انا عايز أغير من سيفيك لفانتازيا
ممكن حد يقولى الأفضل مين؟؟؟
مع العلم انى سوقتها ولاحظت كام حاجة بس عايز أسمعها من باقى الأعضاء عشان أتأكد من صحتها
ويا ريت حد يقوللى أخبار الأسعار ايه؟
عرض للطباعة
انا عايز أغير من سيفيك لفانتازيا
ممكن حد يقولى الأفضل مين؟؟؟
مع العلم انى سوقتها ولاحظت كام حاجة بس عايز أسمعها من باقى الأعضاء عشان أتأكد من صحتها
ويا ريت حد يقوللى أخبار الأسعار ايه؟
السيفيك تسارعها أعلى وموتورها أقوى من الفانتازيا، بس الفانتزايا تحسسك بفخامة الألماني والسيفيك أوطى طبعا والعربيتين ممتازين على فكرة
الفنتازيا أبطء فى التسارع واقل فى السرعه القصوى
عفشتها ناشفه شويه
هتكسب الوسع والفخامه والاوبشنز الاكتر
رأى مش مستاهله تغير ومش هتحس بالفرق الخرافى
ألف شكر يا رجالة على الردود
أصل انا والدى عنده فانتازيا.....وبصراحة لما ركبتها فكرتنى بالميجان.....احساس جميل انك تكون فوق...وقاعد بعيد عن الأرض..........فى حاجة فى السيفك مش مريحانى........العربية ما شاء الله موتورها جبار........بس انا مش بتاع جرى أوى
بس هى قاعدة السيفك بحس ان فى حد شاددنى من رجلى
وبعدين قاعدة الفانتازيا مابتخلينيش قلقان وانا سايق.........السيفك ببقى سايقها وانا قلقان
واللى مضايقنى أكتر وأكتر.....العزل ثم العزل ثم العزل.............انا فى السيفك بحس بصوت الطريق ......الفانتازيا ولا الهوى
فا ايه رأيكم؟......حد يقوللى أعمل ايه انا دلوقتى
أبيع وأدور ولا أستنى؟؟؟؟؟؟؟؟؟؟
بالنسبة للبى ام......ال 318 هتبقى غالية على
أنا أخرى 135000 بالعافية
وربنا يستر
عموما بصفه عامه الفانتزيا اثبت من الهوندا سيفيك فى مطبات الهواء وسيبك من اللى يقول عفشة الفانتزيا ناشفه ومتعبه ومش عارف ايه الفانتزيا والالمانى عموما عفشته قويه ومتينه ولكن على المطبات بتحس بقوة التعليق ولكن مش لدرجة انه يتعب الظهر لا اطلاقا العربيات الالمانى بصفه عامه اريح من اليابانى وخصوصا على سرعات فوق 100 مش هتحس بالطريق زى اليابانى + فرامل الفانتزيا اقوى من السيفيك بفرق محسوس جدا +قوة ومتانة الفانتزيا وده بيبان فى قوة الصاج غير السيفيك اللى رفارفها بتفك وطبعا ده مش بيحصل نهائى فى الفانتزيا .
عيب الفانتزيا من وجهة نظرى : تسارع بطىء جدا مقارنة بالسيفيك على كل السرعات مش الواطيه بس عكس الشائع !!
انا رأي انك تبيع الهوندا (هتحس بقيمتها لما تبيعها و اراهنك والشكل الجديد شكله وحش وغالي)
قبل ما اشتري الهوندا في نفس اليوم سقت الفنتازيا الاوتوبتاعة الشغل لمده كبيره (اختي معاها الفانتازيا مانيوال)
اه طبعا افخم من السيفيك و امان اكتر ما فيش كلام
بس لما تتعود عليها هتفتقد الديناميكيه بتاعة السيفيك اللي بتدي احساس رائع مع تقل العربيه ومش شرط تكون من هواة الجري عشان تعرف قصدي
القرار ليك و اتمنى لك التوفيق
و بالمناسبه انا شايف السيفيك اقرب ياباني للالماني من ناحية الثبات(باستثناء السوبارو) و تتفوق في الاعتماديه
بص حضرتك هى المشكله بس زى ما انا و اكتر من حد قاللك ممكن يكون فى فرق بس هيبقى بسيط يعنى حاجه هتخسرها قصاد حاجه هتكسبها و مش هتنقل فئه تانيه اعلى و لا حاجه لكنك هتخسر فى بيع السيفيك و هتشترى عربيه مستعمله تانيه بقالها كام سنه و انت و نصيبك قدام عربيتك اللى انت حافظها علشان العزل ووضع الكرسى. مش شايف الموضوع يستاهل بصراحه و رايي تكمل بعربيتك و تحاول تشيل مبلغ تانى تزوده على اللى معاك علشان تجيب حاجه اعلى تحسسك بالفرق و تبقى موتور جامد و عزل جامد و كل اللى انت بتدور عليه بدل ما تضطر تضحى بحاجه زى السحب و قوه الموتور قدام العزل مثلا لانك شويه و هتحس انك معملتش حاجه
مش عارف بصراحة اقولك ايه
هو كده كده هتخسر اكيد فى البيعة و فيها نسبة خطر ان العربية المستعملة التانية متبقاش تمام و ان كان الكشف فى التوكيل هيبين لو فيه عيوب جوهرية
بس من مواضيعك شكلك مش مستريح نفسيا مع السيفيك خالص بعيدا عن انها عربية تحفة ، بس الموضوع فى الاخر اذواق و راحة نفسية ، و حرام بصراحة تبقى راكب حاجة مش عجباك خصوصا انها فئة مش قليلة