الحمد لله كملت ال 1000 كيلو شوية اسئلة كده على الماشى للصقور حبايبى ارجو مساعدتكم

السلام عليكم ورحمة الله وبركاته

الحمد لله كملت امبارح ال 1000 كيلو وكنت ناوى اروح صيانة ال 1000 كيلو
باذن الله وكان عندى شوية استفسارات كده على الماشى بسرعة


1.انا سمعت عن زيت liqui moly وناس كتير اووى شكرت فيه و لاحظت تحسن فى صوت
موتور و سحب العربية هل الزيت ده موجود منه هناك ولا ممكن اشتريه واخده معايا وانه نوع
منه لانى مش فاكر قريت عنه نوعين تقريبا وسعره كام وهل لو استخدمته للتيدا هيطلعها من
الضمان ولا

2. طبعا كلكم عيشتوا معايا موضوع الخبطات اللى فى الرفارف اللى حصلت هل ردها على
البارد وسمكرتها بتاخد وقت يعنى ممكن يقوللى سيب العربية و كده مع العلم انكم قولتولى انها حاجة بسيطة لانى بصراحه ببقى محتاج العربية جدا للشغل و لو كده هل لو عملتها بره حد يعرف واحد كويس لانى فيه جزء من الدهان راح وخايف يوثر على صاج العربية صدا وكده و المفروض اعمل حسابى على كام فى الفلوس
واللى مشفش موضوعين بتوع الرفرف اهم
http://www.nilemotors.net/Nile/268848-a.html
http://www.nilemotors.net/Nile/270768-a.html

3.سنسور البارك اللى فى اوتو ايجيبت ممكن اعرف هوا بيركب على الاكصدام الخلفى بس ولا الاتنين و سمعت انو مش بيترش هل بيقى باين و هو راكب ولا شكله عادى وبالنسبة
للسنسور من جوا فى العربية بيبقى شكله ازاى وهل بيه شاشة وصوت ولا صوت بس وسعره كام و بخصوص وحدة الرفع ايه نظامها وسعرها كام وهل فيه مشاكل لو ركبت وحدة الرفع وكده مستقبليا

ومتشكر جدا يا جماعة وانتظروا ان شاء الله تقرير عن العربية والصيانة باذن الله

ليكوى مولى يعتبر افضل شىء حتى الان على الاقل لم تظهر مساوءه بعد وتغيير الزيت لا يخرجك من التوكيل

بالنسبة للزيت فهو فعلا احسن زيت في مصر لحد دلوقتي و مش هتخرج من الضمان .. بس في حاجة .. الزيت هيبقى على مسئوليتك ..

أنا رايح اعمل عربيتي قريب .. عشان الرفرف عندي كان مخبوط و رديته على البارد .. بس أنا مش عجبني شكله .. فـهعملوا على السخن إن شاء الله قريب .. عند واحد بصراحة ممتاز جدا .. هجربوا و بعد كده هاقولك عملت إيه .. عشان أنا معرفش طريقه ..

بص يا بيه بالنسبة لموضوع السنسور .. فهو بيركب ورا بس .. و في شاشة بتبين المسافة مع انذار صوتي .. و هو فعلا بيبقى باين .. سعره دلوقتي في مدير مع وحدة الرفع بـ 450 جنيه بصراحة عرض تحفة .. معتز مسئول الاكسسوارات لسة قال لي عليه امبارح ..

اقتباس:

---

المشاركة الأصلية كتبت بواسطة ahmazong

بالنسبة للزيت فهو فعلا احسن زيت في مصر لحد دلوقتي و مش هتخرج من الضمان .. بس في حاجة .. الزيت هيبقى على مسئوليتك ..

أنا رايح اعمل عربيتي قريب .. عشان الرفرف عندي كان مخبوط و رديته على البارد .. بس أنا مش عجبني شكله .. فـهعملوا على السخن إن شاء الله قريب .. عند واحد بصراحة ممتاز جدا .. هجربوا و بعد كده هاقولك عملت إيه .. عشان أنا معرفش طريقه ..

بص يا بيه بالنسبة لموضوع السنسور .. فهو بيركب ورا بس .. و في شاشة بتبين المسافة مع انذار صوتي .. و هو فعلا بيبقى باين .. سعره دلوقتي في مدير مع وحدة الرفع بـ 450 جنيه بصراحة عرض تحفة .. معتز مسئول الاكسسوارات لسة قال لي عليه امبارح ..

