الموضوع: جناح الشركة العريقة " فيات " فى معرض اوتوماك "

تغطيه حلوه جدا يا مهاب باشا بس يا خساره كان ناقص البونتو يا راجل هيا دي تتنسي :mrgreen:
عموما انا متفائل لمستقبل فيات في مصر رغم كل الظروف دي يعني اعتقد ان شركه فيات بعد ما تخلص من مشاكلها اللي تعتبر في طريقها للحل حتبدأ تفكر من جديد و اكيد حتفكر في مصر اللي كانت لحد وقت قريب تلت عربيات مصر كانت فيات!!! و حيحصل حاجه من الاتنين يا اما حيسحبو الوكاله من شركه اوماترا و ياخد الوكاله توكيل محترم يا اما حيجبرو الوكيل يغير سياساته التسويقيه بسبب المبيعات المنخفضه و لذلك انا اتعشم ان اسم فيات يرجع تاني ينافس علشان فعلا شركه فيات تستاهل و عربياتها رغم اي خلاف عليها عايشه لحد انهارده بقالها اكتر من 50 سنه و لسه بتحارب في الشوارع . محدش ينسي ال 1100 ولا ال 1300 اللي لسه موجود منها لحد انهارده و ال 128 و ال124 و ال125 اللي شافو ايام عز في مصر و ال131 حبيبه الناس و اللي لحد انهارده ماسكه اسعار خرافيه و لا الجميله ال 132 اللي لما نزلت كانت اسطوره في عصرها و ركبها معظم الفنانين و الشخصيات المرموقه و كانت لحد 15 سنه فاتو اللي راكب 132 2000 كانه راكب اوكتافيا مثلا دلوقتي بصراحه ايام فيات في مصر كانت ايام جميله و اكيد الشركه مش حتضيع سمعه في بلد زي مصر علشان خاطر وكيل مش فاهم .
معلش يمكن كلامي مالوش علاقه بالموضوع اوي بس لقيت نفسي بطلع اللي جوايا :mrgreen: و الف شكر يا باشا علي الموضوع و علي فكره انا عامل موضوع عن البرافو في منتدي فيات ابقي اطلع عليه و قولي رايك

سأوافقك -جدلا-على ان حكاية ال 77 حصان دى علشان البيئة( طبعا انت عارف قد إيه مصر متشددة فى مجال البيئة وكل العربيات اللى بتدخل مصر لازم تكون صديقة للبيئة وكل السيارات التى تعمل فى مصر منذ 70 سنة فأقل لابد ان تكون صديقة للبيئة)

لكن يا سيدى الفاضل لما تحاول تبيعلى عربية تركى بمحرك 77 حصان بمبلغ 115 الف جنيه، يعنى تقريبا بنفس سعر الميجان-التركى ايضا- التى يجرها قطيع لا آخر له من الاحصنة، وتتفوق بسعرها على سعر السيارات اليابانية ذات ال120 حصان، وطبعا سعرها بعيد جدا عن سعر السيارات الكورى (التى تعتبر مماثلة فى جودتها للتركى) ذات ال120 حصان، مع العلم ان هذة السيارة لا تزال تبحث لها عن حصة فى السوق عن طريق إزاحة سيارات اقوى واوسع واكفأ وذات سمعة معروفة فى السوق وبنفس سعرها، ما هكذا يتقتطع المرء حصة من أى سوق

منور يا بشمهندس سبعاوى 8)

:D طبعا لو حنتكلم عن البيئة فمصر .. هية رقم واحد فى تطبيق قوانين حماية البيئة "" بس البيئة بتوعنا "" :mrgreen:

انا معاك طبعا يا بشمهندس سبعاوى .. ان فكرة المحافظة على البيئة غيرواردة عندنا ... بس انا بتكلم على سياسة شركة فيات الام فى ايطاليا ... لان دلوقتى الاتحاد الاروبى مشدد جدا على الانبعاثات الضارة للبيئة حتى ان فى اوروبا بيحددو ترخيص وضرائب السيارة على حسب ابعاثات ثانى اكسيد الكربون مش بالسىسى او الاوبشن ... ف شركة فيات دلوقتى متجهة لتصنيع سيارات بمحركات صغير اقتصادية .. والنسخ الرياضية بيضيقولها تيربو ... علاشان يقلل لاقصى حد الانبعاثات الضارة بالبيئة
-------------------------

