السلام عليكم
جهاز الانظار كل ما اقفل العربيه يروح مزمر تانى اكن فى حد خبط العربيه والاشارات تشتغل وبعد فتره الصوت يسكت بس الاشارات شغاله على طول ايه الحل يا شباب العربيه دايو لانوس الانظار مركبه من حوالى 4 شهور
عرض للطباعة
السلام عليكم
جهاز الانظار كل ما اقفل العربيه يروح مزمر تانى اكن فى حد خبط العربيه والاشارات تشتغل وبعد فتره الصوت يسكت بس الاشارات شغاله على طول ايه الحل يا شباب العربيه دايو لانوس الانظار مركبه من حوالى 4 شهور
روح للكهربائي اللي ركبهولك هاتلاقيه موصل سلك غلط
جرب كده تقلل حساسيه الجهاز
جرب تشيل الحساس خالص ده اولا لو نفس المشكله موجوده يبقى راجع على زراير الابواب كلها لان لو نقطه ميه جت على زرار منهم بتعمل املاح وبتخلى الانزار يشتغل كأن فيه باب مفتوع
مع العلم ان ممكن لمبه نور الصالون تبقى مش منوره بس الاملاح اللى على الزرار بتعمل شببه توصيل بسيط والانزار بيحس بيها
الكلام ده كان بيحصل عندى لما اغسل العربيه فى بنزينه ويغرقوها ميه وزراير الابواب تيجى عليها ميه
جرب تضغط بأيدك على زرار زرار وتقفل العربيه من الريموت ولما تبطل تزمر وانت ضاغط على زرار منهم يبقى هو ده اللى معلق
بدام من 4 شهور يبقى الجهاز له ضمان
ارجع للمكان اللى اشتريت منه هيغيرلك الجهاز
والمحل ماله ولا ليه دعوه لو روحتله
حيقولك معاك علبه فيها ضمان شوف مكان الشركه او الضمان فين وروحلهم
بالظبط زى لما حضرتك بتشترى موبايل ويطلع فيه عيب بعد كام شهر
ودى نقطه غايبه عن ناس كتير لما بيشترو انزار مبيفكروش الضمان بتاعه فين لو حصل فيه حاجه او المفتاح راح مثلا
شيل كبل البطارية لمدة دقيقة وركبه تانى
العيب من الحساس بس عايز يتغير تقريبا انا حاليا قللت الجساسيه بتاعتاه خالص بس مش مقتنع بال انا عملته بس دا حل لحد لما اغيره خالص ان شاء الله
كلام بياعين يا باشا صدقنى
كل اللى كان حيعمله لو هو صادق فى كلامه انه حياخده منك فعلا ويركنه عنده عقبال ما يبعته مع المرتجع اللى بايظ للتوكيل اللى بيتعامل معاه وبعد كده يردو عليه عيب مستخدم ولالا ولو عيب مستخدم حتدفع انت تكلفه الاصلاح ولو عيب تصنيع يا حيصلحو يا حيدوك جهاز تانى
خودلك اسبوعين الى شهر عقبال ميحصل الكلام ده
الكلام اللى انا بقولهولك ده عن تجربه بس انا اخدته بنفسى لما باظ وديته التوكيل لانى اعرفه وعشان اختصر الوقت
وفى الاخر صلحته على حسابى :)
كان انزار سيمونى والتوكيل كلاريون