لقدر الله والكاوتش انفجر هتعمل ايه؟؟

**AhMeD MeTwAlY** · 12-02-2012 12:09 AM

ازيكم يا جماعه يا رب تكونو باكمل الصحه والعافيه
انا النهارده كنت بتمشي علي رجلي وخطر في بالي الموضوع ده وحسيت انه مهم لكل واحد فينا
لقدر الله انت ماشي بعربيه علي سرعه 140 وده المتوسط بين كل الناس الي بتكون مسافره والكاوتش انفجر هتعمل ايه
حالة الكاوتش المنفجر امامي يمين او شمال وكذلك الخلفي يمين او شمال
حصلت معا واحد صحبي وكان لسه مركب كاوتش جديد اشغل شاقه بس مش فاكر النوع
وهو ماشي 140 الكاوتش الامامي يمين طلع علي سن طوبه او ظلطه وانفجر كل الي حصل مسك في الدركسيون كويس وفصل العربيه لحد لما سرعتها انخفضة ونزل غيرها
لو انت مكانه هتعمل ايه؟؟
عن نفسي عربيتي بثق فيها جدا يعني لو انفجرو الاربعه او حتي حصل اي حاجه عندي امل ان هكون سليم(الفليشيا)

**Mostafa.Mahran** · 12-02-2012 12:21 AM

محدش يقدر يقول هيعمل ايه كل واحد و نصيبه و الى ربنا هيلهمه بيه

**moh19227** · 12-02-2012 12:34 AM

هتحاول تهدي العربيه علي قد متقدر من غير استخدام الفرامل - غيار عكسي -
هتاخد جنب الطريق
لو ماشي جوا مدينة هتحاول تحتك بالرصيف علشان تققل سرعتك
الكلام اللي فوق هوا الكلام النظري اما العملي كل واحد ونصيبه ومتعرفش انت ممكن تعمل ايه ساعتها

**bido600** · 12-02-2012 12:45 AM

دي تعود علي اللي سايق ومقدرش اقولك الظبط
لاني لو مخضوض اكيد مش هيجي في بالي اي حاجة غير الفرامل وتحصل المصيبة الكبري
لو متيقظ وهادي هخلي العربية تهدي وانا مكلبش في الدريكسيون
ويا رب ميوريش لاي حد انفجار الكوتش دا خالص وخصوصا الامامي

**Ahmod** · 12-02-2012 12:54 AM

والله بص الظروف اللى زي كدة دي ردة الفعل بتكون تلقائية منك

انت ممكن دلوقتي تقول مش هدوس فرامل وهمسك الدركسيون كويس وهحاول اركز

بس لو تعرضت للموقف لا سمح الله --- بعد الشر يعني

ممكن مع الربكة تلاقي نفسك اتصرفت غلط !

انا من فترة بعد ايام المطرة كنت ماشي حوالي 120-130

وباخد غرزة من اليمين لقيت قدامي بركة مية واخدة الحارة اليمين كلها وعلى امتداد حارتين قدام

كل اللى عملته سبت البنزين وركزت اني مادستش فرامل ولا احاول اتفاداها ومسكت الدركسيون جامد بحيث امشي في خط مستقيم

وعدت على خير الحمد لله

**hosar** · 12-02-2012 10:28 AM

و طبعا ستر ربنا قبل أى حاجة

**fouaa** · 12-02-2012 11:14 AM

بالنسبالى الموضوع مختلف لما العجله بتفرقع على اى سرعه عادى جدا بفضل ماشى عليها لحد ماقف وطبعا كالعاده بنزل ملقيش العجله خالص بلاقى الجنط الغلبان وانا من ساعت مجبت العربيه حققت رقم قياسى فالموضوع ده لانى العجل فرقع منى خمس مرات وكل مره بغير العجله خالص لانى مبقفش الا عند بتاع الكاوتش وببعت اجيب من البيت عجله غيرها ودى تعتبر ميزه جامده جدا فالبيتلز

**ahma8** · 12-02-2012 11:35 AM

لسه حالصة لعربية نص نقل قدامى على الطريق و كانت محملة نابيب بتوجااز من النوع الطويل
بس الواد معلم العربية عومت منه بس عرف يمسك نفسه قبل ما يخبط فى الطبان

ربنا يستهرا علينا كلنا آمين يا رب