اقتباس:
المشاركة الأصلية كتبت بواسطة safatefo
1- الماستر ضعيف لابد من تغيرة بماستر اقوى مقاس 22 مثلا
التغيير من ماستر 20 الى 22 هيفرق معاك فى سرعة استجابة الفرامل بالنسبة للدوسة على بدال الفرامل لكن قوة الفرملة مش هتتغير
اقتباس:
2- الطنابير الامامية والخلفية صغيرة بالنسبة لقوة السيارة وعلاجها طنابير وجنوط وتيل اكبر مقاس 14 مثلا
الاساس فى تقوية الفرامل هو الطنابير اللى قطرها اكبر لان ذراع العزم اللى بتاثر بيه الفرامل على حركة العربية بيبقى اكبر بالتالى فاعلية الفرامل بتزيد... دا غير ان الطنبورة الاكبر بتقدر تستوعب قدر اكبر من حرارة الفرامل و مبتسخنش بسهولة بالتالى الفرامل بتحافظ على كفائتها مع الاستعمال العنيف
اقتباس:
3- الطنابير الخلفية فراملها (قباقيب) علاجها تكبيرها وفرامل سكينة
الموضوع دة مش هيفرق فى قوة الفرامل خالص انما هيفرق فى الحاجة لرجلاش الفرامل الخلفية بشكل دورى لتعويض تاكل التيل اللى بيزود مشوار الدواسة بشكل متكرر... مع الفرامل السكينة مش هتحتاج رجلاش ابدا
اقتباس:
لحد دلوقتى جميل اوى واستفهامى معلش على قد دماغى
OK
اقتباس:
1- طنابير معظم السيارات جنوط 13 زى لانوس (بس فراملها احسن)
هل كلهم نفس قطر الطنبورة؟
هل كلهم نفس وزن اللانوس؟
هل كلهم فيهم مكنة 86 حصان؟
هل كلهم فيهم ماستر قطرة 20 مللى؟
هل كلهم فيهم سيرفو نفس حجم اللانوس؟
اقتباس:
2- التيل الخلفى فى معظم السيارات (قباقيب) زى لانوس (بس فراملها احسن)
زى ما شرحت دة بيفرق فى الحاجة الى الرجلاش مش القوة... اساسا الفرامل الخلفية بتعمل مابين %30 الى 35% من شغل الفرملة... الشغل الاكبر بتعملة الفرامل الامامية
اقتباس:
3- امثلة للسيارات شاهين - فيرنا - افيو - دة غير السيارات الاقدم من كدة 131 - 132 -
انا مجربتش الشاهين فا مقدرش احكم... ارجع للاسئلة اللى فى النقطة رقم واحد
الفرنا فراملها اسواء من اللانوس و عن تجربة... ممكن الدواسة بتستجيب احسن لكن الفرامل نفسها ضعيفة و مبتسعفش لو على سرعة
الافيو نفس قصة الفرنا... و للعلم الافيو طنابيرها هى هى طنابير اللانوس و التيل تقريبا نفس الحجم
ال131 استجابتها حلوة اوى لكن برضة على سرعات معرفش ايه النظام
ال132 مجربتهاش
اقتباس:
ياجماعة عاوز افهم النقطة دية لما عربيتنا زى كل العربيات اللى فى الشارع ونفس الجنوط ونفس الاوبشن بتاع الفرامل ونظامها واحد بس هما فراملهم احسن
حد من الاساتذة محترفى سيارات الانوس يفهمهلنا دية باستفاضة لو تكرمتوا
افصل بين استجابة الدواسة و قوة الفرملة...
استجابة الدواسة يعنى لما تشعر دواسة الفرامل تلاقى العربية بتفرمل... دة بيتحسن مع تكبير الماستر الى 22 و مش هو دة الفيصل خالص فى قوة الفرملة
قوة الفرملة يعنى لما تبقى ماشى 160 و معاك فى العربية 4 انفار و تدوس فرامل عشان تنزل الى سرعة 40 للمرة الخامسة على التوالى العربية تفرمل فعلا و سرعتها تقل بدون ما مسافة الفرملة تزيد بشكل كبير... لو جربت القصة دى فى عربية لانوس عادية او فرنا او افيو العربية مش هتهدى اساسا و الموضوع هينتهى نهاية مش لطيفة
MMamdouh