الحمد لله كملت ال 1000 كيلو شوية اسئلة كده على الماشى للصقور حبايبى ارجو مساعدتكم

**Dr'AhmZZong** · 12-02-2012 10:49 AM

المشاركة الأصلية كتبت بواسطة centon

طيب كده اشتريه من بره ولا هلاقيه هناك ولو هاشتريه سمعت انه فيه منه انواع
ايه النوع المناسب للتيدا و بكام ؟ وقصدك بايه على مسئوليتى ؟ وانت جربته ولا ايه يا ابو حميد ؟
طيب فيه مودرن سمعت ان سينسور بيترش امال ازاى بيبان ؟ والشاشة بتركب فين جوه فى التابلوه ؟ وايه رايك اعمله احسن فى مودرن ولا اوتو و هل فيه اختلاف بين السينسور فى التوكيلين

يعنى رايك كده ادوس وربنا يسهل

هات للتيدا high tech ..
قصدي انه على مسئوليتك عشان لو حصل حاجة بسببه الموتور هيخرج من الضمان ..
أنا مجربه آه في الصني و التيدا بصراحة زيت تحفة بس أنا حطت في لإتنين toptech ..

آه هو بيترش بس بيبقى باين عشان هو بارز لبرة سنة ..
الشاشة آه بتتركب على الطابلوه ..
بصراحة انصحك بـ مودرن عشان هم ملوك الاكسسوارات بس روح اللي في الدقي احسن..
و مفيش اختلاف بين لإتنين ..

**Bishoy.Girgis** · 14-02-2012 01:27 AM

المشاركة الأصلية كتبت بواسطة Ahmed.TV

- موضوع الخبطات اللى عندك لازم حد يبص عليها بعينه .. سواء فى التوكيل او بره التوكيل
ولو مامن خاليك فى التوكيل .. ولو مش مامن وعايز تعملها فى التوكيل وعندك امكانية .. بصراحة حيكون افضلك طبعا .. لان شغلهم والبويات المستخدمة افضل

ونصيحة لو الخبطة معقولة ومش جامدة .. يبقا خاليها تاخد العين .. لان حضرتك باين انك لسه متعلم قريب .. وكمان واخد عين صح .. فحرام ترش العربية لانها فبريكة

- نيجى الى قصة السنسور

كل السنسور اللى فى التوكيل وبر التوكيل واحد شكلا وسعرا تقريبا .. حتى التوكيل فى سعر السنسور مش غالى اوى
لو روحت ركبته بره عادى .. لانه مش بيوصله بالضفيرة .. فميش منه خوف
ولو جبته من بره وركبه فى التوكيل لازم يقولك حنركبه على مسئوليتك .. لان بصراحة عندهم حق .. عشان لو باظ ميجيش العميل يقولهم ما انتوا اللى ركبتوه ..

فعشان كدا اشتريه من التوكيل وريح دماغك .. لان ممكن يرشوه بلون العربية .. واللى بيترش بلون العربية موجود فى مودرن

وبردوا بخصوص وحدة الرفع .. دى متجبهاش من بره عشان ببتوصل بالضفيرة .ز فهاتها من التوكيل افضل ..

لان اكسسورات التوكيل بتاخد عليها ضمان على الاكسسوار وضمان على العربية لو اثرت فى حاجةت على العربية .. فده مش موجود فى مكان بره

وزى ما احمد قالك فى عرض فى مودرن السنسور صينى ومعاه وحدة رفع تايوانى ضمان سنة ب450 وبالتركيب والضريبة بتوصل الى 500 جنيه

وبردوا لو عايز اوتو ايجيبت .. اتفقنا معاه على خصم وقت حملة نيسان بخصم على الاكسسوار 10% باستيكر نايل موتورز

- وبخصوص الزيت عندكم التوب تيك كويس وبردوا الهاى تك .. بس جرب الهاى تك لانه اعلى فى المواصفات واحدث

- حاول كل فترة حط بنزين 95 للتيدا .. حتحس بفرق لما تحطه .. لو مش قادر باستمرار .. حطه كل فترة .. حيفرق معاك فى السحب جدا

وان شاء لله بالتوفيق

تحياتى