المشاركة الأصلية كتبت بواسطة حماده المصري
انا هقولك كل حاجه بالضبط
انت عندك العفشه فيها
4 مساعدين
2 بطاحه اماميه
2 جلبه مساعد خلفي لان المساعدين الي وره عندك ملهمش بطاحات ليهم جلب
2 مقص
2 بيضه مقص خارجي (مش بتيجي مع المقص الزيرو مع انها في بعض العربيات بتيجي مع المقص الجديد)
2 تيش ميزان
2 بيض علبه دركسيون
انزل شارع دمشق وعيش حياتك هناك بقى مابين كوري واصلي وياباني
في محل لازق في منفذ بيع التوكيل في دمشق اسمه محمد عصام او محمد عاصم والله علطول بنسى اسمه
ده الوحيد الي هتلاقي عنده الاوريجينال باسعار ارخص من التوكيل بكتيير بصراحه
ايام عربيتي النيو اكسنت كانت اسعار النيو اكسنت مولعه كده كده ومالهاش قطع غيار كتير ف كان عنده الاصلي بس مش ارخص كتير
بس لما جبت الالنترا قطع غيارها مرطرطه في كل حته كنت بجيب من عنده الاصلي بنص السعر من التوكيل فعلاو اكيد اصلي لانه بياخد من التوكيل بالجمله وببضافه فوق 100 الف جنيه ف بيوصل خصم فوق ال 60% كمان
بس دلوقتي قطع غيار النيو اكسنت موجوده ف عيش حياتك بقى
انا مش متاكد اوي من رنج الاسعار بس هتبقى في حدود
المساعدين الكوري الماندو ب 450 سواء امامي او خلفي وهيبقى فيه فرق بسيط منهم
ال kyb في حدود 500 وحاجه للجوز
ال monro وده انضف حاجه وانضف من الاصلي هتلاقي في رنج ال 600
وباقي الاسعار كلها زي اي عربيه كوري في الغالب