والله انا قلبى بيوجعنى من الحوادث دى ومش مصدقة ان لحد دلوقتى ممكن حد ينزل من العربية ويسيب المفتاح لاى سبب وكمان العربية يبقى فيها اطفال
الناس لازم تاخد بالها اكتر من كدة وربنا يسترها علينا وعلى ولادنا يارب
عرض للطباعة
لا حول و لا قوه الا ب الله مش هنخلص من الموضوع ده بقى انا كرهت الحراميه دول
ربنا يسترها مع الجميع
ربنا يستر ... انا ساكن في الشباب وعندي الحته اللي بركن فيها الناس بتعمل خوازيق خرسانه في الارض عشان كل واحد يركن عربيته بين الحدتين ويقفل تحت العربيه بجنزير قوي شابك بين الحدتين ... الموضوع ده هيكلف حوالي 150 ج وشكلي هدخل معاهم مع اني مش مقتنع بالفكره الصراحه
لقد علمت ماحدث من اربع ايام ولماذا كان الجامع يصدر بيان وياريتنى ماعرفت واليكم الاخبار
الشارع الذى اسكنه والذى يطل مباشرة على الشارع الرئيسى خلف السبع عماير واكيد كل اللى فى العبور عارفين المنطقة دى . تم سرقة ثلاث عربيات منه بخلاف عربيتين فى الشارع اللى ورايا على طول
وما زاد الامر تعقيدا اننى علمت انه تم خطف طفل من امام سكنه ايضا فى الشارع الخلفى ولكن لا ادرى هل تم ارجاع ماسرق او هل عاد الطفل ؟ الى الان لا اعلم
ولكن اعتقد ان الموضوع كدة بقى خطير بجد وانا بقيت مرعوبة جدا واتمنى ان يسترها الله علينا جميعا
والله انا سمعت الكلام ده النهاردة من البواب فى عجالة ولم اتحقق منه الى الان ولكن ضرب النار وتنبيه الجامع فى نفس اليوم لحد الفجر مع وجود كم غريب من السيارات اللى بقت تركن فى الشارع بتاعنا من يومها يؤكد ان فيه حاجة خطيرة حصلت
لكن انا بكرة هاحاول اتاكد من صحة الخبر فى عدد العربيات المسروقة واذا كان فيه طفل اختفى فعلا والا كانت محاولة فقط