لا دخل في هذا المنتدي بالسياسه او الاحداث الجاريه
عرض للطباعة
لا دخل في هذا المنتدي بالسياسه او الاحداث الجاريه
بسم الله ماشاء الله
تمام يا فندم
مااشبه اليوم بالبارحه وكأن الزمان يعيد نفسه تارة آخري
الف مبروك للفلول وابناء مبارك وباقي شعب مصر من الأغلبيه الصامته رجوع النظام الفاسد القمعي الذي كان يتمنون رجوعه مره آخري من جديد
في اقوي وازهي صوره والذي يهدد بالمعاقبه من اجل كلمة حق في وجه مسئول فاسد او نظام جائر
مايحزنني الأن دماء الأبرياء التي ضاعت هباء والعيون التي راحت من اجل الحريه وهاهي الحريه تقيد من جديد
لاقوة الا بالله العلي العظيم لله الأمر من قبل ومن بعد لكي الله يامصر
الأخ الفاضل أ كريم منير برجاء جعلي عضو منسحب ولك جزيل الشكر
هذه آخر مشاركه لي في المنتدي
ودمتم ودامت مصر علي كل خير وادعو لكم بمزيد من التقدم في ظل هذا النظام الجديد
طبعا فاكرة اليوم دة كويس والتحذير دة من اكتر التحذيرات اللى اتحفرت فى ذاكرتى لدرجة كنت بتكلم مع اختى من كام يوم وقلتلها صاحب المنتدى قال كذا وكذا ولو مبارك متنحاش كنا كلنا اتجابنا لكن الحمد لله عهد الظلم راح وحاجاااااااااااااااات كتير خلاص مبقاش ليها لزمة تتقال .....
حسيت بصدمة قوية جدا عند قرأتى لهذا الموضوع واستاذ احمد موجة قال تقريبا اللى كنت عايزة اقولة ....
كلمة اخيرة الى القادمين من خلف الاسوار:
يا دي الميزان إللي طلعت لفوق
بينزلوك بالعافية أو بالذوق
دول مش بتوع الصدق في الموازين
الثورة نور وإللي طفاها خبيث
يرقص ما بين شهدا وبين محابيس
والدم لسه مغرق الميادين
الحزن طابع في قلوبنا بجد
مافضلش غير الشوك في شجر الورد
غلط الربيع ودخل في أغبى كمين
وفي إنتظار تياس مع الأيام
غيرك في قفصه بيضربوله سلام
وأنت الجزم قبل الكفوف جاهزين
ومصر عارفة وشايفة وبتصبر
لكنها في خطفة زمن تعبر
وتسترد الإسم والعناوين
ياعم أقعد بس وإشرب شاي
الدنيا ماشية وشعبنا نساي
والبركة في الشاشة وفي الجرانين
وإذا هوهو قوم إعلن الأحكام
وكل بق تلجمه بلجام
ومش هتغلب تطبخ القوانين
يا مصر هدي وإنت بتفوتي
الصوت في صمته أعلى من صوتي
أدي السجين إللي مبتش حزين
وإللي يقف في وش ثوارها
ما هيورث إلا ذلها وعارها
وإللي هيفضل ضحكة المساجين
ومصر عارفة وشايفة وبتصبر
لكنها في خطفة زمن تعبر
ومصر عارفة وشايفة وبتصبر
لكنها في خطفة زمن تعبر
كلام سليم
يعني ماهو كلامك ده يا استاذ كريم معناه انك ناوي تشتغل مرشد علينا للجهزة الامنيه
لا... والجديد انك بتعلن عن ده
طبعا انا ضد ده تماما... وانت لو فكرت كويس في اللي انت كاتبه هاتلاقيك اسأت بشده الى نفسك...انا مش بدخل هنا على فكره غير للكلام في السيارات... بس المنتدى جمع ناس على بعض ... وصاحبهم ببعض... وطبيعي ان ده يترتب عليه فتح ابواب المناقشات في كل جوانب الحياه... واهمها طبعا بقالنا سنه الثورة وما ترتب عليها
فمينفعش ان احنا نمنع هذا التفاعل الاجتماعي اللي لو تم ممارسته بحرية وبدون اتهام بعض بالخيانه او العمالة او الاجندات والكلام المستهلك ده... اكيد في النهاية هايكون ايجابي جدا وهايوجه طاقات وافكار ناس كتير لجوانب مضيئه
اما انك تسلم بيانات اخ هنا لجهات الامن اللي هايترتب عليها مالا يحمد عقباه... فانت مسئول عن ده امام ضميرك وامام الله... وماتقولش بقى ولي الامر والكلام الشرعي ده ... لان الكلام ده كله مبني على البيعه... التي الى الان لم تتم لاحد في مصر... يبقى محدش ليه انه يحاسب حد على رايه... ايا كان بالعكس... لو حد غلط سيب الناس تناقشه بس بالحسنى... مش نبلغ عنه
انا رايي انك تراجع نفسك في القرار ده ...
وفقنا الله واياك الى الرشاد
حتى لو اطلب منك ده... ما تستجيبش... واحتسب عند الله... والله وكيلك ولن يضيعك...ان المحامي المخلص لا يبيع موكلينه... فما بالك بمن كان وكيله الله
شكرا اهتمامكم