الموضوع: سؤال للسادة اطباء تقويم الاسنان

عندي بنت عندها 11 سنة
كنت بيها عند طبيبة الاسنان بتخلع ضرسها
الطبيبة قالت لي بنتك عندها open bite ودة مأثر فعلا على نطق حروف السين والزاي
قالت لي انه بيجيلها طبيب تقويم ممكن اجيبها يشوفها وهيا سألنه بالتليفون قال لها هتحتاج تقويم متحرك
هل بنت في السن دة هتتحمل التقويم المتحرك وهتصبر عليه في بؤها
هيا قالت التقويم بيبقى في حدود 3000
انا مش عارفة تكلفة التقويم بتتحدد على اي اساس
وهل اي طبيب ممكن يعمله ولا ممكن يعمل حاجة غلط يبوظ الدنيا
وممكن ترشحولي مكان كويس ونظيف
في ناس قالت لي كلية طب الاسنان
ارجو الافادة لاني معرفش حاجة ومعرفش اروح لمين انا عاوزة حد ثقة ومتجرب وسعره معقول
وهل سنها دة مناسب ولا بدري ولا متأخر ولا ايه

على فكرة انا دورت على حالة مشابهة لحالة بنتي على صور جوجل عشان احطها مالقيتش
الحمدلله حالة بنتي افضل بكتير من الصور اللي شفتها
سنانها منتظمة وكويسة كل الحكاية ان الاسنان العلوية خارجة عن السفلية بحوالي 1 سم تقريبا
وبتنطق السين ثاء والزاي ذال