عاوز طابعه

**ganash** · 12-02-2012 10:38 PM

السلام عليكم ورحمه الله وبركاته

ايه افضل طابعه فى حدود من 400 ل 500 جنيه ؟؟

**opelawy** · 13-02-2012 12:50 AM

بص الاتش بي لا يعلي عليه زي الياباني في العربيات ( توافر قطع غيار و سهولة و سرعة )

عندك كذا خيار
طابعة ليزر 1012 ( علي ما انا فاكر ) ب 640-660
طابعة الوان ب حوالي 200-250

طابعة و سكانر و كوبير ( الوان ) ب 350-400
طابعة و سكانر و كوبير ( ليزر ) ب 850

طبعا كلهم اتش بي و انصحك ب
طابعة و سكانر و كوبير ( ليزر ) ب 850 ( لو عايزهم كلهم و ممتازة )
او
طابعة ليزر 1012 ( علي ما انا فاكر ) ب 640-660 و دي حمارة شغل

**MaZaGAngeE** · 13-02-2012 01:58 AM

بس عيبها الحبر غالي

**opelawy** · 13-02-2012 02:07 AM

بس لا يقارن بالالوان
الحبر عندي بقالو 6 سنين
لسه عاملوه ريفيل من شهرين تلاتة
و تمنو حوالي 420 جنيه و بيطبع بتاع 5000-4000 ورقة اعتقد انه رقم كويس بالنسبة للتمن و ممكن يقارن بالالوان ب 250 و يطبع بتاع 200-300 ورقة و يخلص !!

**lonedoctor** · 13-02-2012 04:18 AM

اتش بى فوتو سمارت ب 550 جنية انكجيت وتشترى من على النت من موقع ebay refillable cartridges ب 14 دولار وتعيش حياتك يامعلم كل ما الحبر يخلص تعبى تانى بدون حد اقصى والموضوع ده للاسف ناس كتير ما تعرفوش

**ahmadyusuf** · 13-02-2012 09:21 AM

حضرتك انا ححاول اقسم الموضوع:

لو بتطبع الوان : يبقى مفيش قدامك غير الـ Ink Jet و زى ما زمايلنا قالوا , اعتقد اكتر حاجه متوفرلها قطع غيار و صيانه و احبار هي الـ HP و حضرتك تقدر تخطار الموديل اللى عاوزه حسب تمن الحبر بتاعه و بيعمل كام ورقه و سرعته و اذا كان فيه Wifi ولا لا, يعنى حسب احتياجاتك

لو بتطبع غالبا اسود بس يبقى نصيحتى ابعد عن ال Ink Jet خالص لانك لو بتطبع قليل بعد شويه الـ Nozzle او الفتحه اللى بينزل منها الحبر بتنشف و موضوع اعاده الملي ده مش عملي اول لان برضه بعد شويه الـ Cartridge بتبوظ , اما لو بتطبع كتير برضه حيكون مكلف يبقى فى الحالتين من وجهه نظري ال LaserJet احسن لانها بتطبع ورق كتير و بفلوس اقل و مفيها مشكله حتى لو سبت الحبر بدون طباعه لسنين

انا كنت شاري واحده HP استيراد من ايام ما كنت فى الكليه يعنى من حوالى 5 سنين و لسه معايا لغايه دلوقتى وشغاله كويس و طبعت فيها يمكن اكتر من 12000 ورقه