هل من المنطقي ان واحد يجيب اللانسر البومة 2012 زيرو الفئة أورتاماتيك 1600 اللي فيها abs و airbag ؟
و يا ريت مع ابداء السبب ايا كان اه أو لأ .
و ايه أخبار قطع غيارها برا التوكيل لأني بسمع ان الوكيل الجديد بيستهبل في أسعار قطع الغيار.
عرض للطباعة
هل من المنطقي ان واحد يجيب اللانسر البومة 2012 زيرو الفئة أورتاماتيك 1600 اللي فيها abs و airbag ؟
و يا ريت مع ابداء السبب ايا كان اه أو لأ .
و ايه أخبار قطع غيارها برا التوكيل لأني بسمع ان الوكيل الجديد بيستهبل في أسعار قطع الغيار.
منطقى او غير منطقى يبقى حضرتك مش هتستفيد حاجة من هنا كتير لان اغلب الاراء هتيجى تقول العربية كويسة و قطع غيارها موتوفرة فى كل مكان ب كذا نوع و ده حقيقى . و بصراحة انا عن نفسى مش شايف انها وحشة زى ما ناس بتقول يعنى . الفكرة حضرتك معاك كام و تقدر تجيب ايه ؟ و نفسك العربية يبقى فيها ايه ( كماليات و شكل و الحاجات دى يعنى )؟
نصيحة بس اخوية و ده راى شخصى : تجربة كل فرد فى التوكيل مهمن كان توكيل س او ص , مافيش حد فى مصر كلها قال ان فى بمصر توكيل عيدل . يعنى حضرتك لو قلبت فى بقيت موضوعات القسم بتاع متسوبيشى عشان منرحش بيعيد , ستجد ناس بتشكر فى التوكيل و ناس بتشتم . لم يسلم اى توكيل فى مصر من الشتيمة ( حتى مرسيدس و بى ام ).
اقل ما فيها ان حضرتك لو سبت التوكيل , عندك كم كبير جدا من الميكانيكيا خلاص حفظو العربية من اولها ل اخرها عشان الشكل ده معانا من 2006 او 2007 او يمكن من قبل كده كمان .
و العربية اساسا كان من قبل كده كان عليها طلب كبير جدا جدا ف قطع الغيار ليها هى متوفرة ب انواع و اشكال كتيرة و اسعار مختلفة كتيرة .
و فى اصلا اشاعات بتقول ان الموديل ده خلاص هيقف بس الجرنان كان كاتب ان الوكيل الجديد استقبل 2000 عربية منها ف فى كلام بيطلع كتير غير منطقى و غريب و انا مش متأكد من الكلام ده اللى هو طالاما هيقف , بتصنع منه لحد الان منه و بتصد 2000 عربية ازاى .!!!!!
الفكرة انك لما بتجبها بس الان كانك جايبها من 2007. اللى هو رونق الشكل المستحدث فيها خلاص راح . اللى هو كانك جايب عربية 128 موديل 2001 . انا مش بعيب فيها طبعا بس دى وجهت نظرى الشخصية و اتمنى لك التوفيق .
تذكير بس ولا يقلل من العربيه ولا من الي لسه بيشتريها زيرو
العربيه بدا انتاجها موديل اعتقد 2004 لغاايه 2012 ولسه بينزل منها زيرو بنفس كل حاجه فيها مع تغيير طفيف
انا نفسي وقعت ف السؤال ده قبل كده في مواقف كتير وكان ردي عن نفسي انا مشتريش حاجه تكنولوجيا 2004 وانا ف 2010
هى حلوة و مفيش اختلاف عليها بس زهقنا منها بقالها 8 سنين معانا و بنجبها زيرو و مستعمله فكرتنى بالبيجو ال 504 محدش عملها قيمه فى العالم الا مصر و لا زالت .... المشكله انك هتدفع 100 الف او اكتر فى عربيه من وجهه نظرى بقت ممله جدا و فى عربيات نفس كفائتها مع التطور التكنولوجى فى المحرك و التصميم الخارجى ..... مفكرتش فى الالنترا الجديدة ؟؟؟؟؟ نصميم ثورى فعلا لسيارة عصريه
النترا .. سيراتو ....لألألألألأ
أنا كنت بفكر في الفورد فوكس بس للأسف خلصانة و المفروض في شكل جديد نازل بس أسعاره هتبقي عاليا ... كانوا عاملين عرض من شهرين تقريبا النسخة اللي ب 157 ألف بقت ب 130 ألف ...كان عرض كويس جدا و ما شاء الله خلصوا الكمية اللي عندهم كلها علي طول.
