[aldl]http://img189.imageshack.us/img189/7615/13289706822911.jpg[/aldl]
اييه رايكم في الاستغلال ده؟
عرض للطباعة
[aldl]http://img189.imageshack.us/img189/7615/13289706822911.jpg[/aldl]
اييه رايكم في الاستغلال ده؟
ياحرام شي بزعل
لا اله الا الله
هما ميتين ولا صاحيين ولا متخدرين ولا شاربين حاجة
ولا ايه بالظبط
ايه ده حضرتك معانا هنا في المنتدي من زمان وانا معرفش انا محمود علاء من منتدي الرابطة
بس الله ينور صيد موفق ولا صيد اية بقي نايس كار :]
سؤال الاصيد ده حرام ولا حلال
انا مش شايف انها حاجة تفرح عشان تتعرض بالمنظر ده
http://img707.imageshack.us/img707/2106/myaccent10.jpg
ليــه ؟!
يا جماعه لو الراجل بياكولهم و انا كنت بعمل كده و انا في اعدادي لو اصطدت عصفوره حتي كنت بنضفها و اكلها عادي ... او بيعمل بيها عزومه او بيعمل بيها اي استخدام حلال..يعني مش بيرميهم في الارض...مفيش اي مشكله انو يصور اللي اصطادوه ...بس انا مش مع حضرتك في العنوان ده انت غير موفق فيه.. وربنا يباركلك فيهم
لا حرام لان مش باين عليها اى اثار للدبح
كنت بشوف ناس بتصطاد قبل كده و اول ما الحمامه تنزل على الارض يقوملاحقها بسكينه هلى دول
فين المكان اللي اصطدت منوة كل اليمام دة؟؟
يعم الله ينور :) الله يسهوا اكلكت حمام ترد الروح و العب يا برنس :) ههههههههه
الفكره مش فى التسميه اكتر من ان الدم كله ينزل منها
بصراحة ربنا انا مش مع موضوع الصيد دة سيبك انها رياضة او هواية وطبعا انا عارف ان ربنا محلل الصيد
بس معتقدش انك محتاج تصطاد العدد دة كلة لا ماديا ولا عشان تاكلة ...... انا شايف انة فعل بشع ومقزز جدااا
وبدعو كل واحد من اللى بيحبو صيد اليمام والحمام انهم يخصصو شوية وقت ويقرو ويعرفو عن المخلوقات البديعة
المسالمة جداا اللى شغالين عليها قتل ............لمجرد التسلية وتضيع الوقت
وجمال المخلوقات دى مش انها تكون قصادك ميتة ومشوهة
ودى وجهة نظرى الشخصية
وشكرااا
شكلهم مؤذى جدا بجد
بالعكس شكلهم جامد جدا انا عن نفسي بحب الصيد جدا
مش فاهم العنوان من الموضوع .... ولا حتى ايه فكرة استغلال الكبوت بالمنظر ده ....
ممكن اى رصيف ولا ترابيزة تشيلهم ...
ياريت صاحب الموضوع يدينا فكرة اكبر عن الصيد ده ... حلال ولا حرام ؟؟؟
بصوا يا جماعه انا قبل كده سألت شيخ ازهري في الموضوع ده قالي سمي و اتكل على الله دي نقطه وبعدين لو نزلت ميته يبقى خلاص بس لو نزلت صاحيه بدبحها على طول وبعدين مسألت العدد والله في ايام بطلع اصطاد اكتر من كده بس اكيد بفرق على الفقراء وبعدين دي هوايه ورياضه جميله بدل قعدة القهوه او الملا المنتشر وتقبلوا تحياتي
استغلال يوجع القلب بصراحة
و رجاء خاص مني ونبي تشيل الصورة اللي في توقيعك دي لانها مؤلمة جدا بجد
حتى و ان كان حلال و احنا بناكل الدبايح و الصيد دا بس الصورة بجد مؤلمة
لا حول ولا قوة الا بالله
اولا اسمحلى محمد باشا ( حبيب قلبى ) انى اقولك ممممممممم طلعة جميلة تسلم ايدك و هسيبك تحاول تعرف انا مين من غير ما اقولك , و انا بصراحة مختلف كل الاختلاف مع اللى بيقول حرام لان ربنا احل لينا الصيد , انما يمكن فعلا التمس العذر للى مش عاجباه الصورة ( او شايفها مؤذية ) , اصلها هواية زى مانت قولت و يمكن فى ناس مبتحبهاش زى اللى هوايته مثلا جمع الطوابع او العملات و حد تانى بيشوفها حاجة مملة , بس ف النهاية لازم نتفق انها ( هواية الصيد ) مش حرام
