معايا عربية مرسيدس s320 موديل 2002
بدون مقدمات لمبة الإيرباج SRS نورت..ولما حد يقعد علي الكرسي اللي جنبي تطفي..لو قام تاني تنور.تفتكروا إيه هي المشكلة وإيه حلها..وشكرا
عرض للطباعة
معايا عربية مرسيدس s320 موديل 2002
بدون مقدمات لمبة الإيرباج SRS نورت..ولما حد يقعد علي الكرسي اللي جنبي تطفي..لو قام تاني تنور.تفتكروا إيه هي المشكلة وإيه حلها..وشكرا
السلام عليكم و رحمة الله و بركاته
و الله يا باشا, أنت ابن حلال مصفى.
ألف مبروك عليك العربية و ربنا يباركلك فيها و يعطيك خيرها و يكفيك شرها و عقبال الMERCEDES S65 AMG 2012
العربية دى أنا بحبها جدا, و كنت بفكر لما ربنا يفتحها عليا شوية و تبدأ تندع, أنى أجيب واحدة, أصلها مش غالية, ممكن تجيب واحدة ب11-12 ألف دولار و حالتها ممتازة بس هتبقى S430 مش S320, و بتبقى عاملة أقل من 60000 ميل, بس لما دخلت عالموقع ده,
http://www.edmunds.com/mercedes-benz/s-class/2002/consumer-reviews.html?sub=sedan
و قريت الReviews لناس شارية العربية دى مستعملة, لقيت ناس بتشكر أوى فى العربية و ناس بتسب و تلعن فيها و تعتبرها عااااااااااااااار على شركة مرسيدس للأعطال الكتير و التكلفة الغالية للتصليح, السؤال بقه, هى فعلا العربية دى أعطالها كتيرة ؟؟؟؟
السؤال التانى و آسف جدا للاطالة, هى العربية دى فى مصر تعمل كام تقريبا فى ظل كساد سوق المستعمل اليومين دول و توقف حركة البيع و الشراء ؟؟؟
ألف شكر ليكم و جزاكم الله كل خير.
بص في معلومة بس معرفش ايه مدى صحتها عشان مابقاش بفتي بيقولك يا سيدي ان في sensor ل ال passenger airbag لما حد يقعد على الكرسي ال airbag تشتغل لما يقوم تتقفل و بالتالي اللمبة تشتغل !!
أولا يا باشا الله يبارك فيك ومتشكر جدا
ثانيا بالنسبة للموديل ده...لو سمعت حد بيسب ويلعن فيه وبيعتبره عار علي شركة مرسيدس يبقي حاجة من الإتنين..إما إنه سائق علي عربية كارو...إما إنه ميعرفش ماركة إسمها مرسيدس أصلا..دي نقطة..النقطة التانية تعالي نشوف إيه هي العيوب اللي فيها ومش هتكلم عن بحر المميزات دلوقتي عشان ده عاوز موضوع لوحده.
1- العربية دي علي عفشة نظام هايدروليك إسمه airmatic system .. مع الوقت بعد مثلا 5 سنين من الإستخدام بتحتاج تغير طرمبات ضخ الهواء و عددهم 4 وتمن الواحد 3000 جنيه.وممكن متغيرهمش عادي بس هيكون ليهم صوت عالي وقت تشغيلهم فقط وبطئ نسبي أثناء تأدية وظيفتهم.وبيقال في موديلات 2005-2006 عالجوا العيب ده.
2- شنطة العربية صغيرة بالنسبة لحجمها..يعني زيها زي شنطة الإلنترا واللانسر مثلا.
3- أسعار قطع غيارها داخل التوكيل ضرب نار قنابل نووية يعني علي سبيل المثال سعر الـ 4 مساعدين بالصلاة علي النبي 40000 جنيه مصري.-سعر الفانوسين الأماميين 18000 جنيه مصري...بس خد بالك إننا بنتكلم في عربية كان سعرها زيرو فوق المليون...فعادي لما يكون أسعار قطع غيارها بالبشاعة والإجرام ده.وأسعار قطع غيارها برة التوكيل إستيراد معقولة..زيها زي الـ w211
بخلاف ذلك...إنت راكب سفينة فضاء بكل ما تحتويه الكلمة من معني...والحمدلله علي نعمته.
