الدائرى و طريق السويس: الاثنين 13 فبراير : حادثه و مطبات !!!

صباح الفل

اضطريت اودى الولاد المدرسه فى التجمع الخامس النهارده و راجع على الشغل على الدائرى لحد طريق السويس و فى عربيه نقل محمله طوب واقعه من على الدائرى على اليمين ما بين منزل طريق السويس الاول (اتجاه السويس) و المنزل التانى (اتجاه الماظه) معرفش الاصابات اخبارها ايه بس مكانش فى زحمه فممكن تكون الحادثه كانت بالليل متأخر و اتمنى ميكونش فى حد على الجزيره تحت الدائرى... المقطوره متعلقه على حرف الدائرى و اكيد العربيه تحت ....

اخدت طريق السويس فى اتجاه الماظه و بعد كوبرى الجيش عند مستشفى الكهربا مكان المطب اللى اتعمل و اتشال حاطين 15 مطب من الصغيرين اوى اللى العربيه بتدبدب عليهم 5 و بعد 10 متر 5 و بعد 10 متر 5
طبعا العربيات بتهدى جامد و الناش جايه طايره من على الكوبرى بتلاقى زحمه فى وشها ... ربنا يستر و محدش يلبس فى عربيه مهديه عشان المطبات.

اقتباس:

---

المشاركة الأصلية كتبت بواسطة mohamed_selim

صباح الفل

اضطريت اودى الولاد المدرسه فى التجمع الخامس النهارده و راجع على الشغل على الدائرى لحد طريق السويس و فى عربيه نقل محمله طوب واقعه من على الدائرى على اليمين ما بين منزل طريق السويس الاول (اتجاه السويس) و المنزل التانى (اتجاه الماظه) معرفش الاصابات اخبارها ايه بس مكانش فى زحمه فممكن تكون الحادثه كانت بالليل متأخر و اتمنى ميكونش فى حد على الجزيره تحت الدائرى... المقطوره متعلقه على حرف الدائرى و اكيد العربيه تحت ....

اخدت طريق السويس فى اتجاه الماظه و بعد كوبرى الجيش عند مستشفى الكهربا مكان المطب اللى اتعمل و اتشال حاطين 15 مطب من الصغيرين اوى اللى العربيه بتدبدب عليهم 5 و بعد 10 متر 5 و بعد 10 متر 5
طبعا العربيات بتهدى جامد و الناش جايه طايره من على الكوبرى بتلاقى زحمه فى وشها ... ربنا يستر و محدش يلبس فى عربيه مهديه عشان المطبات.

---

بالنسبة للحادث الاول اصبح منظر مألوف انك تلاقي مقطورة متدلدله من كوبري في مصر مرة من المرات شوفت مقطورة متدلدله من الكوبري اللى بينقلك من جسر السويس الى طريق المطار ربنا يصلح الحال لان المشكله مش في الغاء المقطورة نهائياً المشكلة في 1- نوعية السائقين 2- نوعية الطرق
بالنسبة لمشكلة المطب بتاع الكيلو 4.5 ده معمول عشان الناس ساكني منطقة الكيلو 4.5 العشوائية وغالبية الناس دي بتعدي الطريق السريع ده عشان تركب مواصلات من على جانبي الطريق السريع وايضا بعض العساكر من المعسكر اللى على جانب الطريق ...!!! فالمهندسين الجهابز كانو عملو مطب وكانت النتيجه كمية حوادث نتيجة مفاجئة المطب للسائقين فشالوا المطب وحطو عيون القطة وكانت النتيجه حوادث نتيجة مرور المشاة من الطريق السريع فعملو المطبات الصغيرة وحطوا لوح ارشادية تحذر من المطب بس المشكلة ان العربيات بتكون نزلة من كوبري مسرعة فتقريبا ملهاش حل حتى لو عملوا كبري مشاه الناس هتستسهل وتعدي نهر الطريق السريع لأن دي تقريبا ثقافة عندنا ...!!!! ربنا يصلح الحال

لأ دول مش بتوع 4.5 دول معمولين لمستشفى الكهربا .... بينى و بينك ... الناس تعدى ازاى؟ هنعمل كوبرى مشاه ... هيتمللى بياعين و برضه الناس هتعدى من تحت .... انا بصراحه مش عارف ايه الحل بس حبيت انقلكم اللى شوفته الصبح ...

ياريت يعملوا المطب ويحطوا لافتة تحذير له ،،، او وسيلة تحذير

انا فعلا شوفت المقطورة اللي مقلوبة هناك و محملة طوب احمر كانت داخلة ع الناحية التانية للمطلع

و المطبات الخفيفة ديه معمولة عشان المستشفي و تعدية الناس زي ما حضرتك شايف التعدية خطر جداااا المطب ده خلي ناس كتير تقدر تعدي براحتها

بس يحطو يافطه على مطلع و نص الكوبرى ان فى مطبات بعد المنزل عشان الناس تهدى ميكونوش طايرين و يلاقو كام عربيه مهديين جامد بعد المنزل مباشرة ....

مطبات رخمة اووي وانا بخدها بسرعتي وبكون ممور ايه رأيكم ؟طبعا في ضرر حاصل عالعربية انا عارف لأني باخد المطبات الصغيرة دي بسرعتي ومبحبش اهدي عندها الا لو الطريق مزحوم بهدي غصب عني واخدها بطيء انا شايف المطبات دي تخلف وفي حل تاني اكيد

فى الدول المتقدمه المطبات دى بتكون اسفلت بتكوين مختلف و مش عاليه عن الارض و الغرض منها مش انك تهدى بالعافيه انما الغرض منها لما تاخدها على سرعتك تعمل صوت مختلف لتنبيهك لملف قادم او مطلع كوبرى او اى حاجه تحسسك ان فى حاجه مختلفه ...

ربنا يسترها

ربنا يسترها

قمة الذكاء المصري
لما يتعمل مطب.. علشان يمنع الحوادث
من غير لافتة تحذيرية واضحة قبله بمسافة

والنتايج مأساوية .. ناس بتموت وعربيات بتروح في داهية

المفروض إلي يعمل مطب على طريق سريع...تتوجه له تهمة القتل العمد

على سبيل المثال في دوله الامارات العربيه

لما بيبقى فيه مطب بيتعمل قبليه بمسافاه كبيره جدا ممكن اكتر من 300 متر ان في مطب وكل كام متر تلاقيه يافطه فيه مطب وهكذا لحد ما تلاقي يافطه المطب والمطب نفسه

سهله دي ولا ايه

ولا فلوس يفط كتيير اوي_لا احنا نحوش ونسيب الناس تموت احسن

انا لما بعدى على المطبات دى بحس ان العربية بتتهبد و حتى لو انا مور و ماشى براحة

اقتباس:

---

المشاركة الأصلية كتبت بواسطة mohkhattab

انا لما بعدى على المطبات دى بحس ان العربية بتتهبد و حتى لو انا مور و ماشى براحة

---

المشكله في عفشه عربيه حضرتك

احنا هنا في مصر كل مطباتنا مطابقه للمواصفات القياسيه :bump1:

الموضوع في الآخر ثقافه
والحمد لله منعدمه عندنا نهائيا