دراع النور عندي اتحرق

**gassarian** · 12-02-2012 01:08 AM

النهاردة و أنا سايق العربية بالنهار جيت أنور عالي للي جاي في وشي لقيت دراع النور تقيل شوية و ما أخدتش بالي طبعاً إن النور علّق و بعدها بشوية لقيت ريحة بلاستيك بيتحرق و بعدها دخان من ورا الدركسيون..... وقفت على جنب و كلمت الميكانيكي و قال لي أروح لكهربائي . ده دراع النور اتحرق و رحت شيلت فيوز العالي
دلوقتي دراع النور بقى شغال الواطي بس و مش بيتحرك قدام أو ورا و لا إشارات يمين و شمال...
هغيره بإذن الله و أركب كتاوت عشان ميحصلش تاني المشكلة دي و هعلي النور بالمرة....

معرفش الأسعار للدراع و الكتاوت و اللمبات اللي موجودة و المصنعية..... لو حد يعرف يدلني يبقى ربنا يجزيه خير

**mero100** · 12-02-2012 10:10 AM

انا شوفت موضوع حريق دراع النور ده كتير جدا في اللانوس و معرفش السبب

ياريت الاستاذ طارق يقولنا السبب لو عنده فكره عن الموضوع ده

كان فيه عضو هنا عربيته اتحرقت بالليل لوحدها من جوه من عند دراع النور غاالبا علي ما اتذكر ....و انا شوفتت عربيه في التوكيل 2009 و دراع النور عنده بايظ و معلق .

نفسي اعرف السبب

**ahmedismael** · 12-02-2012 10:29 AM

السلام عليكم
من اهم الاسباب فى تلف دراع النور الاحمال الزيادة علية فمن الممكن يكون يركب لمبات عالية بدون ما يركب كتاوت او تكون الكتاوت نوعها تعبان او عمر افتراضى .

**hosar** · 12-02-2012 10:36 AM

كـــــتـــــــــــاوت الـــــــــنـــــــور
غير الدراع و ركب كتاوت للنور العالى و ريح دماغك

**morr41** · 12-02-2012 09:26 PM

حرق دراع النور ده سببه الحمل الزائد نتيجه تركيب لمبات بواط عالي من غير تركيب كتاوت دا بالاضافه ان الانوس اصلا بتحتاج تقويه للارضي بتاعها

**mailo** · 12-02-2012 10:00 PM

المشاركة الأصلية كتبت بواسطة morr41

حرق دراع النور ده سببه الحمل الزائد نتيجه تركيب لمبات بواط عالي من غير تركيب كتاوت دا بالاضافه ان الانوس اصلا بتحتاج تقويه للارضي بتاعها

أول مرة أسمع عن موضوع تقوية الأرضي

حد تاني عندو معلومات عن الموضوع ده
وإيه السبب

**original** · 12-02-2012 10:02 PM

دى مشكلة عادية موجودة فى كل العربيات
شفتها فى تويوتا وهوندا وحتى المرسيدس
المشكلة بتحصل أكتر بسبب الترعيش بالنور العالى مع تثبيت إيدك فترة أطول بالنور العالى وده بيسخن المفتاح لأن مكوناته كلها بلاستيك والريش بس هيا اللى معدن
وطبعا الحمل الزيادة على المفتاح

**mero100** · 13-02-2012 12:35 AM

المشاركة الأصلية كتبت بواسطة original

دى مشكلة عادية موجودة فى كل العربيات
شفتها فى تويوتا وهوندا وحتى المرسيدس
المشكلة بتحصل أكتر بسبب الترعيش بالنور العالى مع تثبيت إيدك فترة أطول بالنور العالى وده بيسخن المفتاح لأن مكوناته كلها بلاستيك والريش بس هيا اللى معدن
وطبعا الحمل الزيادة على المفتاح

افهم من كلام حضرتك ان لو الواحد سايق علي الصحراوي مثلا بالليل و فاتح النور العالي لمده ساعه مثلا يبقي الدراع يسيح ؟

**original** · 13-02-2012 06:30 AM

المشاركة الأصلية كتبت بواسطة mero100

افهم من كلام حضرتك ان لو الواحد سايق علي الصحراوي مثلا بالليل و فاتح النور العالي لمده ساعه مثلا يبقي الدراع يسيح ؟

حضرتك لو فاتح النور العالى زى مابتقول حاجة وإنك تفضل شادد الدراع عليك كأنك بترعش حاجة تانية خالص والدليل على كده إن أول حاجة ممكن تفصل فى المفتاح الرعاش يعنى لما تيجى ترعش مش هتلاقى العالى شغال مع إنه ممكن يشتغل مع الدراع عادى لو ثابت!!