بالنسبة للانسر 2012 بومة 1600 أوتوماتيك أعلي فئة اللي ب 131 ألف .... هل تعتبر صفقة كويسة ولا في حاجة أحسن ؟ بس يا ريت بلاش سيراتو و النترا و الكلام ده :)
عرض للطباعة
بالنسبة للانسر 2012 بومة 1600 أوتوماتيك أعلي فئة اللي ب 131 ألف .... هل تعتبر صفقة كويسة ولا في حاجة أحسن ؟ بس يا ريت بلاش سيراتو و النترا و الكلام ده :)
طبعا هي عربية كويسة جدا، بس الأفضل لو تقدر تزود شويتين وتجب لانسر شارك 1600 أحسن طبعا بكتير
ولو بتتكلم في نفس الرينج ومش عاوز تزود ممكن تجيب نيسان تيدا أعلى فئة
بالنسبة للشارك أنا أهم حاجة بالنسبالي ABS و AirBag و تقريبا أول فئة في الشارك حاجة منهم مش موجوده اللي هي ب 140
بالنسبة للتيدا هي عربية كويسة و كل حاجة بس في حاجتين ... شكلها مش مقبول بالنسبالي خالص .. مش عارف ليه حاسس فيها حاجة غلط .. ايا كان الهاتش باك أو السيدان
تاني حاجة انها تقريبا دلوقتي تقفيل مكسيكي مش ياباني
لو مش عايز كورى , ممكن مازدا 3 اول فئه ب 130 موديل 2011 او رينو فلوونس اول فئه ب 132 الف 2012
لو مش مناسبين ليك او مش عاجبينك يبقى توكل على الله فى البومه لان مفيش بدايل تانيه احسن
اقتراح جميل فعلا وأرجحهاقتباس:
المشاركة الأصلية كتبت بواسطة hosam_optrawy
خلاص يبقى خليك في البومةاقتباس:
المشاركة الأصلية كتبت بواسطة spidermohmd1
مازدا تحفة ! لكــــــــن .... منصــــــــــــــور !!!
الفلوينس عربية جميلة جدا لكن بالنسبة لشاب شكلها كبير جدا ...
هو ان شاء الله شكلي هتوكل علي الله في البوما ... بس انهاردا شفت كيا ريو هاتش باك .. بالنسبة للهايلاين ... العربية دي عاملة ايه ؟ و ليه مش منتشرة ؟ و هل هي عربية امنه؟ و ايه أخبار قطع الغيار ؟
حد عارف حاجة عن ال فورد فيستا ؟؟؟
شكلها عربية كويسة ....
المازد غبور يا باشا مش منصور، يعني أسوأ هههههههاقتباس:
المشاركة الأصلية كتبت بواسطة spidermohmd1
شوفتها في أخبار السيارات وكانوا كاتبين قطع غيارها، نااااااااااااراقتباس:
المشاركة الأصلية كتبت بواسطة spidermohmd1
بصراحه البومه افضل من الالنترا الجديده
شكلا وتصميما وموتورا وحداثه وتكنولوجيا
ب130000 جنيه
ياباني اصلي
أسف قصدي غبور
بالنسبة للفيستا أسعار قطع غيارها عند التوكيل كالأتي :
فلتر زيت المحرك : 37
فلتر تكيف : 159
بوجيه: 22
طقم تيل أمامي : 420
طقم تيل خلفي : 425
طنبورة الفرامل الأمامية : 376
مساعد أمامي يمين : 813
مساعد أمامي شمال : 813
مقص أمامي شمال : 741
مقس أمامي يمين : 741
فانوس اشارة : 172
زجاج امامي : 1458
و بتنزل بالكماليات دي :
-موتور 1400 سي سي 125 حصان
-مثبت سرعة
-عدد 5 ايرباج
-فرامل ABS-EBD
- كمبيوتر رحلات متعدد الوظائف
-فوانيس شبورة امامية و خلفية
-عجلة قيادة متعددة الوظائف
- سبويلر رياضي
-تكيف اوتوماتيك بنظام EATC
- وصلة AUX+iPod+USB مدمجة بالسيارة
- نظام مانع السرقة ايموبيليزر
- كاوتش رياضي 50/195
- جنوظ رياضية 15
و سعرها 130 ألف جنيه
أنا حاسس انها بتقدم أفضل سعر مقابل أداء .... خصوصا بعد ما توكيل فورد أتغير... الناس بتشكر في فكري جروب
اللي يريحك، وربنا يوفقك للخير، بس انت مش واخد بالك إن سعر العربية نفسها مبالغ فيه ولا إيه رأيك ؟؟اقتباس:
المشاركة الأصلية كتبت بواسطة spidermohmd1
العربية بتتباع في المانيا نفس المواصفات ب 18300 يورو
انا شايف ان مفيش عربية في نفس الفئة السعرية بتجمع بين ال Options بتاعتها + خصائص الأمان + توكيل محترم + أسعار قطع غيار مش مبالغ فيها + تقفيل أوروبي
علي العموم بكرة أحتمال أنزل أشوفها و هيبقي القرار النهائي بعد المعاينة
الموتور ال1400 بتاع الفيستا بيخرج 95 حصان net مش 125اقتباس:
المشاركة الأصلية كتبت بواسطة spidermohmd1
البوما عربية حلوة ومافيش عليعا خلاف ومش هتخسر فيها لو حبيت تبيعها اووى
هو أنا جايب المعلومات من الأهرام السيارات 3 فبرايراقتباس:
المشاركة الأصلية كتبت بواسطة ironhead
عادى, ممكن يكون توكيل بيكدب, مش اول مره نشوفها يا باشا, مش فاكر السيفيك ام 140 حصان اللى بعد 4 سنين بقدره لا اله الا الله بقت 123 بساقتباس:
المشاركة الأصلية كتبت بواسطة spidermohmd1
الخلانى اشك فى رقم 125 ان الفوكس ال1600 حوالى 105 حصان
مفيش موتور 1400 هيطلع الرقم ده الا لو تربو
بس الفييستا حاجة تانية خالص غير اللانسر مع احترامى للانسر
ديه فئة و ديه فئة تانية خالص و ديه بتخاطب فئة معينة من الناس و ديه برضه بتخاطب فئة تانية خالص
ممكن تشوف الكورسا الهاى لاين برضه لو بتفكر فى الفئة ديه بانوراما و جنط 17 و محترمة جدا برضه
أنا من رأي هات تيدا أعلى فئة
^
عربية كويسة و كل حاجة بس شكلها مش نازلي من زور