محتاج نصيحة ضروري

**memoo305** · 11-02-2012 08:33 PM

دلوقت ياجمعة أنا شغال في شركة بقالي 11 سنة طبعا الشركة فيها مزايا زي الإستقرار والموصلات وعيوب زي أن الجديد بيأخد أكثر من القديم .... المهم أن علافتي كويسة بالعضو المنتدب والمدير العام وأنا عارف أن هما بيقدروني (معنوياً) . موخرا بدرس دبلومة في aucأتعرض عليا من الشركة أنها تتحملها.
بس المشكلة أن أتعرض عليا وظيفة في شركة تانية بمرتب أعلى على نفس المركز إلى أنا فيه الموصلات على حسابي (بس المرتب الدبل)
تنصحوني أعمل أيه ؟ أنا نواي إن شاء الله بعد الدبلومة على mbaبس لاني بشتغل في الشركة دية من ساعة ما تخرجت خايف جداً من التغيـــــــــــــــــر. أغير دلوقت ولا أستنى بعد الديلومة ولا بعد الماستر؟؟؟؟؟؟؟؟

**grand hand** · 11-02-2012 11:04 PM

موقف محير
نح عواطفك واحسبها بالورقة والقلم والمنطق
وصل صلاة استخارة وربنا يوفقك

**mahmoudselim** · 11-02-2012 11:18 PM

والله ياباش انا مش عارف لية ميال انك تفضل في الشركة زي ما انت وتاخد الدبلومة علي حسابهم وكمان ربنا يوفقك في mba وانت معاهم برضوا , لان الدراسة دي بتحتاج الاستقرار النفسي والمعنوي. وبعد كدا يا أما هتترقي في نفس الشركة وتاخد منصب أعلي من دلوقي بكتير يا أما شركة هنا في مصر تعرض عليك المنصب دا وساعتها تسيب الشركة دي بكل أحترام, يا أما بقي تسافر علي برة وتشتغل هناك في أي شركة محترمة حتي لو هتتنازل عن المنصب ال بتطمح لية بس مش أوي يعني. دا رأي وربنا يوفقك للخير وصلاة الاستخارة متنسهاش الله يكرمك.

**SYD** · 12-02-2012 02:55 AM

انا مع الرأي انك تفضل في شركتك

لأن فعلا الدراسة عايزة تفرغ ويمكن الشغل الجديد ياخد وقتك

ويمكن لو روحت الشركة الجديدة مايرضوش يديولك الكورسات دي

وبعدين بما انك بقالك 11 سنة والشركة مش بتقدرك وبتنطط عليك الناس الجداد يبقي خد حقك منها كورسات
وبعدها اقولهم ماعطلكش

بص بشرط ماتمضيش علي اي حاجة تقول انك ملزم برد ثمن الكورسات في حالة الأستقالة

وبغض النظر عن اي شئ

الدراسة بتفيد البني أدم وبتعلي منه حتي لو هيفضل محلك سر بس يكفي انك اتعلمت شئ جديد

والله المستعان
،
،

**MNabeih** · 12-02-2012 03:26 AM

المشاركة الأصلية كتبت بواسطة syd

انا مع الرأي انك تفضل في شركتك

لأن فعلا الدراسة عايزة تفرغ ويمكن الشغل الجديد ياخد وقتك
اذا كان الشغل الجديد او القديم الشغل واحد علي حد كلامه (نفس المنصب)
ويمكن لو روحت الشركة الجديدة مايرضوش يديولك الكورسات دي

وبعدين بما انك بقالك 11 سنة والشركة مش بتقدرك وبتنطط عليك الناس الجداد يبقي خد حقك منها كورسات
وبعدها اقولهم ماعطلكش

بص بشرط ماتمضيش علي اي حاجة تقول انك ملزم برد ثمن الكورسات في حالة الأستقالة
اكيد هايمضوه علي التكاليف
وبغض النظر عن اي شئ

الدراسة بتفيد البني أدم وبتعلي منه حتي لو هيفضل محلك سر بس يكفي انك اتعلمت شئ جديد
لأ, معلش ما ينفعش يبقي انه يفضل محلك سر دة الهدف بتاعة

يتعلم شئ جديد و بعدين يعلق الشهادة علي الحيطة
لأ دة ياخد كورسات عشان يعلي في مستواه التعليمي بما يفيدة في شغله و يعلي مستواه المهني مش لله و للوطن

والله المستعان
،
،

انا شوفت ناس عندها خمسين سنه
اللي عضو منتدب
و اللي مدير مصنع
و اللي مدير انتاج
و اللي رئيس ورددية
و اللي لسة مشغل
يا تري اية الفرق بينهم مع انه كلهم عنهم خمسين سنه
في واحد رضي يفضل محلك سر و راضي و بيقول انا كدة زي الفل و المكان اخدت عليه و مستقر
المفروض الواحد يسعي و ينتهز الفرص بالعقل و المنطق
و يتوكل علي الله