طيب بالنسبة للأوتماتيك البومة ... تفرق ايه الفئة الأولي1600 من الفئة التانية (هاف سبورت) ؟
و هل الهاف سبورت فيها خشب ابانوس ؟
اختيار ناجح وموفق .. لا هتغلب في صيانة ولا قطع غيار ولا سعر اعادة بيع منخفض .. ومتجربة ومعروف دواخلها وخباياها .
انا مع الرأى دةاقتباس:
المشاركة الأصلية كتبت بواسطة د.محمود صلاح
العربيات الزيرو اللى بقالها كذا سنة فى السوق وأثبتت كفائتها دية ميزة كبيرة أنها معروفة ومنتشرة ومتجربة ومعروف مميزاتها وعيوبها وأنتشار وتواجد قطع الغيار جديد ومستعمل أستيراد ولو التوكيل أقل بأصلوا معاك تقدر تتصرف وتعيش حياتك برة التوكيل فى كل حاجة
والله الموفق والمستعان
أنا رحت المصرية و سألت علي الأسعار ....
أول فئة أوتوماتيك 1600 ب 119000 ألف فيها واحدة ايرباج و مفيهاش abs !
تاني فئة أوتوماتيك 1600 ب 128000 فيها باقي الكماليات و 2 اير باج و abs
ثالث فئة أوتوماتيك 1600 ب 131000 نفس الفئة التانية بس فيها فتحة سقف ...
لا تعليق !
اشتريها
البومة الجديدة جميلة تابلوة وعدادات جديدة وكفاية انها يابانى يعنى لاتقولى اوبترا زيرو ولا سيراتو ولا الكلام دة اتوكل على الله بس انصحك تجيبها سوبر اكشن
أنا سمعت يا جماعة ان العربية تقفيل ماليزي والكلام ده من الاستاذ شريف استشاري تسعير السيارات المستعملة في المنتدى بتاعنا زي ما الكرولا بتتقفل في جنوب أفريقيا.
الحقيقة انا فكرت اجيبها 2011 بس بعد ما ارتفع سعرها اكتر من 7000 صرفت نظر يعني كانت من شهر تقريبا اول فئة اتوماتيك ب 111500
اللانسر الشارك أول فئة أوتوماتيك (تكيف - باور - ايرباج واحدة للسائق - cd - أبانوس في التابلوه ) معروضه عند المصرية ب 138000 و عليها خصم 6 ألاف جنيه يعني 132000 جنية و موديل 2011 اللي هي 1500 سي سي .... طبعا عرض كويس جدا بس المشكلة في ال abs ! ... العربية شكلها وهم من جوا بالخشب الأبانوس .
و مش منطقي ليه؟ العربية ناجحة بجميع المقاييس... يبقى ليه لأ؟
+111111111111اقتباس:
المشاركة الأصلية كتبت بواسطة sheno0o
العربية مشكلتها انها بقى لها فترة طويلة متغيرش شكلها من بره ...
ومن الداخل هو نفس الشكل من اكتر من 10 سنين ... وكان موجود فى المكواه نفس التابلوه ....
لكن دلوقتى حصل تغييرات فى العدادات ..
لكن مجملا عربية موثوق فيها ومنتشرة جدا .... وقطع غيار كتيييييييييييير ...
مع احترامي الشديد لمصدر المعلومة انما المعلومة غير صحيحةاقتباس:
المشاركة الأصلية كتبت بواسطة egy77
العربية ياباني 100% وانا متأكد تماما من الموضوع ده علما بأن شركة مصرية لا تبيع سيارات ميتسوبيشي الآن ونشاطها الحالي صيانة وبيع قطع غيار أصلية لسيارات ميتسوبيشي..اقصد اقول مفيش اي مصلحة...انما احقاقا للحق العربية ياباني 100% وطول عمرها يعني من الثمانينات وهي ياباني 100%
ملحوظه (المصرية للسيارات) غير شركة مصرية (الوكيل السابق لميتسوبيشي 1983-2010)
عودة كرأي لصاحب الموضوع... العربية كويسة جدا وزي الجنيه الدهب لو بتحافظ عليها وعلى صيانتها هتفضل بحالتها لسنين طويلة..انما طبعا هي تكنولوجيا 2003 وعلشان كده انا بافضل عليها الشارك اللي هي تكنولوجيا 2008