الموضوع: تجربتي في تنظيف الايدل كونترولر

العربية .. دايو نوبيرا 2 2007 مصري
الموضوع سهل جدا و مش معقد
الادوات .. مفك صليبة يكون قصير عشان المكان مش هيساعد لو مفك طويل
منظف wd40
علبة مناديل صغيرة


- دا مكان الحساس




- هتشد الفيشة اللي متوصلة بية وتفك المسمارين
- في جوان صغير كدا خد بالك منه عشان ما يضيعش

دا الحساس قبل التنظيف






- هتبدأ في رش ال wd40 جوة الحساس على المكان اللي فية السوستة الصغيرة و على الحساس من فوق .. بعد كدا نضف الاماكن اللي ظاهرة بمنديل و ارجع رش منظف تاني لحد ما تحس ان كلة بقى تمام

- ممكن ترش شوية wd40 في مكان المكان اللي بيتركب فية الحساس و تمسحة بمنديل بردو





و دا الحساس بعد ما اتنضف و بقى تمام




بعد كدا تركبة تاني
- افتح الكونتاكت 5 ثواني و اقفلة 3 مرات
- دور و سيب العربية كام دقيقة كدا سلانسية و بعد كدا شغل الاحمال اللي في العربية .. تكييف و نور و كاسيت .. سيبها كام دقيقة بردو و بعد كدا اقفل الحاجات دي تاني و بطل
بعد التجربة دي صوت الموتور قل خالص في السلانسية و بقت ناعمة شوية