عرض للطباعة
السلام عليكم
انا معايا 128 موديل 75 راشه بره و جوه
معانا من الزيرو و كنت مغيرلها ماتور رجاتا من 10 سنين
و من سنة عملت عمره للموتور و غيرت عفشة كلها و كاوتش و بطارية
هي محتاجه سمكرة و دوكو كتير لان في شوية برومة ده غير ان السمكري اللي فات مكنش بيفهم حاجه و بهدلها.
تنصحوني بايه ابيعها و اشوف حاجه غيرها ولا اشدها؟ و لو هتتباع تعمل كام؟
و شكرا ليكم.
لو حضرتك ناوي تبعها كلمني علشان في مشتري
طالما اتبهدلت من السمكري اللي فات يبقى هتحتاج شغل جامد وصرف كتير علشان تعرف توقفها على حيلها. نصيحة شراء العبد ولا تربيته. بيعها وهات حاجة تانية بحالة كويسة ومش محتاجة صرف.
بيع ياراجل 1975
إحنا النهاردة 2012
ربنا يكرمك ويرزقك من فضله
بييييييييييييييييييع
متشكر جدا لكل اللي اهتموا و نصحوني
طب معلش ممكن اعرف اطلب فيها كام?
من 8 إلى 10 حسب حالتها.
ممكن تجيب اكتر من 10 ...
بيع
نصبحه ... شدها وظبتها وربنا يبارك لك فيها ... الجديد منظر على الفاضي ومصاريفه رهيبه .. قطع غيار نار واي خدش سمكرته نار وصيانه مكلفه وقرف .. حمارتك العارجه تغنيك عن سؤال اللئيم ... طالما بتقضي الغرض يبقى خليها .. شوارع مصر وسلوكيات شعبنا لاتشجع على اقتناء سيارة جديده ... كفاية المطبات والسواقين الهمج بتوع الميكروباصات والتكتك والعربجية ... صدقني هتندم لو بعتها ...