عرض للطباعة
تم نقل الموضوع للمنتدى الإجتماعى بمعرفة الإدارة 4
السلام عليكم
انا عاوز رايكم فى حاجه ملهاش علاقه بالسيارات
انا بدرس فى اداب انجليزرى سنه 3 قسم ترجمه هل علشان ابقى مؤهل للشغل انى اشتغل فى الصيف لاكتسب خبره او اخد دورات
انا عاوز اعرف ايه رايكم
انا باخد كورسات فى الجامعه الامريكيه وكورسات icdl
انتو بعد ما اشتغلنو شايفين انه الافضل
بعتذر لكل اللى قرا الموضوع وماعجبهوش بس انا حبيت اعرف هل انا صح انى باخد دورات ولا الافضل اشتغل فى الصسف
الأول قول لنا إنت بتتمنى إنك تشتغل إيه
فيه وظايف المهم فيها التدريب
وفيه وظايف تانية المهم الدراسات
على حسب مانتا عاوز
انقل الموضوع للاجتماعي من فضلك
كان ممكن تنصحة هنا وخلاصاقتباس:
المشاركة الأصلية كتبت بواسطة araberphilosoph
العمل فى الصيف بس يكون شغل له علاقة بالدراسة وما يمكن ان تعمل بة بعد التخرج انشاء الله افضل بكثير من الدورات والدراسات فقط
لان العمل يجعلك تحتك بالمشاكل الحقيقية التى ممكن ان تواجهك بعد التخرج ومن الممكن عن طريقه تحديد احسن الاتجهات التى من الممكن اتخاذها بعد ذلك
بص هو العمل بيخليك تحتك بالناس علي حقيقتها و تعرف تتعامل مع الناس
ما تقولش ما انا بتعامل كويس مع اصحابي ...لاء
اصحابك حاجه و الشغل حاجه
الشغل حيخليك تكتسب خبرات كبيره.
بس لو انت بتدرس في الصيف يبقي اجل الشغل خالص لحد ما تخلص دراسه
تمام بس انتو ماقولتوش بعد ما اشتغلتو شايفين ايه الافضل
حتكلم عن نفسي
انا خريج تجاره 2001 و خرجت من الكليه ابيض لا كورسات و لا خلفيه في شغل الا شويه كورسات ورد و اكسيل و الحاجات دي.
بس اشتغلت شغل مالوش علاقه بالدراسه (مندوب مبيعات في شركه ادويه)
و بعدين جيت اسافر دبي اخدت كورس انجليزي و دا فادني جدا هناك مع الكمبيوتر.
و جيت فتحت مصنع تطريز مفروشات الحمد لله
و مش محتاج لا انجليزي و لا كمبيوتر الا في الحسابات و دي امرها سهل لانها شغلتي في الاساس:).
بس انا لو كنت اهتميت كان زمان طريقي غير الطريق دا خالص!!!!!
و الله اعلم كنت حبقي فين و ازاي!!!!!!
السلام عليكم ورحمة الله
أنا بقى لي أكثر من 6 سنوات في مجال العمل ولو رجع بي العمر لكنت أخذت دوارات قبل أن أعمل . صحيح أن العمل يكسبك من الخبرات الكثير.
إلا أن هذا الكثير لا بد له من طول زمان أما الدورات فإنك تستطيع أن تستفيد منها في وقت وجيز على حسب همتك ولكن لا تجعل همك هو الدورات فقط .
ولكن ضع لنفسك هدف تريد أن تحققه وأجعل هذا الهدف يغطي رضا الله أولاً ثم تحصيل المنفعة الدنيوية ثانيا .
بعد ذلك أعمل خطة بزمن تستطيع فيه أن تحقق هذا الهدف ثم بعد ذلك ادخل سوق العمل ولكن بعد أن قد أصبحت مؤهلاً لمكان يخدم أهدافك و لا تنسى التوكل على الله ودعائه أن يوفقك وعليك بالاستغفار صباح مساء.
وقفني الله وإياك
الحمد لله ومتشر جدا
فى رأيى ال Icdl كتعلم و معرفة شايف انها فى البطاطس!....انا معملتش Icdl ومش ناوى, كل معرفتى بالكمبيوتر وال It كان عن طريق المدرسة والجامعة. انا كان معايا واحدة فى الشغل عاملها و كانت ضايعة.
هى ممكن لو عاوز تزوق ال CV بتاعك :) .
انا عامل زيك بس في اخر سنة صيدلة .. بصراحة انا شايف ان الكورسات دي ولا ليها ريحة اللازمة .. ممكن عشات تحطها في ال cv بتاعك .. لكن كاستفادة ولا الدموع ..
انا شايف التدريب اهم بكتير من الكورسات ..
انا بالنسبالي سواء هشتغل في شركة او في صيدلية مش محتاج غير تمرين فقط .. واللي اكبر مني قالولي ان ولا التدريب ولا الكورسات هينفعوك .. الواسطة بس هي اللي بتنفع !!