الحاجة التانية بقى بالنسبة للسعر .. حضرتك اللينيا سعرها بيبدأ من 95 الف جنية .... انا شايف ان سعرها حلو بأمانة ومش وحش خالص لان لو حتقارن فيات فحتقارنها بالتويوتا واللانسر والصنى .. وفى الاوروبى حتتقارن بالميجان والفوكاس ... طبعا هية اللينيا اقل من الميجان والفوكاس فى الكمليات .. وفى الموتور بس بردة لقل فى السعر .. فية نازلة فى مقارنة فى السيارات اليابانية .. بس بأمانة سعرها كويس بالنسبة لفئتها "" 95 الف جنية "

--------------------------------------------------------------------

لما تنزل عربية هاتشباك بمحرك 77 حصان بسعر سيارات سيدان يابانية وكورية ذات 120 حصان ولها سمعة عالية فى السوق وتحلم بالحصول على حصة من السوق، ما هكذا يكون التسويق
تقريبا حضرتك بتتكلم عن الجراند بونتو ... لان البونتو هية ال 77 حصان ..

حضرتك الجراند بونتو تمنها دلوقتى 89 الف جنية .. مع الاخذ فى الاعتبار انها ايطالية 100 % وانها رقم واحد فى المبيعات فى ايطاليا ..وعليها طلب ماهول فى اوروبا . دة غير ان ماينفعش نقارن الجراند بونتو .. بعربية سيدان يبانى مثلا ولا حتى كورى حتى لو 150 حصان ... دية فئة ودية فئة تانية ..... مع اختلاف الصناعة
لو حنقارن الجراند بونتو بمثيلاتها من نفس الفئة فحنقارنها بالموديلات التالية : البولو ب 100 الف جنية , ستروين سى 3 ب 85 الف جنية , اسكودا فابيا ب 90 الف جنية , سزوكى سويفت ب 105 الف جنية , سيات ابيزا ب 93 الف جنية ....

الارقام دية تعنى حاجة واحدة ان الجراند بونتو سعرها ممتاز جدا لان كل الموديلات الى ذكرتها قديمة .. انما البونتو حديثة ومطورة وشكلها عصرى عن كل الموديلات الى ذكرتها قبل كدة "" الجراند بونتو ب 89 الف جنية ""

------------------------------------------------------------------------

يا راجل إذا كان السوق لم يتقبل السيينا بنفس سعر منافساتها الكوريات من ذات الفئة، فهل تتوقع انه هايقبل البونتو واللينيا والبرافو بهذة الأسعار الخيالية التى تزيد بشدة عن اسعار سيارات افخم واقوى من ماركات عالمية اخرى؟

ماهى الجراند بونتو موجودة فى مصر من اول السنة ساعة سوق الأهرام بنفس السعر، اين هى فى الشارع؟ الم يستنتج احد ان فيات بهذة الأسعار لن تباع فى بلدنا؟

السيينا ... القديمة ماتباعتش لان تقفيلها كان سئ جدا .. وموديل قديم بالنسبة للانوس والفيرنا فنوعا ما مانتشرتش .

انما بالنسبة للبرافو هية بتنافش الفوكس هاتش باك وال 307 والستروين سى فور و الميجان هاتش باك و الجولف .... البرافو ب 135 الف جنية .... اعتقد سعر ممتاز على التقفيل الايطالى والشكل الرهيب والكماليت الماهولة الى فيها ...

والجراند بونتو .. نزلو فى سعرها 10 الاف جنية ... وبقت ب 89 الف جنية " انا متأكد انها بتتباع بالخسارة " لانها بتتباع برة غالية .

والبونتو " مش الجراند " بتتباع بسعر وهمىىىىىىىىى ب 71 الف جنية ... بجد دية لازم تكتسح السوق ... دية ارخص من الجيتز واحسن مليون مرة :!:

------------
عماتا الف شكر يا بشمهندس سبعاوى على مداخلتك الجميلة ... وانا بتمنى معاك اننا نشوف موديلات فيات كتير فى مصر انشاء اللة .

----------------------------------------------------------
----------------------------------------------------------

اولا شكرا بجد على المجهود و الصور الرائعة
لكني اوافق 100 بالمائة مع الأستاذ سبعاوي

السيارات في منتهى الجمال شكلا خارجبا و داخليا
انما اسعارها في منتهى الاستهبال و الاستهتار

انا اتكلمت على موضوع الاسعار دية فى مداخلى بشمهندس سبعاوى .. والاسعار مش مبالغ فيها ولا حاجة

يا جماعة الفيات "" ايطالىىىىىىىىى "" والصناعة الاوروبية مكلفة وغالية .. والايدى العاملة الاوروبية .. هية الاغلى فى العالم .

احنا بس الى واخدين على ان الفيات فانوسة ب 12 جنية ونجيبلة باغة .. مصرى ب 8 جنية ...

