الموضوع: اجعل زوجتـك ترقـص لنـا

بارك الله فيك
بس الموضوع اجتماعى اوى
زى الاحتفال بمولد النبوى الشريف والقبور الى اهلنا بيعملواه وكل خمبس وزيارة القبور فى الاعياد والاربعين
كلها حاجات غلط ومش من الدين
لكن فكر كدة وقولها لاهلك ان الى بتعملوه دة غلط هتاخد بال.....
انا عن نفس عايز اعمل فرح بصراحة وافرح وافرح اهلى معايا
ويكون بالمعقول , اعمل قاعتين واحدة للسيدات وواحدة للرجالة
موضوع كتب الكتاب وتاخدها على البيت وعن تجربة لناس اصحابى مش بتحس باى فرحة خالص
والاهم العروسة تكون موافقه وقتنعة وراضيه

عايزين بقى نشوف راى البنات الى معانا فى المنتدى
ما هما ديما بيدخلوا فى كل حاجة , وقت ما نعوز منهم استشارة يخلعوا؟؟؟

جزاك الله خير

بس الحمد لله انا ما عملتش زى ما انت قلت

انا اصريت اصرار شديد على فستان الفرح والكوفير والنقاب

نعم النقاب بالرغم من معارضة جميع اقاربى واقارب زوجتى

لم يؤيدنى احد

كل واحد يقولى نقبها بعد الفرح

ارد واقول اشكر ربنا فى فرحى بمعصيته

هو ده الشكر والطاعة

والحمد لله زوجتى سمعت كلامى واطاعتنى بلا زعل او تضجر

اوصيكم باختيار زوجاتكم ومن قبلها اهل زوجاتكم

جزاك الله خير يا كاتب الموضوع

المشاركة الأصلية كتبت بواسطة timtim

موضوع جميل وبالمناسبة دي قصة قرأتها وتحمل نفس المضمون:
"كان صديقي يهم بالجلوس بالدرجه الأولى بالقطار المتجه من القاهره الى مدينة أسوان حينما وجد أن وضعية الكرسي الذي سيجلس عليه هو والكرسي الذي بجواره مقلوبة ليواجها الكرسيين خلفهم

فجلس و لم يقم بعدل الوضعيه لمجيئ رجل في العقد السادس من العمر يرتدي الملابس الريفية ليجلس بالكرسي المجاور له

ثم مجيئ زوج شاب و زوجته و كان يبدو عليهما أنهما حديثي الزواج ليجلسا بالكرسيين المواجهين لهما

وللأسف
كانت الزوجة ترتدي بنطلون برمودا قصير وبلوزة
بحمالات تكشف عن ذراعيها وصدرها
فلم يلقي صديقي بالا لهما وانشغل بقراءة الجريدة التي معه

ثم فوجئ بالرجل الريفي الكبير في السن
والذي تبدو عليه علامات الوقار والاحترام
يرتكز بكوع ذراعه على عظمة فخذه واضعا ذقنه على قبضة يده
في مواجهة الزوجة التي تجلس بالكرسي المواجه له
ونظرة عيناه مثبتة نحو صدرها تكاد تخترقه لقرب المسافة

وفجـأة تضايقت الزوجة وغضب زوجها
وقال للرجل:
احترم نفسك انت راجل كبير
عيب اللي بتعمله ده وياريت تقعد عدل و تلف الكرسي

فما كان من الرجل الريفي
أن قال للزوج الغاضب:
أنا مش هقولك احترم نفسك
وعيب عليك تخلي مراتك تلبس عريان
انت حر
يارب تخليها تمشي ملط
مادمت انت قابل
لكن!!!
هقولك،،،
انت ملبسها كده
عشان نشوفها
ونتفرج عليها
ادينا بنتفرج عليها
زعلان ليه بقه؟؟؟

بص يابني!!!
اللي يقبل انه يكون مكشوف من جسم مراته من حقنا كلنا نشوفه
واللي مستور من حقك انت لوحدك تشوفه!!!

وهنا لم ينطق الزوج
وألجمت كلمات الرجل فمه
واحمر وجه زوجته خاصة
بعدما تعالت أصوات الركاب
اعجابا بالدرس
الذي أعطاه الرجل الريفي
للزوج الشاب...

ولم يملك الزوج
الا أن يقوم من مكانه
ويأخذ زوجته
ويغادرا عربة القطار..."

وجون وجون وجون .....جوه الجون .... بس ايه مش اى جون