رأي ليك قشقاي ..
عرض للطباعة
رأي ليك قشقاي ..
QashQai
حب من اول نظرة .. وذوبان من اول حركة
الجوووووووووووووووووووووو ووك طبعا بلا منازع هاهاهاها
حبيبتي حبيبتي :)))
ديه يتركبلها عتب وكساحات ومش هاتعرفها كمان هاهاها
انا متأكد ان لو الناس شافت الجوك عالطبيعه هتغير نظرتها عنها تمام وكل ده لما العربيه تنتشر وناس كتير تجربها تحس انها قطعة جاتوه ماشيه عالارض فعلا بشكر نيسان عالتصميم الرائع ده .......... وبالنسبه للقشقاى عربيه ممتازه بس الجوك تخطفك بسرعة البرق ناحيتها
القصة كلها في أحتياجاتك لأن الجوك مش اسرية اوي بس تكفي عائلة صغيرة أو أعزب اما القشقاي فتكفي عائلة متوسطة لأن شنطتها أكبر يعني القشقاي حوالي 430 لتر حسب الموديل و الجوك حوالي 300 لتر مع العلم ان تحت أرضية الجوك فيه تجويف وااااسع ممكن اضافة حجمه للشنطة برفع أرضيتها
و كمان القشقاي نازلة بسقف زجاجي بانوراما بساتر كهرباء أما الجوك مافيش سقف بانوراما لكن بعض فئاتها برة فيها فتحة سقف تقليدية معرفش حتنزل بها عندنا ولا لأ
و كمان القشقاي الأوتوماتيك فيها روف راك للتحميل علي السقف أما الجوك فمعتقدتش انها نزلت أصلا بالروف راك حتي برة مصر
الجوك فيها شوية كماليات أعلي من القشقاي بس غالبا حتنزل بجنوط 16 مقابل جنوط 17 للقشقاي
و برضه مش كل الناس حتحب شكل الجوك لأنه معمول عشان يتحبه يتكرهه مش للمستهلك العادي يعني العربية الجوك اللي حيجيبها حيكون عشان حاببها مش عشان سعرها ولا كماليتها
في النهاية أنت بتتكلم عن عربيتين في فئتين مختلفتين زي الفولكس البولو بتقارنها بالجولف أو الاوبل كورسا بتقارنها بالأستر ( وده مجرد تشبيه توضيحي لفرق الحجم بين العربيتين )
اعتقد ان القاشقاى و الجوك عاملين كده زى الاسبورتيج و السول يعنى فئتين مختلفتين . هى بس نيسان لو تعمل سياسه التبديل دى ممكن تنشط البيع جداً و ناس كتير ممكن تفكر تجيب موديلات احدث او فئات اعلى و نبطل احلام و نخش على الحقيقه. بقى :tongue32:
انا مش بقارن العربيتين انا بحاول اعرف رأيكو ليه تختار جوك وليه تختار قشقاى ونستفيد من بعض يمكن كل واحد فينا
شايف حاجه غير التانى *ــ*
قشقاي بكل المقاييس عشان عربية اسرية في المقام الاول و عالية و تنفع شوارعنا المصرية لكن مراتي اختارت الجوك .. عاجبها شكلها جدا جدا
قشقاش
الجوك بدون منازع ولا تقارن مع القشقاي
الجوك عربية تخطف البصر من اول وهلة اما القشقاي سيارة تقليدية جدا
والله لو معايا فلوس الجوك لشتريها فورا من غير تفكير