الموضوع: تقرير عن تنضيف الفانوس من اللون الأصفر وتعديله ل smoke

كنت بعاني الفترة اللي فاتت ان الأضائة ضعيفة وكنت رايح عشان أجيب لمبات osram night breaker plus
بس قلت قبل ما أعمل كدة انا لازم انضف الفانوس كويس جدا عشان أحس بالفرق وكنت عايز أعمل برضه الفانوس smoke
دورت شوية عالنت وعملت كام search محترم لغاية ما عرفت سر الصنعة :)
هقول بالترتيب كدة
انا نضفت الفانوس
عملت smoke
رشيت الشبكة
بس :)
تنضيف الفانوس ... خد مني حوالي ساعتين وكان مجهود كبير بس مش للدرجة بالنسبة للي حصل بعد كدة
المطلوب .... ورق صنفرة بالأرقام ده ( وأوعي تجيب أقل من كدة ) 1000 و 2000 و 2500 + ميه مستمرةةةة .... وأوعي ماتستخدمش مية + polish + wax

ورق الصنفرة ده انا دخت علي ما لقيته جبت نص فرخ من كل نوع ... وكان الفرخ ب 4 جنيه ... يبقي النص ب 2 في 3 أنواع يبقي 6 جنيه
ال polish ب 6 جنيه وال wax كان عندي أساسا وتقريبا كان ب 22 جنيه

الطريقة :
طبعا المطلوب مية مستمرة ... أتصرف بقي ( لو تعرف تجيب خرطوم وتشتغل في العربية ماشي بس حاسب من المية اللي بتنزل عالأرض لو معرفتش زيي يبقي تفك الفوانيس وتطلع عالبيت وتحت حنفية )
هتنقع ورق الصنفرة في المية لمدة ربع ساعة
تجيب ال polish ب حتة قطنة وتوزع علي الفانوس وتفضل تعمل في دواير كتييييييييييير عالفانوس علي ما الورق يتنقع
ده صورة الفانوس بتاعي قبل العملية


طبعا في الضياع
عملت ال polish وبعدين غسلت الفانوس وأبتديت صنفرق
أهم حاااااااااااااجة وانت بتصنفر ... أوعي تصنفر وورقة الصنفرة تمشي عالفانوس ومايكونش في مية بتجري عالفانوس والورقة
يعني أيدك تحت الحنفية ومكان ما بتصنفر يبقي المية نازلة عالمكان ده
ده ورقة الصنفرة ال 1000




هتفضل تصنفر بتاع نص ساعة لغاية ما تلاقي ان اللون الأصفر بقي قليل جدا ومفيش تحسن أكتر من كدة
وده النتيجة بعد الورقة ال 1000

هتشتغل بالورقة ال 2000 وتفضل علي نفس الوع لغاية ما الأصفر يقل خالص وتحس الوضع بقي في تحسن
وهكذا مع ال 2500 وفي الحالة ده هتلاقي الوضع بقي عظيم جدا بس الفانوس لمعته مش اللي هي
تقوم منشف الفانوس كويس وحاطت polish وتفضل دواير بتاع 5 دقايق وبعدين تغسل الفانوس كويس وتنشفه
وبعدين تحط ال wax .... انا عندي wax ABRO وفي ماركات كتير كويسة زي armor all و sonax
وده طبعا بالسفنجة بتاعته ... دواير لمدة 5 ل 10 دقايق وتكون طبقة ال wax خفيفة جدااااااا
وتمسح بفوطة ناشفة هتلاقي الفانوس بقي بيبرق
وهي ده النتيجة

وده جنب الفانوس التاني اللي لسة ماشتغلتش فيه

وبكدة تكون انتهت عملية التلميع ومعاك فانوس جديد بيبرق :)

هنخش علي مرحلة ال smoke
ده زي ما تقولوا كدة كنت بحتضر من اللي حصل
كان لازم أفك الفانوس من بعضه ... يعني أفك اللحام السيليكون اللي بين الباغة وجسم الفانوس
اللي هو ده


بعد ما فكيت كل المسامير اللي واصلة الباغة بالجسم ( في فانوس فيه مسمار واحد و 4 كلبسات والتاني 3 مسامير و 3 كلبسات )
مسكت سشوار وسكينة
السشوار عشان يسيح السيليكون والسكينة عشان أفرق بين الفانوس والجسم
فضلت شغال كدة كتييييييييير
وفي الأخر الحمد لله أتفك
فكيت الجزء اللي هعمله smoke
طبعا فكيت جزء غير العاكس بتاع النور عشان الأضائة ماتبوظش
انا فكيت الجزء ده ( العربية نوبيرا 1 )


وجبت سبراي أسود مط ب 7 جنيه
ورشيت الجزء ده
طبعا برش من مسافة حوالي 20 سم ومش رش متواصل عشان مايسيلش
لو سيل هيبقي شكله عرة
خلصت الفانوسين وركبت كل حاجة
يفضل تجيب سيليكون حراري عشان تركب الفانوس تاني زي ما كان
انا سيحت السيليكون اللي كان موجود ولحمته تاني زي ما كان
وده كانت النتيجة



كدة الفوانيس خلصت
قلت أرش الشبكة
فكيت البكة من الكابوت وكانت مربوطة ب 6 صواميل
وده بعد ما أتفكت


انا كنت عايز أرش الجزء النيكل بس
الجزء ده متثبت في الشبكة من ورا ب 15 مسمار
فكيتهم


رشيت بنفس الطريقة وركبتها تاني في الشبكة
وده بعد التركيب

وبعد التركيب في العربية والنتيجة النهائية كانت
هي ده النتيجة :)


والكلام ده كله بتكلفة 6 جنيه صنفرة و 7 سبراي وكان عندي ال polish وال wax يبقي 13 جنيه :)
ودلوقتي بالنسبة للأضائة : أتحسنت كتييييييييييييييييييييييي يييييييييييييييير جدا ومغيرتش اللمبات لسة وأحتمال ماغيرهاش .... انا كنت فاكر العيب في المبات
الحمد لله بقيت بشوف كويس بالليل :)

ان شاء الله التعديل الجاي performance و شوية visuals تانية