عرض للطباعة
عندي مازدا 323 موديل 82 وقدامي سكودا فيليشيا موديل 95 لقطه وسليمة وعايز ابيع المازدا واشتري اسكودا لانها احدث فأكيد هتكون افضل
السبب: منطقتي بها الكثير جدا من المطبات والطرق الغير سليمة فمحتاج عربية عفشتها قويه واسمع ان الفليشيا عفشتها معمرة بعكس المازدا محتاجة تظبيط كل شوية
فهل العربية دي كويسة ولا ايه افيدوني الله يكرمكم
السلام عليكم
كان معايا زمان مازدا 323، فعلا عربية محترمة وكويسة وناعمة، وحاليا سكودا فيليشيا 97.
طبعا الفيليشيا تتميز بعفشة قوية مقارنة بمثيلاتها من نفس الفئة ومتانة صاج واتزان في الجري. بس دركسيون أنشف وآلية تعليق تتحمل الدغدغة في شوارعنا... المهم تكشف كويس على العربية اللي هتشتريها، بس عن تجربة أنصح حضرتك بيها وقطع غيارها في المتناول ومعمرة لو هتجيب الأصلي منها. وللأمانة نقطة هامة ألا وهي الصيانة تكون عند ميكانيكي وفني شاطر بتاع سكودا متخصص.. صحيح هو مش مستحيل إصلاحها عند فني عادي بس المتخصص في السكودا يكون أحسن... وبالتوفيق
جزاكم الله خيرا علي الرداقتباس:
المشاركة الأصلية كتبت بواسطة benmatar
معلش سؤال تاني انا خايف اندم بعد ما افرط في المازدا لانها بصراحة جميلة جدا فهل انت بعد ما بعت المازدا حسيت بفرق بينها وبين الفليشيا
لهذا السبب اسكودا تكسب عفشة ايه حديد قوة ومتانة انا عنفسى بامشى بعربيتى فى طرق لا تصلح للسير عليها بالاقدام طرق طرابية غير ممهدة بالمرة وبجد ثبتت قوتها ومتانة عفشتها وهيا كليه على بعضها حلوة وقوية من العيوب محمية الا السخونة والحمد الله حلينا المشكلة وربنا شفاها من الحمى خاصة فى الصيف....
اتكل على الله وصدقنى مش حتندم....*
المازدا من أقوى وأفضل المحركات الياباني الناعمة وانا ركبت منها موديلين، بس مش حضرتك ملاحظ إن برضه الموديل قدم شويتين وقطع الغيار ابتدت تتجه للاندثار؟؟؟
وغير كده حضرتك مش هتشتري حاجة كوري ولا صيني والعياذ بالله
بجد الأوروبي بمختلف فئاته صغير ومتوسط وكبير بصفة عامة عربيات محترمة، ميزة التشيكي إنه جمع بين متانة الصاج والعفشة وتحمل قطع الغيار بتاعت المدرسة الروسي والألماني القديمة مع الغربي الحديث من كفاءة محرك وثبات على الطريق ومعدلات أمان أفضل بمراحل من الآسيوي.
فيليشيا هتناسب حضرتك لو في دماغك المطبات ورداءة أسفلت الشارع المصري، ولو بتجري بأي عربية صغيرة غير الفيليشيا هتحط إيدك على قلبك أو على عينيك لأنك هتحس بكافة المخاطر إنما الشهادة لله الفيليشيا وعن تجربة أثبت من الفيرنا واللانوس وحتى الأوبترا ومش ببالغ. برضة لازم تعرف إن الدركسيون ممكن يكون تقيل شوية في الوقوف بس لما تجري بيكون عادي معاك، والعفشة أنشف من المازدا بس أكثر تحملا، والصالون حجمه معقول والتابلوه محترم والموتور لو مضبوط هيديك كفاءة وتحمل رائع بس معدل السحب (التسارع) وبالذات من وضع الوقوف مش عالي لأنها برضه ثقيلة نسبيا وأنا شايف إنه مش عيب، بس في الجري وتسقيط الغيارات والغرز هتشرفك، استخير والمهم الفحص والكشف عند الشراء وسامحني للإطالة
الف شكر علي الرد المحترماقتباس:
المشاركة الأصلية كتبت بواسطة benmatar
انا الحمد لله اقتنعت بالعربية دي بس مشكلتي الوحيده معاها ان مفيهاش شنطة او شنطتها ضيقة جدا
مش ضيقة جدا، طبيعية او متوسطة، لو شفت شنطة عربيات هاتش باك أو من نفس الفئة هتلاقي الفيليشيا أوسع مقارنة مثلا بشنطة الإكسيل والبرايد والأونو والبولو ....!