هل هناك من يصنع الهوايات التى توضع على الزجاج حيث ان سيارتى لم اجد لها تلك الهوايه و هى اسبرنزا 113 .. و انا فى حاجه لها نظرا لظروفى الصحيه
عرض للطباعة
هل هناك من يصنع الهوايات التى توضع على الزجاج حيث ان سيارتى لم اجد لها تلك الهوايه و هى اسبرنزا 113 .. و انا فى حاجه لها نظرا لظروفى الصحيه
هوايات إيه يا باشا وضح أكثر
حضرتك وضح اكتر علشان نقدر نساعدك يا استاذنا
ممكن نقول طارد ادخنه الى بيكون لونها غامق و بلاستيك و بتتركب فوق الشبابيك و هى بتتعشق كبس مع كوتش الباب
حضرتك تقصد الستاير الكبس لو قصدك كده فى التوفيقيه موجوده للاسبرانزا
حضرتك تقصد الشفة البلاستيك اللى بتتلزق فى جلد الباب من فوق وممتازة للامطار او لو بتدخن ومش عاوز تفتح الشباك كله.
موجودة فى التوفيقية-شارع دمشق القاهرة .بس مش عارف مين بيبعها فى الاسكندرية او لو فى منها لعربيتك ولا لا.
واللى حضرت تقصدها هى ديه ولا حاجة تانية.
http://www.aape.biz/File/Product/S8186.jpg
مش فاهم برضه خالص صاحب الموضوع يقصد إيه؟؟؟
دى اسمها واقى امطار rain guard وهى انك بتفتح جزء من الازاز و المطرة مش بتدخل جوة العربية لان البلاستيك بيحوشها
فى مصر بيسموها هوايات لية معرفش !
طب مافيش اختيارات..... زي ماتكون فزورة وكله بيجتهد يحلها :)
فعلا هيا بتتسمى هوايات عند معظم التجار بس اسمها الصحيح مانع امطار ( زي ما استاذ شهدي قال ) وفعلا بيسموها هوايات عشان لما بتفتح الشبك الهواء مش بييجي على وشك نهائي ودي بتكون مفيدة اكتر في السفر ودي شكلها على اسبرانزا 113 وموجودة في التوفيقية في المول ورا توكيل اريون لمعطرات السيارة وسعرها 35 ج للطقم ( عبارة عن 4 قطع للاربع ابواب ) وعندهم جميع انواع السيارات
انا شوفت لانسر مركب هوايه على البرابيز اللي ورا وشكلها تحفا ... تفتكروا موجوده في التوفيقيه برضو
شكرا لكل من قام رالرد و اسف على تأخرى لظروف مرضيه
هى فعلا الشفه البلاستيك التى تمنع دخول الامطار و الهواء و نفسى اوصلها فى اسكندريه
انا شفت اسبيرانزا مركباها فى أسكندرية ... شوف فى عزبة سعد
نصيحة لما تلاقيها وقبل ما تركبها.اعمل اللى هقولك عليه:
-اتاكد من نوع الدبل فيس(اللزق) 3m اللى ملزوق عليها. ولو مش هو يبقى تشترى بكرة من التوفيقية عرض 1/2 سم او 1 سم وتشيل اللى فيها خالص وتلزق ال3m.
-تشترى ازازة كحول من الصيدليه ب3-4 جنيه وقطنة او منديل نضيف وتمسح مكان ما هتلزقهم كويس بالمنديل-الكحول هيطير فى ثوانى.الزق واضغط خفيف عشان متكسرش.
-اهم ما فى الموضوع حاول تجيب الكورى لان الصينى او المصرى مع الشمس هيتنوا ويتقطموا بسرعة.
عند مين في التوفيقية الكوري ؟
ولسه كنت جايب طقم لعربية دايو ب 35 بس صيني وعليه الدابل فيس ال 3m
الكورى عند اتنين:
محمد ابراهيم
السجان فى المول القديم
بس طالما عليه ال3m هيبقى نضيف برضه.
هو قده الستائر الكبس فعلا هى بتنزل موديلات وموديلات بس معرفش فيه للأسبرنزا دلوقتى ولا لا
ع العمموم الناس اللى بتبعها فى التوفيقة برده بتفصل لحضرتك على موديل عربيتك البرابريز الخلفى والبابين اللى وراء
الراجل سئل عن الهويات ... وناس كتير مش عارفه يعني ايه هويات .... كويس انو مسئلش عن لمض الشبورة كان ناس قالولا يعني ايه شبورة ؟ ههههههههه ههههههههه
طيب انا هسئل سئال تاني بعد أذنكم ... في حاجة زي الهويات دي لكن بتركب على البرافريز الخلفي ... وملهاش فائدة حقيقة غير انها مجرد حليه ... في ناس بتسميها هواية خلفية وناس بتسميها شماشة خلفية مش ستارة لأن دي بتركب على القزاز من برة ... والي عاوز يسميها مانع مطرة يسميها المهم أجيبها منين ؟؟؟؟
عربية ايه
هى دى اللى قصد حضرتك عليها :
http://img23.imageshack.us/img23/9954/25858824.jpg
انا ركبتهم من التوفيقيه وبأمانه عاملين شغل جامد لكن حذارى من الدبل فيس هيطيرهم ويرميهم فى الأرض حتى لو M3 انا جيبت من الأخر ولزقت بيه هو والأمير وبقى زى الحديد
انا قلبت التوفيقة النهرده محل محل ورحت المول القديم حتى السجان معندهوش بتاع يارس بس في ماركات تانية .
