الموضوع: اشتشارة ومقارنة /دوجان وتيمبرا

طالما عربيتك عارف تاريخها كويس و مفيهاش مشاكل الحمدلله
من رأيي ماتبيعش احسن الا لو هاتجيب جديد

الدوجان عربيه ممتازه و قطع غيارها رخيصه و ميكانيكيه كتير شغالين فيها

بالنسبه للمشكله الي عندك اعتقد تغيير طقم كهربا و تنضيف الكربراتير هاتبقى تمام ان شاء الله
طبعا اسلاك البوجيهات الي بقالهم 20 سنه لازم يتغيرو بس تجيب حاجه نضيفه عشان تديك اداء كويس
تاني حاجه الزيت في العربيات دي لازم يكون مظبوط دايما سواء كان الماتور او الفتيس او الكرونه
لان اي نقص ف الزيت هاتحس بخشونه و انت سايق و طبعا السحب هايقل

التاكيهات المفروض بتتظبط مره ف الصيف و مره ف الشتا او لو مشاويرك كتير يبقى كل 3 شهور
او لو حسيت ان العربيه مكتومه اوي او بتشرب بنزين بزياده اوي او فيه صوت تكتكه و الماتور مش هادي

غير كدا يبقى التاكيهات مظبوطه و تشوف الكهربا
و طبعا لو بتحط بنزين 80 يبقى ماتتوقعش سحب كويس ولا تجميع سرعات بعد 120

المشاركة الأصلية كتبت بواسطة elawany13

أول مرة اسمع معلومة ان التاكيهات بتتظبط مرة صيف ومرة شتا !!!

هي مش حكايه صيف و شتا ,يعني كل 6 شهور تتظبط لو استخدامك قليل و كل 3 شهور لو استخدامك عالي
المفروض في كتالوج العربيه بيبقى محدد عدد كيلومترات لظبط التاكيهات
اعتقد الشاهين كل 20 الف

طبعا عشان كتير من العربيات القديمه مكنش حد بيهتم بصيانتها بمواعيد ثابته ف طبعا العربيه مابتبقاش بكفائتها
ف يفضل تقلل الفترات بين الصيانات عشان تحافظ علي اداء العربيه

المشاركة الأصلية كتبت بواسطة gondor

أنا كان معايا دوجان 94 كانت بتاعت والدي و بعتها و جبت تيمبرا 93 و الحمد لله مندمتش خالص عربية ما شاء الله ممتازه و واسعة و مش هضيف علي كلام أستاذ زلباني زميلي في الرابطة الا حاجة واحدة بس و هو موضوع الثبات علي 120 دا أنا كنت باخد ملفات طريق السخنة الجديد علي 160 و ما شاء الله ولا حاسس بحاجة أنصحك بيع عشان الدوجان دي بعد ما بعتها و ركبت غيرها عرفت انها عربية قذرة و لاموأخذة و لو عايز أنا عندي حاجة كويسه لو تحب

قدامك ايه ياباشا ؟
انا معايا 131 و بفكر ف التغيير