human12 اصبح الان human و حفله على ديك مندى

**human** · 13-02-2012 11:26 AM

-----------قصه حقيقيه----------

وديت الشنطه ماليانه فلوس خضرا استاتك لعضو مرموق من المنتدى عشان اغير اسمى من human12 لهيومان بس من غير خد و هات

المهم مكانش راضى و قعد يقولى الاداره و مجلس الادارة و مجلس العسكرى و كل الكلام ده

و بما اننا فى موسم الهجوم على الاداره و ده عامل زى دورة تزاوج ذبابه الفاكهه يحصل كل سنتين مع اكتمال القمر و الديب يقول عاو و القهوة تفور فالباب يرزع تقوم تفتح ماتلاقيش حد

و بعد مداولات و تدخل عناصر من المخابرات الفارسيه اللى نزلت فى النيل قاللى هاتلى ديك حلبى مندى و يكون لسه مابضش و كمان رجله اليمين فيها مونيكير احمر و الشمال فيها وشمه على شكل فراوله

رحت ندهت الشيخ اللى بيطلع فى التلفزيون و ده المصنف الاول على العالم فى الارواح .. قولتله يجيبلى روح سليمان الحلبى و سألته انت عندك ديك حلبى يا حلبى .. قالى كلام ماقدرش اقوله عشان المنتدى بس غالبا كلمه ديك ماعجبتوش

المهم بلاد تشيلنى و بلاد تحطنى لغاية مالاقيت الديك الحلبى مستخبى فى العشه الى فوق السطوح
قلتله انت الديك الحلبى قالى لأ مش انا ... قولتله الانكار مش هينفعك ووديته النيابه عملتله فيش و تشبيه طلع عليه حكم عشان بيدن بره المواعيد الرسميه
عملتله استشكال و كشف عرف و اثبت انه لسه كتكوت فماعلوش حرج

المهم
ديه الصوره

و ده قبل ما يتالك

اتفضلوا معايا

**No Comment** · 13-02-2012 11:37 AM

بس الديك ده رجله اليمين مفيهاش مونيكير احمر والشمال معليهاش وشم التاتو الفراولة ... انت يا بتهرج يا بتغش .
لو بتهرج يبقى بتمزح ... ولو بتغش .. من غشنا فليس منا .

**SHNORY** · 13-02-2012 11:40 AM

شيلت ال12 بديك حلبي مممممممممم
واضح ان التسعيره قلت اليومين دول
انا غيرت اسمي قبل كده من حروف سمول لكابيتال بتشيكن شنغهاي وورك رومي

**human** · 13-02-2012 11:56 AM

المشاركة الأصلية كتبت بواسطة dojuar

مبروك يا هندسة

بس على فكرة لما يبقى ديك بالمواصفات ديه و مونكير أحمر و تاتوه فراولة...ميبقاش ديك أصلا

انت ليك اكل ولا بحلقه؟؟؟

و بعدين ده ديك حلبى يعنى جاى من سوريا انت متخيل هيجيلك عامل ازاى

المشاركة الأصلية كتبت بواسطة shnory

شيلت ال12 بديك حلبي مممممممممم
واضح ان التسعيره قلت اليومين دول
انا غيرت اسمي قبل كده من حروف سمول لكابيتال بتشيكن شنغهاي وورك رومي

يا شنورى انت مش واخد بالك من الشنطه اللى ماليانه اساتك خضرا
انت ليك نسبه ؟

**Dojuar** · 13-02-2012 12:01 PM

المشاركة الأصلية كتبت بواسطة human

انت ليك اكل ولا بحلقه؟؟؟

و بعدين ده ديك حلبى يعنى جاى من سوريا انت متخيل هيجيلك عامل ازاى

لا من حيث سوريا يبقى أبحلق

طب مش كنت تصبر يمكن تلاقي ديك بيروتي أو اسطنبولي..

**kh_talaat** · 13-02-2012 12:31 PM

مبروك عليك الاسم الجديد يا طارق بك ...

ومن غير ما نتصل بكرومبوا أكيد كلنا عارفين مين المشرف اللي همه على بطنه دايما وعامل مش واخد باله وداخل يعلق على الموضوع .... ههههههههههههههه

**human** · 13-02-2012 12:37 PM

المشاركة الأصلية كتبت بواسطة kh_talaat

مبروك عليك الاسم الجديد يا طارق بك ...

ومن غير ما نتصل بكرومبوا أكيد كلنا عارفين مين المشرف اللي همه على بطنه دايما وعامل مش واخد باله وداخل يعلق على الموضوع .... ههههههههههههههه

هو شنورى مشرف؟؟؟

شنورى على فكره مالوش دعوه و هيدوله العرف ياكله و عدد اتنين ريشه

مش هقدر اقول مين لغاية ما يفصح عن نفسه

و بعدين ديه رشوه يعنى لازم تبقى فى النور

**Khaled Online** · 13-02-2012 12:46 PM

مبروك الاسم الجديد يا باشا
سؤال لولبي: ازاي أغير الـ user name من غير ما أحتاج أعمل account جديد؟

-

-

الموضوع: human12 اصبح الان human و حفله على ديك مندى

LinkBack

أدوات الموضوع

عرض

human12 اصبح الان human و حفله على ديك مندى - انشر الموضوع فى :

-

-

-

-

-

-

-

المواضيع المتشابهه

اصبح عندى الان سانديرو...رحلة الحيره و الاستقرار

صور جديده و اصبح عندى الان صفحه على الفيسبوك

في حد جاله دعوه لحضور حفله كيا

مهزله حفله تامر بيه حسنى !!!

الكلمات الدلالية لهذا الموضوع

المفضلات

المفضلات

ضوابط المشاركة