قمت نزلت على شارع دمشق كمان محل محل ... في النهاية واحد ابن حلال قلي سيب عربون واجبهملك لأن لو لفيت السوق كلو مش هتلاقيهم وقالي تمن الطقم الكوري 225 جنية .
دفعتلو 100 جنية عربون وقالي تعالي يوم التلات .
اوعى تلزق بأمير مبيطلعش ولو اتكسرو مش حتعرف تشيلهم .... شوية سبرتو و نضف وبعد كدة الزق بدبل فيس نضيف
225 جنيه كتير جدا جدا جدا
دا الطقم ب 35 ج اي عربية
اعمل ايه ماهو استغلال ... عارف اني مش هلاقي .
هو بيني وبينكم اه كتير ، بس انا قلت لنفسي يمكن بيفصلهم تفصيل ولا هيبعت يجبهم من حته بعيدة ... ومشكلتي اني عامل عملية في عنية والهوى فعلاً بيأزيني لمن أجي ماشي وفاتح الشباك سنة صغيرة في ظل العفار والغبار الي في العاصمة .
باشا انا سئلتلك عن الهويات لنيو أكسينت لقيتها ب 75 جنية ومش موجودة ... حتى النهردة الراجل رجع لي عربوني وقالي انا اسف ملقتش وخلصت سامحني .
بالظاهر لاستيراد واقف اليومين دول علشان اقتصاد البلد ... والحق مع البلد بصارحة يعني البلد على وشك تفلس ...
بس انا بسئل نفسي سؤال ... ليه كماليات العربية لا تصنع في مصر هنا ، أنتم عارفين انها تجارة بملالالالالالالالاين الدولارات ... يا أخي الصين بتبعت تجيب وتستورد كل حاجة جديدة من برة وياخدوها علشان يدرسوها ويبتدوو يقلدوو ويصنعوو ... ده غير انها بتستقبل رجال الاعمال والي عاوزين يستوردو حاجة ويشوفو هما بيفكرو ازاي وايه هيا احتياجتهم ... وبعد ما يصنعوها ليهم بياخدوو الفكرة ويطبقوها ويبيعوها لحسابهم هما ... يعني من الاخر حتى التجار المصريين الي بيسافرو للصين يجيبو كونتير دول من هناك ويرجعوو برخص التراب ... الصين بتكون استفادة بأنها خدت كل أفكارهم واحتياجات التجار المصريين وتاني يوم تلاقي فكرة التاجر المصري مغرقة السوووق والعالم كلوو .
لذلك المهم الفكر والفكرة قد ماهي مهم هبيع بكام أو هبيع قد أيه ... فحنا ليه منعملش تحرير للصناعة وقيود التصنيع .. ونبتدي نحط مهندسيين بس يخدمو أفكار الناس ... وعمال يصنعو الافكار دي ... انا متأكد لو تمسك الشباب المصري وتيجي تعصرهم هتنزل منهم حبت أفكار بنت لزينة تغرقق العالم كلو ... الشاب المصري زكي جداً ... بس ياخسارة بيتسخدم أفكارو وذكائوو في الاززززززى والازية ... طيب ما احنا ممكن ناخود افكارو الشيطانية دي المؤزية ونحولها لأفكار بنائه ونخليه يشغل مخو في الخير والاختراع ... يعني مثلا بدل ما نخلي الشاب المصري يفكر ازاي يتحايل على القانون ... او أزاي يقرطس الزبون ، أو أزاي يقلب ده ويخزوق ده ،،، نحول تفكيرو لأنووو أنسان مبدع ... ياشباب تاجر البرتقان الفلالالالالالالالالالالا لاح عندنا هنا في مصر بيبني هرررررررررررررم من اليوستفاندي او البرتقان على عربية كروو ... شايفين قد أيه الابداع عندنااااااااااااا هرررررررررررم من اليوستفندي او الفرولة ... مين عندو حتى طولة باااال يقعد على الشط يبني هرم من الرمل ويقلك اصل هتيجي موجة تهدهاااا ... فما بالك بياع اليوستفندي الي في الشارع وكل واحد عاوز ينقي ويهدلوو الهرم الي بانيه ههههههههههههههههه
متشكر جدا يا زووق :) ...وفرت عليا مشوار محترم
هبأ انزل كده عندنا في الزقازيق وهسألك عن اليارس .....وبصراحه كل كلامك صح ..... احنا محتاجين بس حد يفرمط الويندز اللي عندنا اللي كله فيروسات ده من 30 سنه وينزل واحد جديد على نظافه هههههههههههههه