مافيش حل لل mb3 player?

**Moh.Fahmy** · 12-02-2012 02:57 AM

هو لازم الام بي ثري لما تيجي تبطل العربية و تشغلها تاني يعيد من بداية المقطع مش من الحتة اللي وقف عندها - مافيش حل للمشكلة دي او فيه ام بي ثري مافيهوش المشكله دي لاني بشغل الام بي ثري موصلا بفلاشة - يا ريت لو فيه نوع بيشغل لغاية لما بتقف حد يقولي عليه لحسن دي مشكلة رزلة جدا

**mahmoudalaa** · 12-02-2012 03:11 AM

بعد اذن حضرتك انا كنت هعمل موضوع بس مرضتش علشان الناس ما تتهش بين الموضوعين عندي مشكلة بخصوص الام بي ثري وهي اني من ساعه ما ركبت زينون وكل لما اقلب نور او اولع النور الواطي او حتي اضرب كلكس يعمل ريستارت ويجيب الاغاني من الاول و اسف جدا اني اقتحمت موضوعك وارجو لو في اي ضرر انا مسببة لحضرتك تقولي وانا الغي السؤال ده فورا

**Moh.Fahmy** · 12-02-2012 07:59 PM

المشاركة الأصلية كتبت بواسطة mahmoudalaa

بعد اذن حضرتك انا كنت هعمل موضوع بس مرضتش علشان الناس ما تتهش بين الموضوعين عندي مشكلة بخصوص الام بي ثري وهي اني من ساعه ما ركبت زينون وكل لما اقلب نور او اولع النور الواطي او حتي اضرب كلكس يعمل ريستارت ويجيب الاغاني من الاول و اسف جدا اني اقتحمت موضوعك وارجو لو في اي ضرر انا مسببة لحضرتك تقولي وانا الغي السؤال ده فورا

تشرفني يا محمود بيه و مشاركتك تنور الموضوع كله و برضه مشكلتك مش بعيدة اوي عن نفس استفساري - بس رأيي المتواضع اكيد العيب في اللي ركبلك الزينون لانه ممكن يكون عمل حاجة في الضفيرة او لمس سوكيت له علاقة بسيستم الكاسيت فاعتقد كهربائي كويس حيحل الموضوع لانه فعلا حاجة مستفزة و تغيظ جدا - ممكن ربنا يرزقنا بحد له في الكهربا يفيدنا احنا الاتنين

**maged george** · 12-02-2012 10:07 PM

انا ليا راي ممكن تجربوه بس تقولولي نفع ولا لأ انكوا توصلوا مكثف 1000 ميكو 16 فولت بين سلكة الكهرباء المغذية للكاسيت او الام بي ثري وبين الارضي وده علشان لما تولع الزينون متتسحبش الكهرباء من الكاسيت وميعملش ريستارت .