القصة دى كانت فى عربيتى القديمة للاسف
عرض للطباعة
السلام عليكم
في تجربه مش مكلفه أوي هي أنك تغير طلمبة البنزين بواحده تانيه لأن شكل الطلمبه اللي عندك بتموت
أشتري طلمبة بنزين غاطسه جوا التنك (ماركة بوش مش الأصلي في حدود 80 جنيه محلات قطع الغيار بيسموها طلمبة بنزين لانوس أو نوبيرا)
وأطلع على أي كهربائي غيرها هناك مش هتكمل 15 دقيقة في الفك والتركيب وإن شاء الله المشكله تنتهي وساعتها حابب تخلي الطلمبه دي ماشي مش عاجباك وعايز تجيب الأصليه براحتك بس هي مضمونه بنسبه كبير إن شاء الله
السلام عليكم
سبحان الله............. وكأن الموضوع اللي كنت بنصحك بيه علشان النصيحه تكمل المشكله ذاتها حصلت معايا:36_1_1[1]:
المهم أنا أصلا موسوس كنت شاري الموتور من قبل كدا وماشي بيها حاولت أغيره بنفسي لكن البيه اللي مصمم التنك مصممه على أساس ان الطلمبه هتدخل مش هتخرج تاني المهم روحت لحد فكها وغيرنا الموتور والمشكله أنتهت والحمد لله ................ وعلى فكره الطلمبه الجديدة كامله بـــ 600 جنيه مش ماليزي مجهولة الهويه
انا عندى نفس المشكلة دى بالظبط وحصل معايا قبل كدا وكان يوم عالمى وكان حلها انى غيرت الفيوز a15
الى موجود أدام الكرسى الى جمب السائق وأتحلت المشكلة ولكن بعد شهرين تكررت تانى انا بردو مش فاهم فى أيه وواضح انها مشكله مهمه جدا ومتكررة فبرجاء من أخوانا ان يفيدونا بتجرتهم فى تغير طرمبة البنزين
السلام عليكم
الموضوع كله معتمد على أن تهيئة ظروف المشكله علشان تظهر بوضوح
1- تانك البنزين يكون فيه أقل من النص أو الربع
2- ظروف الجو يكون حر أو دافئ
3- إستهلاك سريع للوقود بجري
كل العوامل دي توضح حالة الطلمبه
لو بدأت تضعف في عزمها هتبدأ تقطع ضخ البنزين لحين أن تبرد ثم تعمل مره أخرى إلى أن تنقطع تماما عن العمل
الحل لو ظهرت المشكله دي أول مره
أتأكد من الفيوز الخاص بــ Fuel Pump في العلبة الرئيسيه للفيوزات شمال الموتور (ممكن يقطع وممكن ما يقطعش لو قطع يبقى الطلمبه أنتهت تماما وعملة قصر في الدايره..... لو ما قطعش يكفيك ابأنك تعدي على أقرب بنزينه وتملئ التانك تماما وتحافظ على الوضع دا لغاية ما تغيرها في أقرب وقت)
مشكلة الموتور اللي ممكن نشتريه ونخليه معانا
فكل الطلمبه ككل من التانك السهل الممتنع (الوصول ليها سهل جدا تحت الكنبة الخلفيه بمفك صليبه هتتفك المسامير.......فصل الخراطيم والسوكت سهل جدا إنما تطلعها من التانك هو الممنوع لسوء تصميم في فتحة التانك مع جسم الطلمبه موديلات 2006/2007/2008) لازم يكون معاك حد يساعدك بمفك تاني علشان ينضغط عليها لغاية ماتطلع.......
وبعد إخراجها هتفك الوش من باقي الجسم هتلاقي نقطتين الباور (ترملتين) في الموتور من فوق هتخلاعهم وبعدها هتطلع الموتور من قاعدة الطلمبه هيكون فيه فلتر من عند سحب البنزين من أسفل هيتفك
وبكدا بقى الموتور سبب المشكله حر لكن موصول بخرطوم توصيل البنزين من الموتور للجزء العلوي من الطلمبه محتاج شوية قوه ومسايسه في فكه ............
وبعدا هتجيب الموتور الجديد تركبه مكان القديم وأرجع الخطوات بالعكس مع التأكد من توصيل نقاط الباور كما كانت (الــ + في + و الــ - في -) لتفادي دوران الطلمبه بشكل عكسي خاطئ
للأسف مصورتش الموضوع لأن الموقف كان سئ جداااااا
وشكرا
أتمنى الإفاده............ الموقف دا بايخ أوي خاصة اليومين دول أو في سفر
احلي سلام علي كل شباب بروتون
انا لسه مشتري الساجا اوتوماتك مكملتش بيها الف كيلو انا مش بركبها غير مرة واحده في الاسبوع
من اسبوعين جيت ادورها لاقيت البطارية نايمة وبتعمل صوت تكتكة كده روحت اشتريت الكابلات و دورتها ومشيت بيها مشوار و رحت لبتاع البطاريات يكشف عليها بجهاز كده قالي البطارية و الدنامو زي الفل مفيش مشكلة و نصحني اني لو هركنها بالاسبوع افك كابل من البطارية او ادورها كل يومين وكمان قالي ان نوع البطارية مش حلو اوي بس هل لدرجة انها لو قعدت اسبوع تنام؟؟؟ ياريت حد ينصحني اعمل ايه لانها الاسبوع ده برضه عملت نفس الحركةو انا اسف للاطاله