امامي اسكورت 98 للبيع اريد النصيحة

السلام عليكم
امامي فورد اسكورت للبيع حالتها ممتازة صالون بحالة الزيرو استعمال محترم
فابريقة دواخل للبيع علي 32000 هي السيارة موديل 98 1300 سي سي
بها تكييف وانذار وسنتر
مش عارف اعمل ايه اشتريها ولا اشتري اوبل كورسا 94 وابيزا او ازود 2 او 3 الاف واجيب بولو
العربية دي تستاهل يعني والسعر ده كويس عليها كعربية ولا بتكون اقل من كدا في السعر لو الحالة زي دي
ايه الافضل اجيب الانواع التانية اللي ذكرتها سابقا و اصل بصراحة العربية بتكون بعض الاوقات فلوس معالك في اي وقت لو حصل ظرف فبالتالي الانواع السابقة هتتباع اسرع
ولا الاسكورت عربية كويسة وممكن تتباع يعني بعد كده وافضل من السابقين وقطع غيارها موجودة زي الباقيين
ارجو سرعة الرد
وشكرا جزيل الشكر

بس انا كان معايا ابيزا عربيه حلوه وقطع غيارها معمره اوى وعلى شاسيه جولف وقطع غيار كتيره من اللى بتركب فى الجولف والبولو بتركب فى الابيزا ولما غيرت غيرت لفورد مونديو عربيه حلوه وواسعه واستيبل وقطع غيارها موجوده ان شاء الله لاكن مش معايا اسكورت عشان احكم على الاسكورت بس اللى اعررفه انها ممكن تجاب اقل من 32000 سعرها مش ثابت . بس الفورد بجد عربيه محترمه وركوبه بجد. وفى الاخر اللى بيحكم تركب ايه حالة العربيه يعنى لو كويسه ومش حتتعبك ومتظبطه ومفهاش مصاريف مش خساره تدفع فيها الرقم دا. والله اعلم

الاسكورت اوسع وتنفع عيلة بس ال1300 سحبها ضعيف لو ملكشي في الجري والشد هتبقي مناسبة جدا.

انا معايا اسكورت بس 1600 انجكشن هيا العربية بالمقارنة بالتانين دول كلهم في فرق شاسع في المتانة والعفشة والثبات الفورد اجمد بكتير جدا وقطع غيارها موجودة استيراد وجديد عادي جدا ومش غالية اوي بامقارنة بمستواها في العربيات مشكلتها انها مش بتاعة لعب يعني 1300 مش هيبقا سحبها عالي قوي لان العربية تقيلة مش خفيفة زي العربيات اللي انت قلتها وبيعها تقيل يعني ممكن تخسر فيها لكن هيا عربية فخمة وقوية جدا