لمبة Check بتنور بس مش دايماً

**Abourayya** · 31-05-2008 05:18 PM

أعزائي،
عربيتي لانوس 1 موديل 2000 اوتوماتيك و عامله دلوقتي 132000 كم.

أنا عندي لمبة الـ Check ساعات بتنور و لكن ما بتستمرش على طول، على الاقل لما بابطل العربية بتروح و ساعات بتروح لوحدها و انا ماشي.
ملاحظتي انها غالبا بتنور في مطالع الكباري و خصوصاً لما يكون راكب معايا حد و ده معناه انه مع زيادة الكبس على البنزين.
مع العلم اني مغير الفرن بواحد استيراد بالحساس و ماكانتش الحكاية دي بتحصل في الفرن القديم. أنا حاسس ان ده عيب الحساس فهل هو بايظ يتغير ولا ممكن يتصلح؟ برضه استهلاكها في البنزين كتير حوالي 100 كم في الصفيحة.
مع العلم أيضا ان الكلام ده ما كانش بيحصل قبل ما اغير الفرن. و الميكانيكي غيرهولي بسبب ان الحساس فيه مشاكل و انه مش عارف يفكه فغير الفرن كله، اعتقد انه اشتغلني (اصل انا زبون). انا كان شكوتي لما رحتله ان العربية بتكتم لما تيجي تنقل للتاني و بعدين تبدا تسحب بعد كام ثانيه من كبس بدال البنزين فكان تشخيصه انه يغير حساس الشكمان اللي في الفرن و حصل اللي حصل.
ياريت حد يقوللي العيب من الحساس فعلاً؟ و ده بيتغير و لا لازم اغير الفرن تاني. و ايه رايكم في الميكانيكي ده؟

عيب تاني كمان آخد رأيكم فيه، ساعات بتحصل نتشة في غيارات الفتيس الاوتوماتيك و لازم ابطل العربية و ادورها تاني عشان النتشه دي تروح. لكن ده مابيحصلش دايما يعني ساعات ساعات.

منتظر ردكم افادكم الله.

محمد ابوريا

**S H @ F T** · 31-05-2008 05:53 PM

روح اكشف على العربية الأول في أي مركز خدمة عنده الجهاز بتاعها
ولو العيب من الحساس يتغير بواحد جديد وليس استيراد ولا يجب تغيير الفرن معه

**ads** · 01-06-2008 09:09 AM

بالنسبه لحساس الشكمان بتباع جديد بحوالى 200 جنيه والفرن ملوش دعوه ومابتغيرش ويفضل طبعاً انك تحط العربيه على اسكنر علشان لمبه التشيك لان ده معنا ان الكونترول سجل العيب
بالنسبه للفتيس انا مش فاهم يعينى ايه بينتش وهل لما بنتش لمبه الباور بتنور