-
العربية عليها عفريت
السلام عليكم
يا جماعه انا راجع من شغلى عادى جدا من اكتوبر لغاية البيت فى امبابه مفيش اى مشاكل نهائى ... ركنت و طلعت اجيب شويه حاجات و نزلت رايح مشوار - الفاصل الزمنى لا يتعدى نص ساعه يعنى العربية لسه سخنة مع انها و هى بارده مفيهاش مشكلة - بدور مش عايزة المارش شغال و البطاريه فله روحت فاكك سلوك البوجيهات لقيتها بتوصل شرارة كويس و كذلك البوبينة شرارتها كويسة و فكيت فلتر البنزين و اديت سنه مارش لقيت البنزين بيضرب يعنى الطلمبة و الفلتر مفيهومش مشاكل .... روحت جبت كهربائى بص و قعد عمل نفس الكلام و فى الاخر فك وش التاكيهات و خلانى دورت العربية دارت - كان فيها ايه يا ريس قالى كانت مخنوقه و فكينا الخنقه ..سالته يعنى ؟؟ فهمت فى الاخر انه مش عارف السبب الحقيقى - كل ده مكملتش ربع دقيقة و العربية بطلت تانى
قالى دور و بقى يزود بنزين بقت تدور و مخنوقه جدا و علبه الفلتر بتاع الهوا بقت تعمل فرقعات فقالى شوف ميكانيكى
روحت لميكانيكى تعالى يا عم شوف الملبوسة دى مالها حكيتله القصة كلها
قالى دى ممكن يكون سير الكتينة نط من مكانه او خلفت تقسيمه .. قولتله يا عم ازاى دا انا ماشى بعد ما غيرت سير الكتينة يجى 10000 كم و قالى ممكن تكون كسرت كامة .. فتحنا الوش بتاع التاكيهات تانى عشان يشوف الكامة قالى لا كويسه مفيهاش حاجة بس تعلالى بكرة عشان افك ال head اللى فيه الكامه عشان فى حاجة بتقفش جوه فهشوف فيها ايه يمكن الفتحات اللى بتطلعلها زيت اتسدت و انا مكنتش شايف فتحات انا شوفت العمود كله غرقان زيت
حد يفيدنى بالله عليكم منعا لتخاريف الصنايعيه و لخسارة الوقت و المال و الجهد
و جزاكم الله خيرا و اسف جدا على الاطاله
-
لمبة التشك منورة؟
اصل الفرقعة دى بتحصل اما نتيجة مشكلة فى الماي او لو فية صباب سحب معلق
MMamdouh
-
لا لمبة الشيك مش منورة
و الفرقعة دى كانت بتحصل لما كنت بدور و هو بيزود بنزين جامد عشان متبطلش بس كانت بتبطل على الرغم انه جايب بكرة البنزين على الاخر
-
كدة ممكن تكمون فيه مشكلة فىكستبانات او شواكيش
MMamdouh
-
-
مهو لازم يفكة عشان يوصل للكستبانات و الشواكيش
MMamdouh
-
طيب القصه دى بعد ما تتظبط تفرق معايا فى ايه كاداء للعربية دا غير طبعا انها هتدور فى الاول يعنى مثلا هتفرق فى السحب او سرعه الدوارة او استهلاك بنزين .... الخ ؟؟؟؟
-
و بعدين هو قالى هيفك الهيد عشان عمود الكامة بيقفش مش عشان الكوستبانات و الشواكيش
فهل كده بيخرف ؟
-
فى حاجة مهمة انا نسيتها وهى ان امبارح الميكانيكى و هو بيجرب كان فى خرطوم اللى بيكون راكب فى المانفولد واقع و بعد ما ركبه بردو مشتغلتش " الخرطوم اللى بيكون فى الجنب "
سؤال اخير هل انزل ادور العربية دلوقتى ؟؟؟ و لو حصل و دارت اعمل ايه ؟؟ و اكيد لو زى ما هى مدارتش يبقى العيب لسه قائم
-
بلاش تحاول تدورها لأن ممكن تكسر شاكوش او تعوج صباب زى ما حصل معايا
فك الهيد و شوف ايه الموضوع
هيه العربيه عامله كام الف؟
و الزيت نوعه ايه ؟ و شغال بقاله كام الف؟
Content Relevant URLs by
vBSEO 3.6.0 PL2