المنتدى ) وحديث الحكمة
    لا يا عم د.احمد سمير دة موسوعة ربنا يبارك فية .. احنا لسة على قدنا
    وبالنسبة (لتسليع )
    يعنى (اضفاء صفة السلعة ..على حاجة عمرها ماكنت بتجبها و فى دماغك انك هاتستهلكها و ترميها ) تقدر تقول مبداء سيارات الكلينكس كدة
    هى صحيح ممكن تمتد لاكثر من خمس سنين .. بس مش هو دة الرقم الاصلى ليها
    يعنى ماينفعش يبقى عمر البوتجاز اجيال ... و العربية تبقى على قد فترة الكلية !!!

    وبالنسبة للامثلة ..جاية ان شاء الله فى الموضوع اللى جاى انا قولت بس الناس تستوعب الموضوع كويس ...احسن حد يفتكر ان (تسليع ) دى عيبة ولا حاجة ..فايجيى يدافع عن عربيتة و يقولك لا دى مش (متسلعة خالص )
    اقتباس المشاركة الأصلية كتبت بواسطة NaderNabil مشاهدة المشاركة
    يا جدعان مرجع.....عمال أقول كده و محدش مصدقني :)

    ربنا يخليك يا نادور .. والله كل ما بتقول الجملة دى ..بتخوفنى و انا بكتب اى موضوع جديد ..وببقى عارف ان فى ناس ورايا لن تقبل بمستوى اقل من اللى شافتة منى ... ربنا يخليك و يباركلك
    اقتباس المشاركة الأصلية كتبت بواسطة Ahmed Anwer مشاهدة المشاركة
    تسلم ايديك ،،رغم اني مش مستوعب اوي ،،بس موضوع التسليع ده مش كله سلبيات

    احمد باشا ..ربنا يخليك يا معلم ... مع انى عملتلك قلق اليومين اللى فاتوا و تعبتك معايا
    هو طبعاً مش كلة سلبيات .. وانا ذكرت فى الموضوع العديد من ايجابيات هذة الظاهرة
    ولكن ان جيت للحق سلبياتها اكتر كتير ... والايجابيات بتخدم فئة قليلة قوة ذى طلبة الجامعة و البنات و هواة التغيير و الباحثين عن الموضة ..وغيرهم
    انما من يبحث عن سيارة من لحمة الحى ...بقى صعب اوى
    --------------------------
    الف شكر يا جماعة و دايماً سباقين و منتحرمش منكوا ابداً

    وياريت الناس اللى مش فاهمة اى حاجة تقول و تسأل ...انا عارف ان الموضوع غريب شوية و يمكن يكون مش مفهوم فى حاجات منة ..ودى سبتها للمشاراكات عشان يبقى فى تفاعل و الموضوع نفسة يبقى مش معقد اوى و يتفسر واحدة واحدة فى المشاراكات .










  9. #9

    الصورة الرمزية islambana

    رقم العضوية : 1819

    تاريخ التسجيل : 19Aug2007

    المشاركات : 2,201

    النوع : ذكر

    الاقامة : cairo(elmohandseen) & sohag

    السيارة: it was Vectra B CDX

    السيارة[2]: Lancer 99 GLX Automatic

    دراجة بخارية: NO

    الحالة : islambana غير متواجد حالياً

    افتراضي -

    بجد ياباشا انت دكتور مهندس مش مهندس بس
    بسم الله ماشاء الله
    مواضيعك منظمه جدا ومفيده جدا واسلوبك سهل وبسيط
    ده انا حتي عاملك فولدر لامم فيه كل مواضيعك


  10. #10

    الصورة الرمزية Chicco

    رقم العضوية : 1375

    تاريخ التسجيل : 08Jul2007

    المشاركات : 2,957

    الحالة : Chicco غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة SEATLOVER مشاهدة المشاركة
    Chicco حبيب قلبى (صمام امان المنتدى ) وحديث الحكمة
    لا يا عم د.احمد سمير دة موسوعة ربنا يبارك فية .. احنا لسة على قدنا
    وبالنسبة (لتسليع )
    يعنى (اضفاء صفة السلعة ..على حاجة عمرها ماكنت بتجبها و فى دماغك انك هاتستهلكها و ترميها ) تقدر تقول مبداء سيارات الكلينكس كدة
    هى صحيح ممكن تمتد لاكثر من خمس سنين .. بس مش هو دة الرقم الاصلى ليها
    يعنى ماينفعش يبقى عمر البوتجاز اجيال ... و العربية تبقى على قد فترة الكلية !!!

    وبالنسبة للامثلة ..جاية ان شاء الله فى الموضوع اللى جاى انا قولت بس الناس تستوعب الموضوع كويس ...احسن حد يفتكر ان (تسليع ) دى عيبة ولا حاجة ..فايجيى يدافع عن عربيتة و يقولك لا دى مش (متسلعة خالص )


    تمام يا باشا و ربنا يديم المعروف
    موافق حضرتك تماما على سلبيات طغيان الأتجاه "لتسليع" السيارات و تحويلها من سلعة معمرة لسلعة إستهلاكية ....... نظام اشتري دلوقت و ارمى بعدين ....لكن احساسي الشخصي ،إن اجلا أو عاجلا، السوق المصري بكامله مش حيبقى قدامه إلا التسليم بالامر الواقع و الخضوع لنفس المنطق



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. مقترح للحكومة للقضاء على ظاهرة بيع السيارات المسروقة بنسبة 100% ومكافحة سرقة السيارات
    بواسطة ahmed1981 في المنتدى مقـتـــرحـــــات لحــــل الأزمـــات المــرورية
    مشاركات: 21
    آخر مشاركة: 29-03-2014, 07:51 PM
  2. انا معترض ( ظاهرة شراء الشوارع )
    بواسطة cayman69300 في المنتدى المنتــــــدى العـــــــــــام للسيــارات
    مشاركات: 55
    آخر مشاركة: 30-05-2010, 11:06 AM
  3. ما الأوراق التى يعطيها لى موزع السيارات عند شراء سيارة
    بواسطة nabil246 في المنتدى المنتــــــدى العـــــــــــام للسيــارات
    مشاركات: 4
    آخر مشاركة: 26-05-2008, 11:12 PM
  4. 3 أسئلة إلى أهل الخبرة من مبتديء (خام) في عالم السيارات - ويريد شراء سيارة
    بواسطة nilebeginner في المنتدى قســـــــــم المقارنــــات
    مشاركات: 17
    آخر مشاركة: 27-12-2007, 11:43 PM
  5. ظاهرة هتجنني في بيع السيارات؟؟
    بواسطة الصاوي في المنتدى المنتــــــدى العـــــــــــام للسيــارات
    مشاركات: 14
    آخر مشاركة: 04-10-2007, 09:59 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2