الموضوع: skoda fav&fel

المشاركة الأصلية كتبت بواسطة benmatar

السلام عليكم
فعلا رمضان ده اتعاملت معاه قبل كده، ربنا يهديه ويصلح له حاله.
لو حضرتك كملت شوية في شارع الرور هتلاقي الحسن بتاع قطع غيار سكودا، بعديه بشويه حارة شمال فيها ميكانيكي اسمه عادل وأخوه أيمن، بصراحة بتعامل معاه من سنة، كويس جدا، وراجل أمين وفاهم، والحمد لله مريحني في شغله وأسعاره وبينجز، ورقمه 0105126123. توكل على الله واعمل له زيارة.

الف الف شكر يا باشا على الرد هو فعلا ناس كتير اليومين اللى فاتو قالولى على ايمن وعادل دول بس بصراحه انا خايف اجرب لان الموضوع عندى ممكن يدخل فى نص عمره كده ومفيش مجال للتجربه ان يطلع وحش ده فتح موتور يعنى انا اسف انت ملكش ذنب بس والله رمضان وامثاله تعبونى اوى وعايز اعمل الموضوع ده بقالى شهرين ومش لاقى حد كويس اثق فيه والعربيه حالتها بتسوء
انت رأيك اتوكل على الله واروح لايمن وعادل دول؟ واسف جدا للاطاله

المشاركة الأصلية كتبت بواسطة a_wa2l

السلام عليكم
انا عندى فيليشيا 96 عاملة 132000كم .سافرت بيها لغاية البلد وهناك قامت عطلت وبرجلت جامد جدا , جبت ميكانيكى بص عيها ولقى ان فى بوجيهين مش فيهم كهربا فقمت مكلم عم سيد اسكودا الميكانيكى بتاعها وقالى غير وش الاسبيراتير ,غيرته ,
العربية بتبقى طبيعية اول ما ادور وزى الفل واول مادوس على البنزين علشان العربية توطى تقوم مبطلة واجرب اعليها تانى تبقى مبرجلة مهما ادوس بنزين واسخنها اول ماشيل رجلى من على البنزين تبطل ,
عليت العربية من مسمار الكربيراتير اللى جمب سلك الاكسبراتير بتبقى عالية بس مبرجلة وبتبطل لوحدها ,
غيرت البوجيهات برضو مفيش فايدة

وبعد كذا مرة تدوير بترفض انها تدور اصلا لغاية اما ارجعلها تانى يوم ,

المشكلة انها فى البلد ومصاريف نقلها للقاهرة 700جنيه
والحل التانى عم سيد قالى هات اسبيراتير وبوبينة عادة بتوع بيجو 504 استيراد ب250 جنيه يمشوك لغاية القاهرة وده حل برضو مش كويس

فمش عارف اعمل ايه

شوف ميكانيكي ثاني الأول يشوف فيها ايه .لو كان العيب اسبراتير دور علي بتاعها عندك .لو ما لقيتهوش شوف بتاع البيجو و شوف الميكانيكي ها ياخذه منك ولا ايه لما ترجع . لو ما رضيش هاته و امرك إلي الله (قضا اخف من قضا) والله أعلم جايز يكون احلي من بتاعها .و ربنا ييسر لك امورك