العربية جننتنى حد يشفلى حل ياريت

بسم الله الرحمن الرحيم
السلام عليكم ورحمة الله وبركاته
عندى مشكلة فى العربية مطلعة عين اهلى
المشكلة ان الصبحية كده اسخن العربية وتمام التمام وامشى بيها شويه يقوم ظاهر صوت ووووووووووووووونه جامد جدا لدرجة انه بيسمع فى العربية كلها الصوت بيبداء يعلى واحده واحده كل لما ازود بنزين ولما اجى امسك فرامل بيبداء يروح
مع العلم ان الصوت مش بيظهر باستمرا بيظهر مع اول طلعه للعربية فى البداية وبعد كده لو ولعت فى العربية مش بيظهر ابدا
الصوت لبما يظهر واركن بالعربية وهى شغالة ازد بنزين الصوت مش بيظهر. واجى امشى يروح ظاهر تانى
قولت بلى عجل الميكانيكى قالى لو بلى هيظهر معاك على طول مش يروح ويختفى تانى
المهم بقى واللى مجنن اهلى انى لما بروح بيها عند اى ميكانيى ونطلع نجرب الصوت مش بيظهر لدرجة انى وكل لما اروح لميكانيكى يقولى العربية مافهاش حاجه مع ان الصوت الوووووووووووونة ده بيخلى العربية عاملة زى الغساله لما بيعلى طول مابزود بنزين
ياترى ممكن يكون ايه المشكلة دى بالله عليكم انا خلاص زهقت علما بان المشكلة دى بقالها 3 شهور ومحيرة اهلى
العربية لانوس 1 اتوماتيك

برجاء من له اقتراح او عنده حل يعدنى بيه

واحد صنايعى قالى ان ده ممكن يكون الفتيس الاتوماتيك فمش عايز العب فى الفتيس ولو هو الفتيس مش المشكلة لازم تكون ظاهرة على طول مش تروح وتختفى مثلا ؟
واحد تانى قالى بلى الكاتينة والصنيعى اللى عنده قالى البلى سليم ماتتعبش نفسك؟
واحد تالت قالى بلى عجل سئلته بردك مش لو كان كده كان ظهر باستمرار مش مرة ويختفى خالص فسكت