-
اشتري فوكس 2008 ولا ؟
محتاج مساعدتكم لأن قدامي فورد فوكس 2008 هحط لينكها في الاخر
المهم انا كلمت الراجل وطلع تمام واستريحتله بصراحه .. المهم هي فابركيه جوة وراشه رفارف و كل الحاجات شغاله طارة و كاسيت وتكييف و فتحه سقف مرايات كله سليم مافيهوش مشاكل ومهتم بيها ومبيطلعهاش بره التوكيل ف سعرها تمام ولا كتير ولا ايه ؟ خصوصا أن قدامي اوكتافيا a5 2007 بتاعت قريبي ناشيه 75000 بس الطارة المالتي فيها بايظه و الشنطه فيها مشكله مبتفتحش من الريموت ومتجرحه جامد .....
وكنت عايز اعرف ايه نظام توكيل الفورد و ايه اخر اسعار قطع الغيار دلوقتي عشان ده مهم بالنسبالي لأني كنت راكب لانسر وانتو عارفين حاجتها عند اي سوبر ماركت واي حد بيصلحها .. وانا من اكتوبر ف هل هلاقي حد بيصلح الفوكاس هنا ؟ ولا توكيل وش ؟
سؤال مهم بردو هي عاليه ولا واطيه ؟ نظامها ايه في المطبات لأن الاوكتافيا مريحه جدا مخدتش بيها ولا مطب غير اللانسر كنت باخد كتير
ف ياريت الاقي رد بسرعه مش عارف ليه حاسس انها لقطه وحد هيشتريها منه :)
-
بس حتلاقى اللى انت عايزه فة تقييم الفوكس فى اللينك دا
http://www.nilemotors.net/Nile/43676-a.html
وكمان كل ما يخص قطع الغيار وغيره فى اللينكين دول
http://www.nilemotors.net/Nile/177966-a.html
http://www.nilemotors.net/Nile/21237-a.html
وخلاصة الموضوع الفورد عربية بشوات بجد ركوبه ومعلوماتى ان التوكيل اتغير كتيييير عن زمان وبقى تظبيط اكتر من الاول بكتير واستنى يمكن حد راكب فوكس يجاوبك
-
متشكر ل ردك .... المشكله اني كل ما اكلم حد يقلي ابعد عن الفورد هتقرفك وانت كنت متعود علي لانسر ف هتعاني وكده .. وقدامي الاوكتافيا ف الموضوع بقي صعب ابويا مقتنع بالاوكتافيا وعنده نفس الفكر القديم بتاع الشعب المصري عن الفورد و امريكاني وهتجيب حاجاتها بالطلب من بره وجو الفيراري ده :)
-
-
ده اللينك يا جماعه مش عارف بيتشال ليه
-
كمقارنة بالاوكتافيا معرفش بس اللى اعرفة من واحد معاة الاتنين ان الفوكس اوسع والتكييف احسن
الفوكس كعربية ممتازة هتلاقيها فيها كل اللى انت عايزة
عيب الاتنين ان الموتور يعتبر ضعيف على وزن العربية فا طلعتهم تقيلة
اما بالنسبة لمشكلة المشاكل واللى بتخلى اى حد يسمع اسم فورد يقشعر وهى قطع الغيار , الفوكس من اول 2006 وكل قطع غيارها متوفرة ورخيصة مش غالية لو قارنتها بفئتها او حتى بعربيات اقل منها وحتى لو على اسعار التوكيل
عيبها فى قطع الغيار انها ملهاش استيراد غير نادر اوى
-
طيب انا نزلت شوفت العربيه وحالتها ممتازه وهكشف عليها بكره إن شاء الله
في حاجه بقي الكاسيت فيه زرار مكتوب فيه aux وسألته علي الوصله مكانها فين شاورلي علي مخرج الكهربا وقالي هو ده وتقريبا مكنش يعرف ايه هو ال aux المهم انا ملقيتش مكان الوصله .. ف هل فيها اصلا ؟ ولو مفيهاش ازاي الكاسيت السوني ده نازل في زرار كده ولو فيها طب فين مكانها انا دورت في المسند ملقتش
-
-
بصيت ملقيتش حاجه :)
بس هو خلاص استقرينا علي الفورد إن شاء الله ... نزلنا شوفناها وسوقتها وشوفت الاوبشن وجربت كل حاجه وحالتها فوق الممتازه ومفيهاش خدش ... بعدين روحنا التوكيل عشان نكشف الراجل صاحب العربيه كتر الف خيره قالي ماتكشفش تاني كان في لسه واحد كاشف عليها من 3 اسابيع والريبورت هيبقي متسجل عندهم و فعلا رحنا الصبح الساعه 9 توكيل اخر احترام بصراحه - للعلم انا مجرب توكيل متسوبيشي- ومفيش زحمه وبيقابلوك مقابله الملوك :) .. المهم اخدنا الريبورت واحنا واقفين ومدفعتش جنيه - يعني وفرت 450 ج- المهم مكتوب الملاحظات دي في الريبورت : قسم الميكانيكا و العفشة > السيارة محتاجه تيل وطنابير اماميه و 2 لينك خلفي و طنابير وتيل خلفي بعد 25 الف كيلو .. و جوان غطا التاكيهات ...... قسم الكهرباء > لايوجد اي اكواد اعطال بالسياره ... قسم السمكرة والدهان > السيارة بحاله جيدة رشه رفارف فقط و في التوكيل
ايه رأيكو بقي ؟ ومعلش الحاجات ي هتبقي تكلفني كام لو عندكو معلومات ... وايه جوان غطا التاكيهات ده ؟
-
غالبا الحجات دي ممكن تكون سليمة بس حضرتك عارف ان التوكيل بيغير حجات معينة علي اساس عدد الكيلومترات المقطوعة مش زي حلتنا بنغير الحاجة لما تبوظ وتجيب اخرها.
الف مبروك مقدما.
Content Relevant URLs by
vBSEO 3.6.0 PL2