حد يعرف اسعار قطع غيار مازدا 323 موديل 1999-2000 اتوماتيك
وياريت لوحد يعرف سعر السيارة كام دلوقت
عرض للطباعة
حد يعرف اسعار قطع غيار مازدا 323 موديل 1999-2000 اتوماتيك
وياريت لوحد يعرف سعر السيارة كام دلوقت
لو كنت تمانينات فيه ابطال هنا ممكن يجاوبوا عليك
لكن 2000 قليل شويه هنا
بص يا باشا انا عندي المانيوال منها موديل 1999 ... ألاوتوماتيك لو حاله كويسة في حدود من 40 الى 42 الف جنية .. اما بالنسبة لقطع الغيار فهيا بالنسبة ليا زى الفل ..
الاستيراد منها مالي الحرفيين بمعنى الكلمة ( العالمية - الحديدى - 4 في 4 .... وكتير كمان )
الاسعار زي الياباني المعادل لها في الموديل بمعنى نفس اسعار التويوتا والهوندا الاستيراد
كمان ليها حاجات جديدة كتير في ش دمشق والحرفيين
الردياتير جديد تايواني 550 جنية
المساعدين 800 جنية
السيور 160 جنية
تيل الفرامل 120 جنية
وحاجات كتير بس انت انوي
انا بردو كنت بفكر اشتري العربيه ديه بس بصراحه قلقني قوي سعرها حاسس انه قليل علي كل الكماليات اللي فيها ديه وكمان انها ياباني بالمقارنه بالتويوتا نفس سنه الصنع واقل من المازدا في الكماليات مش هتقل عن 57 الف
فياريت حد يفدني هو ده لان المازدا فيها مشكله في الصيانه او قطع الغيار او مش اي حد بيشتغل فيها مثلا ولا ايه
ويا ريت اهل الخبره يقولوا لنا عن تجربتهم معاها موديل ال 2000 ديه هل فعلا ياباني بالكامل وهل هي كويسه ولا عربيه مش قد كده
وهل هي انجكشن ام كربراتير
ايه يا جماعه فين الشباب المازدويه ولا هي عربيه محدش بيحبها ومتحيز لها
عوزين ردود كتير علي شان نفيد بعض اذا كان بخصوص قطع الغيار او اداي السياره للي ركبها وجربها او معه من فتره وهل هي عاليهعن الارض ولا واطيه زي الهوندا
فين محبى المازدا
ولا محدش بيحبها
:angry27::allo::H_angry[1]::blueletter:
انا رديت عليك قبل كده يا باشا ... العربية دي من كتر عشقي ليها معايا فلوس ازود واركب اوتوماتيك احدث منها لكن مش هاين عليا العشرة 10 سنين ... بجد سيارة محترمة بمعنى الكلمة ... عالية عن الارض .. ناعمة .. سحبها محترم .. تكييف ثلاجة (الله اكبر) .. صالون واسع ... تحب أقولك ايه كمان يا مان ؟؟
طيب هي ليه رخيصه كده يعني ب 42 اجيب وحده موديل 2000 اوتوماتيك زي الفل وفبريكه كمان وده يعتبر سعر رخيص علي عربيه ياباني 100% محترمه التويوتا اللي زيها توصل 57 الف والهوندا تزيد
يا ريت اللي يعرف يفيدنا هي ليه رخيص كده ومش منتشره كمان وده شيء مهم