بالتأكيد البرافو .. ماتتقارنش بالريتمو..... واللينيا ماتتقارنش بالريجاتا ... والبونتو مش 128 ... لما نيجى نقارن الفيات نقارنة .... بالستروين , الرينو , الفولكس , السيات ..... وحنلاقى ان الاسعار لو مش فى نفس الفئة السعرية حتبقى ارخص

الفيات برافو ب 135 والسيات التيا " الاسبانى " ب 155 الف جنية ......يعنى فرق 20 الف جنية والبرافو موديل احدث :mrgreen:


------------------------------------

اللبرافو بتنافس الجولف و البيجو و الأسترا الجديدة

ارخص من الجولف و الأسترا ولكنها اضعف موتوريا
في تمن البيجو 307 و لكنها أضعف موتوريا برده

لو نزلو المواتير التربو بنفس السعر حتعمل ضجة فعلا

ومرة اخرى ضربة للعملاء الي اشتروا الجراند بونتو ... سيارة افخم و اكبر بنفس السعر تقريبا !

يا راجل دنتا بنفسك عارف موتور الباليو بتاعتي 1242 سيسي 83 حصاااان



لازم اكون صريح برده يا استاذ سبعاوي
اللينيا على الأقل شكلا افضل بكثير من كل منافستها الي معظمهم موديلات قديمة
و بدون بعض تقنيات الأمان و كماليات أخرى

انا متفق معاك فى كل كلامك وحعلق على مقطة واحدة مودوع ان موتور الباليو 82 حصان و الجراند بونتو ..

حضرتك فى باليو 55 حصان ... ساعتها حنقول ان البيكانتو اقوة منها 60 حصان صح بس بالتأكيد الباليو احسن من البيكانتو بكتير ..... دة نفس المقارنة الى حضرتك قولتها .... الباليو فاير .. 82 حصان ... والجراند بونتو نازلة مصر بأضعف موتور فيات الى هو 77 حصان ...... طيب ما فى جراند بونتو ديزل 120 حصان وفى نسخة جراند بونتو ابراث 200 حصان .... بس هما منزلين فى مصر ال 77 حصان علاشان يكون سعرها مناسب لباقى الموديلات الى فى فئتها

... حعلق على جزئية اللينيا " بجد عربية تحفة صالون شيك جدا جدا جدا وشكل جميل جدا .. وموتور 1400 77 حصان ... مش للامركة والفرك .... لاستخدام هادى ... بس لو حبيت تجرى بيها ... انا متأكد ان اقصى سرعة ليها مش حتقل عن 180 او 190 كيلو 8)

وشكرا لحضرتك يا استاذ CryptonX ... بجد انا بحب مشاركات حضرتك .. وبحب اتحاور معاك ... بالمنطق

-------------------------------------------------------------------

تغطيه حلوه جدا يا مهاب باشا بس يا خساره كان ناقص البونتو يا راجل هيا دي تتنسي
عموما انا متفائل لمستقبل فيات في مصر رغم كل الظروف دي يعني اعتقد ان شركه فيات بعد ما تخلص من مشاكلها اللي تعتبر في طريقها للحل حتبدأ تفكر من جديد و اكيد حتفكر في مصر اللي كانت لحد وقت قريب تلت عربيات مصر كانت فيات!!! و حيحصل حاجه من الاتنين يا اما حيسحبو الوكاله من شركه اوماترا و ياخد الوكاله توكيل محترم يا اما حيجبرو الوكيل يغير سياساته التسويقيه بسبب المبيعات المنخفضه و لذلك انا اتعشم ان اسم فيات يرجع تاني ينافس علشان فعلا شركه فيات تستاهل و عربياتها رغم اي خلاف عليها عايشه لحد انهارده بقالها اكتر من 50 سنه و لسه بتحارب في الشوارع . محدش ينسي ال 1100 ولا ال 1300 اللي لسه موجود منها لحد انهارده و ال 128 و ال124 و ال125 اللي شافو ايام عز في مصر و ال131 حبيبه الناس و اللي لحد انهارده ماسكه اسعار خرافيه و لا الجميله ال 132 اللي لما نزلت كانت اسطوره في عصرها و ركبها معظم الفنانين و الشخصيات المرموقه و كانت لحد 15 سنه فاتو اللي راكب 132 2000 كانه راكب اوكتافيا مثلا دلوقتي بصراحه ايام فيات في مصر كانت ايام جميله و اكيد الشركه مش حتضيع سمعه في بلد زي مصر علشان خاطر وكيل مش فاهم .

