الموضوع: لهذة الأسباب بفضل شراء رشاشات جديدة

ريحة العادم عندي موش مظبوطة و البنزين باين فيها جدا حتي بعد مابتسخن وغيرت حساس الشكمان (العربية نوبيرا 2 كوري) وما ادراكم ما حساس الشكمان جبتة من ستة اشهر بالعافية جديد ب 400 جنية لأني أؤمن ان الحساسات لازم تكون جديدة وبرضة ريحة البنزين باينة عموما نضفت الرشاشات بإستخدام منضف الكربيرتير فكتهم ووصلتهم ببطارية وبخيت المنظف مع الفتح و الغلق لحد ما السائل خرج نضيف بس برضة لما ركبتها ريحة البنزين موجودة في العادم و العربية سحبها موش حلو نهائي مقارنة بالنوبيرات التانية - المهم الرشاشات الي راكبة عندي نوعها سيمنز وبفتحة خروج (ترذيذ) مفردة موش زي النوبيرا المصري اعتقد فيها اربع فتحات او اكثر حسب ماشفت وبفضل الجديد للأتي 1. ان المستعمل لايمكن يكون مضمون ومعرفش اشتغل كام سنة في العربية الي مفكوك منها 2. ان المسألة موش بس نظافة الوقود برة لكن لازم نؤمن ان صمام بنتل بسوستة وملف قابض بيفتح عند كل دفعة حريق علي مدار سنوات لازم يعاني من ضعف في السوستة في الغلق او ضعف في مقاومة الملف في الفتح (اكيد انتوا فاهمين القصة طبعا) ولما اختبرت الرششات بفتح الكونتاكت علشان الطلمبة تضغط لقيت اثنين بيسربوا بنزين وان كان بسيط بس مع التشغيل اعتقد ضعف السوستة يسبب عدم احكام الغلق في شوط العادم .. عموما علشان مدوشكوش ولآني موش لاقي رشاشات بي ام في المنصورة خاصة وان السيارة 1500 موش 1600 ودة معناة ان شراء رشاشات مختلفة هيعني كمية وقود موش مظبوطة في دفعة الحريق وبالتالي ليا عتدكم سؤالين
1. هل ممكن اركب رشاشات هيونداي جديدة 1500 بتاعة الفيرنا الهندي ال 1500 ولا لأ وحد عندة فكرة عن سعرهم جديد.
2. طيب لو فكرت اشتري رشاشات النوبيرا جديدة هل في بتاعة الكوري ال 1500 سي سي وبرضة حد عندة فكرة عن سعرهم.
3. لو قفلت الظروف ومفيش غير رشاشات النوبيرا ال 1600 سي سي اركبهم وخلاص مع العلم ان مفيش سكانر كويس بيقراء العربية بحيث ممكن نقلل زمن الفتح بتاع الرشاش شوية واللعب الدولي دة .... عاوز رأيكم وبالأخص لو حد جرب واشتري جديد