عن نفسي ماقدرش احكم هي حلال ولا حرام لان في هوايات صيد السمك و صيد الارانب و الغزلان و حتى الاسود بيصطادوها
كل الحكاية ان الصورة مؤلمة لوجود عدد كبير من الحمام و اليمام الميت و خاصة ان الحمام و اليمام كطيور او كائنات اصلا بريئة و مسالمة جدا و دا بيخلي الصورة مؤلمة اكتر
بصى انا علشان مهتم بالموضوع ده اوى ( موضوع الصيد اقصد ) ف سالت فى موضوع انها حلال و لا حرام ف انا اقدر اجزملك انها حلال بإذن الله بشروط و محمد بيتحرى الشروط دى اوى بس انا مش مختلف معاكى ف انها ممكن تكون مضايقاكى كمنظر بس اللى بقوله هو اننا منحرمش حاجة ربنا احلها بس مش كل الحلال كلنا بنستسيغه ( حلوة بنستسيغه دى اوى على فكرة ) , يعنى انا مش مختلف مع وجهة نظرك ف انها مضايقاكى بس المهم انها مش حرام
لا حول ولا قوة الا بالله
تخيل ان كل واحدة منهم ام وسايبة زغلولتين فى العش
وشوف انت ازهقت كم روح لحد دلوقت
وبعدين معروفة الى عايز ياكل بيشتريهم او حتى يصطاد على اده
اما الصيد بهذا الكم ما هو الا تسلية وربنا يهدى
بصراحة صورة مش حلوة عشان نشوفها فى منتدى للسيارات
بصو يا جماعة علشان الموضوع مياخدش اكبر من حجمه , الحرام فعلا هو اننا نحلل و نحرم بمزاجنا , ربنا احل لينا صيد البر و البحر ده فى حالة الفايدة , يعنى مثلا مش هنصطاد حاجة مش هناكلها ده حرام , انما لو هيصطاد علشان ياكل او يتصدق بيهم او يهادى بيهم حد ف ده حلال , و مش حرام على فكرة ازهاق الارواح مادامت ف الاتجاه الصحيح زى كدة ما بناكل لحوم ماهى جاية من مواشى , هانقول بقى لا حرام ده ازهاق ارواح ؟؟؟ و بعدين اللى اليمامة اللى سايبة زغلولتين ف العشة لو حد اصطادها مش هيموتو من الجوع , ربنا برضه هيرزقهم , و بمناسبة ان الحمام بيموت من الجوع لو وليفة مات ف انا عايز اقول حاجة مهمة اوى , احنا بنصطاد يمام ( و ده مبيتشريش لانه محدش بيربيه ) او حمام برى و ده محدش مربيه و بالتالى بيبقى طاير الذكر و الانثى مع بعض و علشان تطمنو اكتر , لما بنضرب الانثى الذكر بيفضل واقف جنبها لحد مايتضرب هو كمان , و لو الذكر اتضرب الاول الانثى بتطير ( يعنى مش هتموت من الجوع )
انا بصراحة مندهش جدااااااااااااااااااااااا ااااااااااااااااااااااااا اااااااااااااااااااااا من ردك
وأكيد ردك بيعبر عن شخصيتك وطريقة تفكيرك
وطبعا احنا لابنحلل ولا بنحرم حاجة كل اللى كنت بقولة كان من قبيل الرحمة بالطيور دى
ومش عشان انها مش ملك حد يبقى نستبيح قتلها بحجة انى هبقى اكولها او هبقى اهديها او اتصدق بيها
وطبعا كلنا عارفين ان طعمهاااااااا غير مستساغ بالمرة
انا كنت عاوز اقول لحضرتك حاجة
فى المكان اللى انا عايش فية ...عايش فية مجموعة كويسة من الحمام البرى اللى ملوش صاحب دة ومحدش مهتم بية ولا بيأكلة
وكل يوم الصبح بلاقيهم بيطيرو من عمارة للتانية ومن مكان لاخر وسبحان الله على شكلهم البديع وجمال منظرهم والهدوء والسكينة اللى بيبعثوه فى نفس الواحد ........وبصراحة الواحد مش متخيل ان فى حد يقعد يقتل فيهم .............لمجرد انها هواية ولتضييع الوقت
وشكرااااااااااااااااااااا ااااااااااااااااااااااااا ااااااااااا
منظر مقذذ جدا جدا لأبعد الحدود
و لا ارى شئ فى ذلك يجعل صاحب الموضوع يتباهى به
بل هو منظر مؤذى للعين و للمشاعر
و اتمنى من الجميع الرفق بالحيوان بشكل عام
لأن ورد فى الحديث الشريف فى ما معناه
ان الطير يأتى يوم القيامة ممسكا بقدمية رأس الانسان الذى صاده ، و يقول للله عز وجل يارب قتلنى عبدك من دون ان يأكلنى
بئس الاستغلال