المصريين عملوا ثورة علي النظام ناقص نعمل ثورة علي نفسنا
عرض للطباعة
المصريين عملوا ثورة علي النظام ناقص نعمل ثورة علي نفسنا
كل حاجة فى البلد دى شكلية لاغير ونتيجة التغيرات الى حصلت القناع سقط يعنى ايه
1- التدين فى مصر شكلى اكتر شعب بيحج وبيعمر والنتيجة صفر اخلاق وضمير
2- التعليم فى المدارس والجامعات شكلى والنتيجة صفر تعليم واخلاق
3- فى اخلاق طول ما انتى خايف ومتراقب والنتيجة صفر اخلاق وفوضى
4- العامل والموظف بيشتغل ساعة ويصلى ويفطر ويتظاهر عشر ساعات
5- الشوارع والكبارى شكلها تمام امشى عليها هتلاقى رصف زفت
وعشان ننضف والاشكال الضالة الى فى الشوارع تختفى عاوزين ادارة صح ومش اقل من عشر سنين
انا عايز اهاجر ومحدش يقولى اقعد فى البلد صلحها البلد دية بتاعة البلطجية وسواقين الميكروباصات
تعبت من كتر ما بسمع الشتايم فى الشوراع ليل ونهار
زهقت من كتر ما الناس ما بتبصق فى الشارع وبشكل مقرف
زهقت من كتر ما كل ما اروح مصلحة حكومية يتقالى فين الشاى وياريت حاجتك بتخلص
زهقت من اصحاب الشركات الراسمالين اللى بيكسبوا مليارات ويرموا الفتاتيت للى شغالين عندهم وما فيش حماية ولا مكتب عمل ولا بتاع
زهقت من البناء بشكل مستفز وعشوائى شارع 6 متر يطلع فية خمسين برج 12 دور طب ازاى والجراجات تتعمل محلات
زهقت من برامج التوك شو وال 85 مليون محلل سياسى للاحداث كلام وما فيش حلول ويخرج بعد الحلقة يقبض كام باكو وانت اللى ضيعت وقتك فى سماع اى كلام بدون فايدة
اول امبارح والساعه كانت 11 وبتابع التليفزيون كالعاده الاخيره المكتسبه واحد اعز اصدقائى استنجد بيا علشان مراته فى حاله صعبه ولازم تروح للمستشفى ومش عارف يتصرف نزلت واخدته فى العربيه واحنا ماشين الطريق كان بفضل الله كويس جدا وانا كنت سايق بسرعه رهيبه وهمى كله فى الانسانه اللى بتموت وصاحبى قاعد جانبى واول مره فى حياته اشوف دموعه رغم انى اعرفه من اكتر من 14 سنه وبقوله اهدا وكل شىء هايكون تمام ودموعه دى كانت احساس بتقصير منه لكن غصب عنه وانا على كوبرى الدقى لقيت تاكسى فيرنا وعربيه تانى 132 جانب بعض طبعا الكوبرى مايشيلش غير عربيتين بس والعربيتيت ماشين بسرعه 40 علشان فى زفه ادامهم تبعهم نور وكلاكس منى ومن كل اللى حولينا مافيش فايده واول لما نزلت لقيت التاكسى بيزنق عليا وبيشاورلى براحه كان نفسى اقوله بعلو صوتى اتوسل اليك وسع بش مش عارف لغايه لما جيت جانبه لقيته بيكلمنى وبيقولى لو انت لسه ماتجوزتش هتلاقى اللى بيــــ.............قاطعت كلامه وقولتله فى واحده بتموت وانت سبب انى مالحقهاش لقيته بيعتذر بس علشان اعدى باقى الزقه تقريبا كنت بحارب والطريق بعد كده فاضى ومافيش حاجه
ده راجع لايه ؟
وليه الناس بتعمل كده ؟
ليه لما واحد يفرمل مره واحده ادامى وانا بتلقائيه دوست على الكلاكس مره واحده بيشوحلى ويزعق
ليه كل حق مابيتردش غير بالقوه ولوى الدراع
ليه الشعب المصرى مصمم انه يثبت ان النظام القديم كان ناجح فى التعامل معنا ؟
الغريب فعلا ان محدش فى الشارع بيتدخل الكل بيتفرج و بس
البلد اي نعم بايظة من زماااان ..... بس معلش من ساعة الثورة والبلد في انحداااااااااااار مستمر .... الشعب المصري وطبعا مش كله بس المستويات اللي حضرتك اتكلمت عليها عااااااوز الكربااااج ولا بتاع ديموقراطية ولا حرية ولا يفهمو معناها ايه الفئة اللي حضرتك اتكلمت عليها عاوزة حبيب العاااادلي ...
ربنا يستر عليكي يامصر