سؤال بسيط بس وارجو الاجابه..هو حضرتك شاريها من مصر ولا من موقع بره مصر زى اللى قال عليه استاذ مازيراتى
وهل الشراء من المواقع الاجنبيه فيه قلق او مشاكل...لانى بفكر جديا من موقع اسمه pistonheads classified
ونظام دفع الجمارك بيكون ازاى...وخصوصا ان حاله العربيات فيه بتكون شبه جديده..وشكرا مقدما
السلام عليكم و رحمة الله و بركاته
لأ يا فندم, أنا أصلا اللى بره مصر و لو ربنا كرمنى و اشتريت العربية دى, هيبقى عشان أستخدمها بره مصر, لكن عربية زى دى, موديل قبل ال2012, ماينفعش تخش مصر الا تربتكت يعنى افراج مؤقت, تقعد شوية و تطلع بره تانى مطرح ماجت, لكن ماينفعش تخص مصر و تتجمرك و تعلق نمر ملاكى.
و للأخ الفاضل Inspiron, ألف شكر على الايضاح, موديلات ال2005 و ال2006 هى آخر موديلات الS class اللى بالشكل ده اللى هى الW220 لأن بعدها نزل الW221 من أول 2007 و أنا فعلا سمعت أن العيب ده اتصلح فى موديلات بعد ال2005 و ده يمكن السبب أن موديلات 1999-2002, سعرها فى أميركا وااااااااااااااااقع, ممكن تجيبها ب11000 دولار.
و هى العربية دى تعمل كام فى مصر لو كانت S 320 مو 2005 ؟؟؟
شكرا و جزاكم الله كل خير.
مشكور جدا على الافاده...
مبروك يا استاذ احمد علي العربيه وربنا يكفيك شرها يارب ويديك خيرها لازم صور وماتنساش تدخل علي قسم البي ام تاني اوعي تنساه
شوف هقول لحضرتك علي حاجة,,صحيح العيب تم علاجه في 2005--لكن ده لا يقلل من قدر 99 -2004 في شئ..لأن بكل بساطة الأساسيات واحدة..وبكل سهولة ممكن تستبدل العفشة الموجودة في موديلات 99-2004 بالموجودة في 2005,,وموجودة أكيد في الحرفيين.فالأمر سهل بس مكلف طبعا.يعني المساعد الواحد هيعمله إستيراد مش أقل من 3000-4000 جنيه مصري وده كويس مقارنة بالتوكيل ( 10000 جنيه للمساعد الواحد ) وممكن متعملش كل ده وتصين طرمبات الهوا في العفشة القديمة كل فترة وفي ناس في مصر متخصصين في الموضوع ده عادي..يعني بإختصار الموضوع مش أزمة الحمد لله.
بالنسبة لسؤال حضرتك التاني,,الـ s320 كان آخرها 2002 شهر 10 ( اللي هي معايا ) بعد كده تم إستبدال الموديل ده بـ s350 اللي موتورها موجود في الـ w221 ( بدون أسباب تدين الـ s320 ) فقط كعملية تحديث يعني.
بالنسبة للـ s320 أنا جايب عربيتي فابريكة رشة حزام تحت نظافة ( في التوكيل ) بحالة فوق الممتازة شكلا ومضمونا سعرها 300 ألف جنيه كاش.وكانوا بيتكلموا في 320 ألف .أنا جايبها من شركة عز العرب وهي المرسيدس الوحيدة اللي كانت موجودة في مخزن المستعمل بتاعهم.ودي الشاسيه الطويل (long wheel base) وشوفت قبلها عربيتين شاسيه قصير موديل 2000-2001 رشة بالكامل وصالونها بحالة معقولة كانوا بيلعبوا في 265 ألف للـ 2000 و 270 ألف للـ 2001. للعلم العربية دي زيرو كانت كاسرة المليون وشوية فكة :)
وحقيقي هي عربية الله أكبر عليها وأنا شخصيا بحبها أكتر من w221.
الله يبارك فيك يا باشا وعقبالك وطبعا مقدرش أبعد عن قسم البي إم وأي حد محتاج أي حاجة تخص البي إم أنا تحت أمره في أي وقت.