---

طيب كده اشتريه من بره ولا هلاقيه هناك ولو هاشتريه سمعت انه فيه منه انواع
ايه النوع المناسب للتيدا و بكام ؟ وقصدك بايه على مسئوليتى ؟ وانت جربته ولا ايه يا ابو حميد ؟
طيب فيه مودرن سمعت ان سينسور بيترش امال ازاى بيبان ؟ والشاشة بتركب فين جوه فى التابلوه ؟ وايه رايك اعمله احسن فى مودرن ولا اوتو و هل فيه اختلاف بين السينسور فى التوكيلين

اقتباس:

---

المشاركة الأصلية كتبت بواسطة amdd

ليكوى مولى يعتبر افضل شىء حتى الان على الاقل لم تظهر مساوءه بعد وتغيير الزيت لا يخرجك من التوكيل

---

يعنى رايك كده ادوس وربنا يسهل

مفيش طيب حد من هنا فى توكيل مودرن او اوتواجيبت يرد عليا فيه موضوع
الرفرف و الزيت بيبقى هناك ولا ولأ

الزيت مش هتلاقيه عندهم .. حضرتك تجيبه وتروحلهم والرفرف هتلاقيه هناك اكيد

اقتباس:

---

المشاركة الأصلية كتبت بواسطة zangry

الزيت مش هتلاقيه عندهم .. حضرتك تجيبه وتروحلهم والرفرف هتلاقيه هناك اكيد

---

طيب كده خلاص عرفت انى اشتريه من بره سمعت بقى انه فيه منه انواع
ايه النوع المناسب للتيدا و بكام ؟ واجيبه منين حضرتك تنصحنى بايه ؟
ومتشكر جدا لرد حضرتك واهتمامك

بصراحة السادة الاعضاء مش مخليين الواحد يلحق يرد .. قاموا بالواجب وزيادة
وده لينك موضوع اعلان ليكوى مولى فى المنتدى وفيه عناوين الموزعين واماكن بيع الزيوت والمنتجات اللى مش موجودة فى اى توكيل فى مصر
http://www.nilemotors.net/Nile/254684-liqui-moly.html

اقتباس:

---

المشاركة الأصلية كتبت بواسطة centon

طيب كده خلاص عرفت انى اشتريه من بره سمعت بقى انه فيه منه انواع
ايه النوع المناسب للتيدا و بكام ؟ واجيبه منين حضرتك تنصحنى بايه ؟
ومتشكر جدا لرد حضرتك واهتمامك

---

هما حضرتك فى نوعين فى high-tec وفى top-tec .. انا عن نفسى جبت التوب .. البنت اللى هناك قالتلى لو بتسافر كتير وبتشد بالعربية خد التوب لو مشيك بسيط وهادى خد high .. وممكن حضرتك تسألهم هناك

بالنسبة تجيبه منين شوف حضرتك العناوين بتاعتهم وشوف الاقرب اليك ورحلهم

اتمنى اكون افادتك
وانا تحت امرك

- موضوع الخبطات اللى عندك لازم حد يبص عليها بعينه .. سواء فى التوكيل او بره التوكيل
ولو مامن خاليك فى التوكيل .. ولو مش مامن وعايز تعملها فى التوكيل وعندك امكانية .. بصراحة حيكون افضلك طبعا .. لان شغلهم والبويات المستخدمة افضل

ونصيحة لو الخبطة معقولة ومش جامدة .. يبقا خاليها تاخد العين .. لان حضرتك باين انك لسه متعلم قريب .. وكمان واخد عين صح .. فحرام ترش العربية لانها فبريكة


- نيجى الى قصة السنسور

كل السنسور اللى فى التوكيل وبر التوكيل واحد شكلا وسعرا تقريبا .. حتى التوكيل فى سعر السنسور مش غالى اوى
لو روحت ركبته بره عادى .. لانه مش بيوصله بالضفيرة .. فميش منه خوف
ولو جبته من بره وركبه فى التوكيل لازم يقولك حنركبه على مسئوليتك .. لان بصراحة عندهم حق .. عشان لو باظ ميجيش العميل يقولهم ما انتوا اللى ركبتوه ..

فعشان كدا اشتريه من التوكيل وريح دماغك .. لان ممكن يرشوه بلون العربية .. واللى بيترش بلون العربية موجود فى مودرن

وبردوا بخصوص وحدة الرفع .. دى متجبهاش من بره عشان ببتوصل بالضفيرة .ز فهاتها من التوكيل افضل ..

لان اكسسورات التوكيل بتاخد عليها ضمان على الاكسسوار وضمان على العربية لو اثرت فى حاجةت على العربية .. فده مش موجود فى مكان بره

وزى ما احمد قالك فى عرض فى مودرن السنسور صينى ومعاه وحدة رفع تايوانى ضمان سنة ب450 وبالتركيب والضريبة بتوصل الى 500 جنيه

وبردوا لو عايز اوتو ايجيبت .. اتفقنا معاه على خصم وقت حملة نيسان بخصم على الاكسسوار 10% باستيكر نايل موتورز

- وبخصوص الزيت عندكم التوب تيك كويس وبردوا الهاى تك .. بس جرب الهاى تك لانه اعلى فى المواصفات واحدث


- حاول كل فترة حط بنزين 95 للتيدا .. حتحس بفرق لما تحطه .. لو مش قادر باستمرار .. حطه كل فترة .. حيفرق معاك فى السحب جدا

وان شاء لله بالتوفيق

تحياتى