نصيحه لوجه الله

**mazooz** · 12-02-2012 03:39 PM

السلام عليكم ورحمة الله وبركاته

بقالى كتير بدور على عربية فى جدود 100 الف و عجبتنى الرينو سكالا أوى ...
بس زى مانتو عارفين مندوبين المعارض محدش بياخد منهم عقاد نافع ....
عشان كدة حبيت أخد برأى المحترفين وخصوصا الى مجربنها عشان اتوكل على الله واشترى

ياريت حد يقولى المميزات والعيوب عن تجربة و ياسلام لو فى مقارنة مع الصنى

أنا عارف انى حاتعبكو معايا بس دة العشم برضو

**mazooz** · 14-02-2012 01:16 PM

فى انتظار الردود

**m_ramadan** · 14-02-2012 03:26 PM

نصيحه منى لوجه الله . أنا معايا رينو سيمبول - العربيه والله ممتااااااازه ولكن أسعار قطع الغيار اللى موجوده بالتوكيل سرقه علنىىىىىىىىىىىىى - والله شارى فانوس أمامى ب 1100 جم و الخلقى ب800 وشويه - ومتقلش لنفسك أنا مش بحارب بالعربيه - الحذر لا يمنع القدر - الخلاصه - خليك مع الإنتشار الذى يضمن أسعار قطع غيار معقوله وإن كان فى بعض الأحيان تقل الجوده سنه.

وربنا يوفقك إلى ما فيه الخير.
ملحوظه : أنا السيمبول اللى معايا موديل 2011 حبيت أبيعها وهى فابريكه جوه وبالضمان والصيانات بالتوكيل وبلمعتها و و و و و ........ إلخ ومش محتاجه جنيه يتصرف عليها + ان الشكل متغيرش - الجديد منها 2012 اوتوماتيك ب 95000 وأنا متوقف على ال75000 ومحدش موافق - ده معناه إن الرينو سعره بينزل زى فوراااااا.

دى تجربتى ودى نصيحتى ليك لوجه الله.

**midohits** · 14-02-2012 05:54 PM

والله معرفش حاجة عن الإسكالا انا اعرف في الميجان
يمكن فيه اعضاء تانيين يفيدوك

**mazooz** · 15-02-2012 02:27 PM

المشاركة الأصلية كتبت بواسطة m_ramadan

نصيحه منى لوجه الله . أنا معايا رينو سيمبول - العربيه والله ممتااااااازه ولكن أسعار قطع الغيار اللى موجوده بالتوكيل سرقه علنىىىىىىىىىىىىى - والله شارى فانوس أمامى ب 1100 جم و الخلقى ب800 وشويه - ومتقلش لنفسك أنا مش بحارب بالعربيه - الحذر لا يمنع القدر - الخلاصه - خليك مع الإنتشار الذى يضمن أسعار قطع غيار معقوله وإن كان فى بعض الأحيان تقل الجوده سنه.

وربنا يوفقك إلى ما فيه الخير.
ملحوظه : أنا السيمبول اللى معايا موديل 2011 حبيت أبيعها وهى فابريكه جوه وبالضمان والصيانات بالتوكيل وبلمعتها و و و و و ........ إلخ ومش محتاجه جنيه يتصرف عليها + ان الشكل متغيرش - الجديد منها 2012 اوتوماتيك ب 95000 وأنا متوقف على ال75000 ومحدش موافق - ده معناه إن الرينو سعره بينزل زى فوراااااا.

دى تجربتى ودى نصيحتى ليك لوجه الله.

جزاك الله خيرا

**mody3on** · 15-02-2012 02:31 PM

عربية هتستمتع بيها بس لما تيجي تبيعها او تصلحها هتندم على اليوم اللي جبتها فيه.

**elmahdy** · 15-02-2012 03:01 PM

بص انا هاكلمك كلام منطقي
كل حاجه ليها وعليها... بالمناسبة سعر فانوس الالانترا القديمه 2009 في التوكيل اكتر من كده كمان... فاللي معتقد ان الفرتساوي غالي يبقى غلطان... زي ما قولنا قبل كده... قارن اسعار توكيل باسعار توكيل... وكل عربيه وليها سعر... وبعدين كل شركه ليها عربيات ماشيه وعربيات لا
يعني مثلا التويوتا افنسيس شوف سعرها كام جديد وكام مستعمل ... ده لو عرفت تبيعها
والهيونداي سانتامو ... شوف كانت بكام وبقيت بكام
وهكذا
الرينو ليه عربيات ناجحه جدا وماشيه ... الكليو لحد النهارده اسعارها حلوه جدا... وقطع غيارها مغرقه التوفيقيه وسعرها زي الفيرنا
اللوجان خلاص... بقيت سيارة الشعب... موديل 2009 و 2010 كان ب 59000 هاف اوبشن... بيتباع مستعمل ب 52000 وشوف على كونتاكت كده... وقع غيارها في التوكيل نفسه رخيصه... مساعد اصلي ب400 فانوس امامي كان ب 470 تقريبا بقى ب 520... وخد بالك ديه اسعار الاصلي في التوكيل... مابالك ببره في التوفيقيه او الاستيراد ...
نيجي بقى للسكالا... العربية ديه اخر فتره بايعه حلو اوي عند كل المعارض... ولو مش مصدق روح سمير ريان... هاتلاقيها معروضه هناك ... افتحها وقلب فيها براحتك واسال هايقولولك بايعين منها اد ايه
المهم في النهايه انك تشتري حاجه بتحبها حتى لو هاتقل معاك في اعادة البيع 5000 او حتى اكتر شويه عن مثيلاتها ... بس تبقى انت راكب حاجه حاببها
ولما تيجي تبيع يحلها الحلال... وعلى فاكره مفيش عربية ما بتتباعش في مصر... بس بتفرق في الوقت ... وفي الاخر كله نصيب
ربنا يوفقك ان شاء الله

**AMRPEGAS** · 15-02-2012 03:42 PM

على فكرة تقريبا العربية هى هى النيسان صنى الخليجى موديل 2008
و أعتقد ان قطع الغيار واحدة انا صحبى جايب نيسان صنى من دبى هى هى مع اختلاف شعار الشبكة مكتوب علية نيسان و اللة اعلى واعلم

**mkhirallah2001** · 19-02-2012 05:27 PM

بص يا باشا الرينو السكالا هي بالضبط نفس نيسان صني الخليجي بس مجمعة في كوريا و انا معايا سكالا هاي لاين موديل 2010 .
العربية كويسة و كل حاجة بس فيها شوية نقط لازم تبقى عارفها :
1 موتور السكالا نفس موتور الصني و هو تكنولوجيا قديمة التنيــــــــــــــن ف استهلاك البنزين عالي شوية عن باقي العربيات ال 1600 و ممكن تتأكد من حد معاه نيسان صني .
2 العشفة ناشفة من وجهة نظري و انا كلمتهم في التوكيل و قالولي ان هي فعلاً كده .
3 العربية خفيفة اخر حاجة مع السرعات العالية ( السرعات العالية ديه نت اول 120 ) و محسوسة جداً .
4 سعر اعادة البيع في الأرض : دخلت على كونتاكت كار و واحد كان عارض سكالا مانيوال على 69 ألف و لو عند خضرتك اي استفسار انا في الخدمة
بس انا من رأي فيه عربيات تانية شكلها احسن و الكماليات اكتر و في نفس الحدود .