معلش يا جماعة بس انا عايز حل للاستهلاك العالى للبنزين العربية صنى 2005 اوتوماتيك
اخر تفويلة خدت 26 لتر / 186 كم .....اعمل ايه علشان احسن الاستهلاك ...والاستهلاك الطبيعى بيكون قد ايه؟؟؟
عرض للطباعة
معلش يا جماعة بس انا عايز حل للاستهلاك العالى للبنزين العربية صنى 2005 اوتوماتيك
اخر تفويلة خدت 26 لتر / 186 كم .....اعمل ايه علشان احسن الاستهلاك ...والاستهلاك الطبيعى بيكون قد ايه؟؟؟
إنت طبيعتك بتجري و بتحرق و بتفرمل جامد و كده ولا عادي ؟؟ و هل هي أوتوا ولا مانيوال ؟؟ ..
انا بعمل كل يوم حوالى بالكتير 10كم مش اكتر و العربية اوتوماتيك 2005 ولا بقرص ولا حاجة بالعكس انا سواقتى هاديه جداا والشوارع عندنا فاضية يعنى ولا زحمة ولا حاجة
انا معايا سيفيك 2010 على فكره
حضرتك حسبت المعدل دة صح ... يعنى لازم تفول العربية الآول وتمشى فى طريق مفتوح خارج المدينة مسافة 200 كيلو مثلا على سرعة لا تتعدى 90 كيلو وبعدان تروح تفول تانى وتشوف فولت كام لتر وتقسمهم على الكيلو اللى عملتوا فى الرحلة دية ...
داخل المدينة صعب تحسب المعدل الطبيعى ....
المعدل المتوسط يتراوح من 180 : 230 كأستهلاك وسطى بين المدينة وخارج المدينة .يعنى لا يقل عن 180 كيلو فى 20 لتر
حضرتك أفضل أنك بعد ما تعمل الحسبة دية كويس وتشوف النتيجة لو كان المعدل القديم هو هو يبقى أفضل تروح التوكيل وهما يقوموا باللازم أفضل من اللعب فى العربية برة التوكيل
والله الموفق والمستعان
هى البوجيهات حالتها ايه و الصيانه ألدوريه. لو حضرتك حاسس بتغير جامد ممكن توديها التوكيل علشان تطمن
انا مجربتش انى امشى 200كم على طريق مفتوح لانى شارى العربية من حوالى 5 اشهر بس كمان العربية عاملة 125000كم حتى الان مو2005 انا فى مطروح لا عندنا توكيل ولا حاجة غير اللعب فى العربيات والعربية تقريبا اتلعب فيها كذا مرة وبالتالى هى اكيد خارج الضمان ...ايه الحل الله يرضى عليكم
كلامكم كله صح ...هو الكشف يتكلف كام
ماليش نصيب فيه دلوقت....بس هو فى العادى بيكون كام؟
تقريبا الكشف الكامل ده بيكون تمنه 330 شامل الضريبة وده من تجارب الاعضاء قبل كده .
مهو انت لازم تحسب المعدل بالطريقه الى الاخ الفاضل abdm قالك عليها
تفول على الاخر وتطلع على طريق تمشي رنج ال 200 كيلو وبعد كده تفوق تاني تشوف هي اخدت كام لتر كده هتعرف
في نقطه تانيه وهي الصيانه سيور فلاتر بتفرق في الاستهلاك الكلام ده كله بيفرق
عموما وبرضو ممكن تكشف على الرشاشات
وعموما عشان تبقى عارف ان انت تدور العربيه وتطفيها وترجع تدور وتطفي ده كله طيران بنزين على الفاضي اكيد
لازم تبقى مشوار مش اقل من 30 كيلو مثلا
بس المهم جدا جدا تحسب بالطريقه الى اتقالك عليها علشان ده الي هيحدد فين المشكله في ولا في العربيه
ولما تطلع على طريق متمشيش 160 والكلام ده وانت بتحسب اخرك 100 او 120 اقصى حاجه
10 كم يوميا يعنى 300 كم شهريا
يعنى كده التفويلة عندك بتقعد من شهر ونص لشهرين !!!!!
الاستهلاك العالى ده ممكن يكون تسخين زيادة قبل الحركة او دوران المحرك وانت واقف بالعربية كتير
بيتهيألى محتاجة ظبطة بالكومبيوتر بس وظبط الtps ونظام الحقن وخلافه ونشوف بعدها .. حاول تنزل حتى اسكندرية وتروح للهندسية او مودرن هناك هايكون اقرب واحسن لك
واضح العربية دى عاوزة زيارة للتوكيل .. عشان يتكشف على حاجات فيها كتير .. فى الصيانات لان ممكن دى اللى ماثرة على استهلاك البنزين
فلازم تروح يشكوا على البوجيهات .. وفلتر الهواء ويكشفوا على الحساسات
متكسلش .. ولازم تعرف اخر صيانة اتعمل فيها ايه وايه .. وتكمل
تحياتى
كلام مظبوط انشاء الله هحاول اروح توكيل اسكندرية بس بصراحة مش دلوقتى خالص ولما اكشف عليها اكيد ان شاء الله هوافيكم بتقرير كامل