:D حازم باشا منور واللة " الموضوع مش بيحلى الى لما تشارك فية ... المفروض ناخد انا وانتا لقب كبير مناصرى الفيات ... هههههههههههههههههه تقريبا احنا بس الى متحيزين للفيات :mrgreen:

معلش يمكن كلامي مالوش علاقه بالموضوع اوي بس لقيت نفسي بطلع اللي جوايا و الف شكر يا باشا علي الموضوع و علي فكره انا عامل موضوع عن البرافو في منتدي فيات ابقي اطلع عليه و قولي رايك

يا استاذ حازم قول الى انتا عاوزة .... وطلع الى جواك .... انا عملت كدة لما كنت بتكلم عن البرافو .. ووصفت شعورى بالظبط .

و اكيد طبعا يا باشا ... حشوف موضوعك اول ما اعمل البوست ..

------------------------------------------------------------------

فعلا الاسعار مغالى فيها جامد
والمعروف عن فيات فى مصر انها عربيات رخيصة وموفره وحمارة شغل
التوكير افقد الفيات كل الميزات الى احنا متعودين عليها

:mrgreen: للاسف هية دية نظرة الناس للفيات .. ودة الغلط .. فيات = بيجو = فولكس = ستروين ..
فيات ماتتقارنش لا بالصينى ولا بالكورى .. 8)

شكرا يا باشا على مداخلتك .. الاختلاف فى الرأى لا يفسد للود قضية

--------------------------------------------------------

شكرا على التغطية يا اخ مهاب

العفو يا باشا ..




-----------------------------------------------------

طبعا انا طولت وكترت فى الكلام بس اسف على الاطالة ..

انا عاوز اقول حاجة اخيرة بس انا واللة مش متحيز لفيات لمجرد التحيز وخلاص ... بس بجد انا منبهر بمعظم موديلات فيات الجديدة .. والقديمة بحبها من زمان ... وحاسس ان فيات حترجع تانى زى زمان ايام السبعينات .. ايام مكانت بتعمل احسن عربيات فى اوروبا كلها وكانت بتنافس الميرسيدس والبى ام .... مش حقول بيجو وستروين .
بس احنا نطلع من دماغنا فكرة ان الفيات رخيييييييييص ... الفيات ايطالى اوروبى .. يعنى ايدى عاملة مكلفة .

يا مهاب باشا انا اشكرك و فعلا كان بتقال زمان اجيب فيات ولا بيجو و في اوربا و الله دي قريتها في مجله قديمه عند واحد قريبي من سنه 79 كان واحد بيبعت و محتار يختار بين الالفاروميو جوليتتا و البي ام الفئه التالته و ال 132 ال 2000 باعتبار انهم نفس الكفاءه و نفس السعر تقريبا!!!!
اللي حصل لفيات ايه انها بدات تبيع عربياتها باسعار رخيصه في الاول ف اللي ركبوها كانو متوسطين مش قادرين يصرفوا علي العربيه ف بالتالي بيسترخصو في كل حاجه لحد ما العربيات هلكت و مشاكلها كترت و ابسط مثل علي كده انك ممكن تلاقي 131 مثلا متبطه جامد و تحس انها فابريكه علشان مع واحد بيصرف و عربيه تانيه كلها مشاكل و تخاف تمشي بيها 20 كم علي بعض علي ما بيتصرفش عليها انما المرسيدس مثلا اللي بيجبها تلاقيه بيصرف جامد و معاه فلوس اكتر ف معم المرسيدس موديلات سبعينات تبص ليها انهارده تلاقيها لسه صاحيه و دا بسبب ايه؟؟بسبب ان صاحبها بيصرف عليها .
الفيات زي الباشمهندس مهاب ما قال عربيه جميله جدا و تتقارن باي عربيه في فئاتها ما تجيبش مثلا 131 موديل 80 و تقارنها ب هيونداي اكسنت موديل 2000 يعني لاء هات بقي عربيه هيونداي موديل 80 و نشوف الفرق بجد او هات اي فيات موديل 2000 و انت تعرف الفرق .الفيات تحفه و انا مصر علي كلامي بس قدامها شويه في مصر علي ما تثبت كفاءه تاني و انا متفاءل
و بعدين يا مهاب باشا احنا مش متحيزين علشان بنحب فيات و بس لا علشان ماركه تستاهل مش ماركه اي كلم لمكا نتكلم علي شركه بقالها في السوق اكتر من 100 سنه و بالتحديد 108 سنه (منذ 1899) و عربياتها اوربا كلها بتعشقها و ليها اسواق في كل العالم ما يبقاش تخيز يبقي انصاف لماركه معينه .اصل اللي بيقول فيات وحشه يقدر يقول وحشه ليه؟يقولك انا كان عندي 128 موديل 72 و مدوخاني!!!! طب انت عاوز ايه من عربيه عمرها الافتراضي كان 11 سنه و انت مشغلها 35 سنه مثلا!!!!! كتر خيرها بجد