ياترى أعرف إزاى أن العربية موتورها أقل من 60% وبيقول بودعك
من كام يوم كدا واحد المفروض انه صاحب مكان صيانة سيارات، بصلى على الموتور بالصدفة، وقالى فى الأول موتورك ما شاء الله 80% قولت عنب وجلاش، وذلك مع العلم ان العربية عاملة 156 ألف، المهم.. شوية وجابلى الصنايعى عنده، وبص قاله دا يادوب 60% وبيجيب زيت من عند خرطوم الفايظ اللى عند البوابة وقام فاكك خرطوم العمة من على البوابة وبص وقعد يلحوس بصباعه وقال إيه فيه تسريب زيت.
المهم قام رازعنى سؤال لولبى حلزونى دائرى، هى العربية بتاكل زيت؟؟؟ قولتله من ساعة محطيت اخر مرة الزيت الـ 10 آلا اللى انت شايفه دا، وهو زى مهو ومنقصش تعريفه..
طيب بتاكل بنزين معاك؟؟؟ قولتله ولا بتاكل ولا بتشرب..
قومت قايله طيب يا بشمهندس هو حل الموضوع دا ايه؟ قالى عمرة موتور... قولتله الله يباركلك...
عاوز بقى أتأكد من كلام الفتاى دا صح ولا غلط؟؟؟
ياريت أعرف رأيكم إيه يا شباب الدايو فى الكلام المعملى الفذ دا... وشكراً