الموضوع: تعديل العفشه كااامله

بسم الله الرحمن الرحيم

مساء الخير عليكم جميعا او صباح الخير علي حسب وقت دخولك الموضوع

انا كنت عايز اطرح استفسار لينا كلنا جميعا ياريت اهل الخبرة يردوا علياه فيه

لانه اكيد مهم وممكن يفيد اغلب الناس الي معاها عربيات قطع غيارها مش موجوده بوفرة او بسهوله او بنتعب علي ما نلاقيها او نلاقي سعرها كويس

انا معايه عربيه hyundai sonata موديل 1996 طبعا الموديل قديم ومش موجود ف مصر بكترة زي باقي موديلات هيونداي العفشه عندي انا مش مرتاح فيها حاجات كتير وبلاقيلها حاجتها بصعووووبه جدا ولو لقيت بيبقا سعرها غااااااااااالي جدا

السؤال بقا علشان مطولش اكتر من كده

ياتري ممكن الواحد يغير العفشه كاااااااااامله من عربيه ل عربيه تانيه مثلا يكون ليها نفس الشاسيه او الابعاد او يكون في عربيه تانيه مشتركه معاها في كل حاجه

ولا لازم افك عند عفشجي واعد اوفق واظبط وكده واشوف دي تبع عربيه ايه تركبلها وكده
ياتري مثلا ممكن في حالتي اركبلها عفشه النترا كامله او اكسنت كامله
ولا هيبقا في مشاكل ولا ايه
انا محتاج حد يفهمني يا جماعه او يرد علياه انا بشد العربيه شويه شويه
وفاقت والخطوة الجايه عايز اظبط العفشه لان المساعدين ف الضياع والسست بتتطلع وتنزل مفيش اي مقاومه ف الحمل ع المساعد قرب يضرب طبعا والكبالن بتطقطق وهكذا
مع العلم العربيه فيها abs نزله بيه وبيتهيقلي ان الصنايعيه البهوات لما معرفوش يصلحوا زي ما انا حاسس انه لغوة لان جربت فمرة افرمل جامل العربيه زحفت مش زي الاول عجله تمسك وتسيب وكده
ياريت ياجماعه نصيحه او رد من اهل الخبرة انا زهقت بجد ومش عارف اعملها ايه

ومش عايزين نبيعها علشان بس محدش يقولي بيع علشان ليها قيمه عاطفيه كبيرة
عربيه والدي الله يرحمه واخويا مش عايز نبيعها ف اعتبروني بعدل عربيه بظبطها يعني وكده

يعني هو معقول يكون مفيش حد عارف حاجه عن الموضوع ده او محدش يقدر يفيدني
طب فين عمالقه التعديل ف المنتدي
طب استاذ ممدوح طيب اي حد يشوف ويرد علياه الفرامل ضايعه والماستر بتاع الفرامل بايظ بقاله كتيييير والمساعدين في الضياع والكبالن كمان مش عارف اعمل ايه وكبالنها مش موجوده ومش هلاقيها ومش عايز كل ما احتاج اسافر بورسعيد اجيبهم واستيراد
ياريت ياجماعه حد يديني الاهتمام لو عنده معلومات عن الموضوع انا محتاجه ضرورررري