الموضوع: هي دي مصر ؟؟ ياللهول

اول امبارح والساعه كانت 11 وبتابع التليفزيون كالعاده الاخيره المكتسبه واحد اعز اصدقائى استنجد بيا علشان مراته فى حاله صعبه ولازم تروح للمستشفى ومش عارف يتصرف نزلت واخدته فى العربيه واحنا ماشين الطريق كان بفضل الله كويس جدا وانا كنت سايق بسرعه رهيبه وهمى كله فى الانسانه اللى بتموت وصاحبى قاعد جانبى واول مره فى حياته اشوف دموعه رغم انى اعرفه من اكتر من 14 سنه وبقوله اهدا وكل شىء هايكون تمام ودموعه دى كانت احساس بتقصير منه لكن غصب عنه وانا على كوبرى الدقى لقيت تاكسى فيرنا وعربيه تانى 132 جانب بعض طبعا الكوبرى مايشيلش غير عربيتين بس والعربيتيت ماشين بسرعه 40 علشان فى زفه ادامهم تبعهم نور وكلاكس منى ومن كل اللى حولينا مافيش فايده واول لما نزلت لقيت التاكسى بيزنق عليا وبيشاورلى براحه كان نفسى اقوله بعلو صوتى اتوسل اليك وسع بش مش عارف لغايه لما جيت جانبه لقيته بيكلمنى وبيقولى لو انت لسه ماتجوزتش هتلاقى اللى بيــــ.............قاطعت كلامه وقولتله فى واحده بتموت وانت سبب انى مالحقهاش لقيته بيعتذر بس علشان اعدى باقى الزقه تقريبا كنت بحارب والطريق بعد كده فاضى ومافيش حاجه
ده راجع لايه ؟
وليه الناس بتعمل كده ؟
ليه لما واحد يفرمل مره واحده ادامى وانا بتلقائيه دوست على الكلاكس مره واحده بيشوحلى ويزعق
ليه كل حق مابيتردش غير بالقوه ولوى الدراع

ليه الشعب المصرى مصمم انه يثبت ان النظام القديم كان ناجح فى التعامل معنا ؟

المشاركة الأصلية كتبت بواسطة friendship7897

أنا أسفة هغير مسار الموضوع مؤقتاً - زوجة صحبك أخبارها أيه ؟ ربنا يشفي كل مريض ، وربنا يجعلك تفك كرب الناس وتقضي حوائجهم ويجعله من ميزان حسناتك يا أ/ أبو إياد

فى نفس اليوم الدكتور طمنا وطمنا على الجنين بس قال انها لازم تتحجز الكلام ده كان على الساعه 2 تقريبا وامبارح بكلمه كانسل عليا وماتصلش بيا ولا اعرف عنه ده انا حتى سيبت العربيه ليه لانه لسه بايع عربيته وباذن الله هاكلمه النهارده