فين مثلث الامـــــــــان ( يا حمادة ) ؟
http://upload.ecvv.com/upload/Produc...1211631347.jpg
بستغرب جداً أننا بقينا في سنة 2012 م ولسه ناس مش عارفة قد أيه أهمية مثلث الامان وبيعتبروه أكسسوارات للعربية ، وحتى لو أكسسوارات يا أخي هيكلفك أيه تلاتين جنية ولا عشرين جنية ولا عشرة جنية .
كل الناس مع الاسف معتمدة أنو بيسيبها على التساهيل ... ويقولك ربنا يلطف وخلاص ... ويعتمد أنو أول ما يحصل حاجة يدور على أي طوبة كبيرة وتلاقي عربيات وقفة ووراها بلوكات كبيرة قد كده طوب ... علشان اي حد يجي يخبطك قبل ما يخبطك يتعور هههههههههههههههههههههه شوف المنطق شوف ... يأم الذكاء ويا أم العبقرية .
وميعرفش أن ممكن بسبب الطوبة الي انتا حاططها دي ... عربية جيه تفاديك بس لأنو لبس في الطوبة فرفعة عربيتو من قدام فميعرفش يفرمل خالص وفقد السيطرة على عربيتو علشان تدخل في عربيتك في النهاية .
وإن الناس ممكن تاخود بالها من عربيتك الي وقفه بس مش ممكن تاخود بالها أبداً من الطوب الي انتا حاطو على الارض نهائي . ده غير ان بعد ما تصلح عربيتك أنتا أكيد هتنسى أو هتكون تعبان وتكسل تشيل الطوب الي حطيتو يعني انتا من الاخر أزى في أزى هههههههههههههههه .
والي يدحكك كمان أيه واحد محترم عندو مثلث الامان يقوم حاطو ورى عربيتو بمترين ... قال يعني خالص كده ... الي مش هيشوف عربيتك هيشوف المثلث وهو قبل العربية بمترين ههههههه ... طيب يا عم الحج وديه بعيد علشان العربيات تاخود بالها ... يقولك لا هيتسرق والي يقولك الهوى هيطيرو ... والي يقولك لا ممكن عربية تخبطو ههههههههه شوف التفاهة يعني خايف على مثلث بعشرين تلاتين جنية ومش خايف على أرواح الناس ولا على عربيتك الي تسوى أولوفاااااااااااات .
المفروض مثلث الامان يكون محطوط قبل العربية على الاقل على الاقل بعشرة أو 15 متر ... علشان تدي فرصة للسواقين أنهم يتفادوك ويطلعو منك .
ولو انتا جدع كمان يكون معاك مثلثين خطر ... ومتحطهمش في نص الشارع علشان انتا راكن على جنب وتلبس العربيات في بعض ... حطها ورى عربيتك انتاااااااا بمسافة كبيرة وكافية للسواقين ، وبطلوو أستهتار بأه بأرواحكو وأرواح الناس وتحياتي ......