حد شغال في شركه عملت اعلانات علي قنوات فضائيه قبل كده او بتفكر ؟

**Screenplays** · 13-02-2012 04:46 AM

حد شغال في شركه عملت اعلانات علي قنوات فضائيه قبل كده او بتفكر ؟ انتوا عارفين حال البلد عامل ازاي فأنا ممكن اجيب عرض اعلانات للشركه علي قنوات فضائيه مشهوره باسعار ممتازه ... انا مجرد وسيط لا اكتر و لا اقل و اللي هيجبلي شركه تعمل اعلانات هياخد عموله محترمه معايا ... و الله انا بحاول استخدم كل اداوتي حاليا عشان اطلع فلوس من تحت الارض و مضطر اخش في حوار مش بتاعي بس لازم استخدم علاقاتي العامه لافاده نفسي في ظل الظروف المنيله دي ... اللي عايز يتعاون يكلمني علي الخاص و اتمني ميكونش الموضوع معارض لقوانين المنتدي ... انا اهه مش كاتب اي تفاصيل خالص .

**SYD** · 13-02-2012 10:22 AM

نسق مع الأدارة احسن

**Screenplays** · 13-02-2012 06:28 PM

يعني اعمل ايه بالظبط ؟ ابعت لينك الموضوع للاستاذ كريم منير ؟

**Khaled Online** · 13-02-2012 06:45 PM

المشاركة الأصلية كتبت بواسطة screenplays

يعني اعمل ايه بالظبط ؟ ابعت لينك الموضوع للاستاذ كريم منير ؟

مبدئيا ما تكملش كتابة مشاركات في الموضوع لحد ما تراسله عالخاص
لو مكانك هعمل كدة
وانت أدرى بمصلحتك

**Screenplays** · 13-02-2012 09:58 PM

تم التواصل مع الاداره و في انتظار الرد

**Karim_Monir** · 14-02-2012 11:02 AM

الطبيعي ان الموضوع ياخد شكل اعلاني
وتتفق معي الاول
لكن مراعاة لحالة المادية الصعبة اللي البلد بتمر بيها
اتوكل علي الله وابدء

**Mshawky** · 14-02-2012 11:14 AM

المشاركة الأصلية كتبت بواسطة karim_monir

الطبيعي ان الموضوع ياخد شكل اعلاني
وتتفق معي الاول
لكن مراعاة لحالة المادية الصعبة اللي البلد بتمر بيها
اتوكل علي الله وابدء

احب احييك على اسلوبك وطربقتك المحترمه مع الاعضاء ومراعاة الظروف

**Screenplays** · 14-02-2012 06:37 PM

شكرا استاذ كريم علي تفاعلك السريع و انا طبعا مش قصدي اي اعلانات و الدليل اني محطتش اي بيانات من اي نوع في الموضوع

الموضوع كله بيتلخص في ان اي شخص او اي شركه عايزين يعملوا اعلان من اي نوع علي اي قناه فضائيه يكلمني علي الخاص و طبعا اللي هيجيب شخص او شركه عايزين يعملوا اعلان هياخد عموله محترمه ان شاء الله

الموضوع برضه مش مختص بالاعلانات علي الفضائيات بس و لكن بيشمل برضه تسويق اعمال فنيه و خلافه

برضه مش هحط اي بيانات عشان الموضوع مياخدش طابع اعلاني اكتر من كده و شكرا استاذ كريم مره تانيه علي تفهمك

لو ينفع تغيير عنوان الموضوع عشان يناسب محتوي الموضوع اكتر يبقي كويس