من القصر العينى لمدينة نصر

**DayNight** · 11-02-2012 10:07 PM

بعد إذنكم ممكن حد يقولى الطرق الممكنة للذهاب لمدينة نصر من القصر العينى..

**mohamed_selim** · 11-02-2012 10:10 PM

عربيه ولا مواصلات؟ و عايز تروح فين فى مدينة نصر؟

**DayNight** · 11-02-2012 11:28 PM

المشاركة الأصلية كتبت بواسطة mohamed_selim

عربيه ولا مواصلات؟ و عايز تروح فين فى مدينة نصر؟

مواصلات..
أول مكرم عند سيتى سنتر..

**mohamed_selim** · 12-02-2012 09:45 AM

هتمشى لحد محطة مترو السيده زينب و بعدين عندك اكتر من اختيار:
1- تنزل محطة ابو الريش بتاعت الميني باص هتلاقى اختيارات كتير فيهم اللى هينزلك مدينة نصر و فيهم اللى هينزلك مصر الجديده و تكمل بحاجه تانيه
2- تاخد المترو لحد كوبرى القبه و من هناك ميكروباص لمدينة نصر
3- تاخد المترو لحلمية الزيتون و من هناك فى عربيات بتكون رايحه 4 و نص بتعدى من عند شارع سيتى ستارز من ناحية طريق السويس او اول عباس و تمشى حته صغيره او تاكسى ب 7-8 جنيه

**samirsaid1** · 12-02-2012 10:28 AM

طيب ماهو فية ميكرو باص من عبد المنعم رياض حتى مدينة نصر مباشرة
وممكن من رمسيس (( من أمام جامع الفتح )) لحد اول مكرم عبيد .. كدة كدة هايركب مترو وهناك ( اول عباس - اول مكرم - النادى الأهلى والسلام وكله كويس ليك

**mohamed_selim** · 12-02-2012 10:34 AM

ممكن برضه و رمسيس هيبقى اسهل من التحرير لأنه هيمشى كتير من مطلع المترو لعبدالمنعم رياض .... حل كويس و اكيد فى حلول تانيه :)

**DayNight** · 12-02-2012 06:05 PM

ميرسى أوى يا جماعة :) جزاكم الله خيراً..
يعنى انتو متفقين ان رمسيس الأسهل؟ و معلش فين "محطة ابو الريش بتاعت الميني باص" دى؟؟

**mohamed_selim** · 13-02-2012 09:23 AM

المحطه تحت محطة مترو السيده زينب بس الناحيه التانيه ... هتروح محطة السيده زينب و تطلع فوق و تعدى فوق المترو هتلاقى زى مول كده و فيه محلات و تحته محطى الميني باص

رمسيس اسهل من عبد المنعم رياض بس انت محتاج تعمل المشوار ده كذا مره و كل مره تجرب سكه لحد ما تحدد اسهل و اسرع طريق ... ممكن فى توقيتك رمسيس يكون زحمه و الميني باص بيمشى من حته سالكه ... محتاج تجارب لحد ما تظبط احسن حاجه