جبت ال e36 :)) بسس :((

ازيكوا يا جماعه ف الاول باركولى انى جبت العربيه الى كان نفسى فيها 1992 e36 .
اول مركبت العربييه لقيت الماتور مبرجل اوى ويعتبر مفيش سحب :(( حسيت بخيبه امل كبيرة بس انا عشان بحب العربيه دى مزعلتش وروحت طاير على واحد اسمه ياسر شغال ف البى ام فطلع راجل محترم اول مسمع صوت المكنه قالى محتاجه سلوك بوجيهات ومسطره كهرباء قولت معلش روحت طاير اعدت الف عليهم لحد مجبتهم السلوك السلك ب50 جنيه ! والمسطره ب 250 جنيه
جبتهم ورحتله ركبهم والعربيه بقت احسن كتييير جدا من االاول بس مازل صوتها عالى حبتين زى ميكون مكنه بالجاز فرحتله تانى بعدها بكام يوم قولتله العربيه صوتها كذا والسحب صعفان برضو قالى انتا عاوز تظبط سحب المكنه وصوتها يبقى تغير عمود الكامه والشواكيش وحاجه كمان كدة مش فاكر اسمها ايه قولت طيب ومشيت .
والعربيه هتغير عافشه كامله بس انا عاوز اغير واحط عافشه ال6 عشان بفكر اغير الماتور واحط ال 2000 بس كمان سنه كدة او اتنين
كنت عاوز اعرف منكوا بس يا رجاله تكاليف العافشه ال6 كام وبتيجى بأيه وفعلا لو جبت عمود الكامه دا والى قال عليه هتظبط المكنه عشان برضو لو حبيت ابيع المكنه ؟؟ وشكرا واسف لو طولت عليكم بس اعذرونى انا لسه مستجد :))

الف مليوووون مبروك وربنا يديك خيرها و يكفيك شرها نصيحه من اخ متسقطش موتور ما دام دا الفابريكه بتعها علشان هى كدا ستوك اما اذا سقطت فقدت الميزه دي واذا حبيت تبيع للاسف هتخسر جامد ايه بقى مواصفات العربيه وياريت بقى لو تصورها كمان تحياتى

الله يبارك فييك يا باشا العربيه م 92 316 كامله اتوماتيك بدون فتحه سقف انا جايبها فابريكا بره وجوه بس زى مقلت محتاجه شويه مصاريف وربنا يسهل

بص ياباشا هاقولك حاجة عن تجربة الصوت السمعتة دة صوت حاجة اسمها بلوف وشواكيش وكامات ودة عيب بيظهر عادة فى المواتير الدبانة القبل موديل 95 هتروح تجيب طقم كامل بفلوس كتير اوووى وبرضة العيب هيرجع تانى نصيحة منى بقى وانا عملت كدة بدل نويت تغير المكنة سقط المكنة العشرين بحاجاتها وعفشتها وتريح دماغك من كل حاجة وربنا معاك

معاحترامي لراي ان موتور الفابريكي بيحافظ علي السعر
يعني العربيه دي توبها من 55 الي 60
لو فيها مكنه 20 اسود وتعديل العفشه ومظبط الدنيا بره توصل ل62
يبقي الموتور مش هو القصه وبعدين دي مكنه m40
وطبعا هي سحبها ضعيف لان 1600 ضعيف عليها وكمان اتوماتيك يبقي ماتت

اقتباس:

---

المشاركة الأصلية كتبت بواسطة hanyhosney

معاحترامي لراي ان موتور الفابريكي بيحافظ علي السعر
يعني العربيه دي توبها من 55 الي 60
لو فيها مكنه 20 اسود وتعديل العفشه ومظبط الدنيا بره توصل ل62
يبقي الموتور مش هو القصه وبعدين دي مكنه m40
وطبعا هي سحبها ضعيف لان 1600 ضعيف عليها وكمان اتوماتيك يبقي ماتت

---

+1111111111111111111111

انا متفق مع احمد علي و هاني
انزل هات مكنة 20 بالفتيس و العفشة و اعمل حسابك في 8000 ج كحد اقصي باذن الله و انسا العربية خالص بعد كده و عيش
.و الف مبروك.

اولا مبروك يا باشا
ثانيا انا زيك بالضبط لانى انشاء الله بكرة هجيب ال e36 موديل 1993 كاملة مانيوال فتحة سقف و فيهل نفس العيوب...الموتور فية بلوف و كامة و شواكيش و ناوى انشاء الله اجيب عفشة 6 سلندر و موتور 20

و انشاء الله لما اجيبها هاحط الصور

سؤالى زيك بالضبط و ياريت الاعضاء يساعدونا :

ايه هى احسن عفشة 6 سلندر : ال bmw الاوريجينال ولا ال m3 ولا الكونى ولا البرشتاين ولا غيرو و تكلفتها كام لوحدها من غير الموتور و تتجاب منين فى الحرفيين ؟؟؟ مع تبيين الفرق ما بين الانواع دى

و ارجو ان الرد يكون شامل و متركز على الاجزاء اللى فى السؤال من غير الدخول فى مواضيع اخرى و تجاهل الاجزاء المهمة اللى فى السؤال :)

شكرا